It(em) willem van udekem wonen(de) te bout(er)shem heeft geloeft henricke va(n)/ goetsenhoven tymm(er)man te vellen en(de) aftehouwene [binne(n) deser jegewordig(er) meertscher(en)] alsulke xxvi eyken/[tucht] alse de selve henric gecocht heeft tegen den jonch(e)r van voer? udeken jonch(e)r/ janne van witham hee(re) te bout(er)shem (et)c(etera) staende alnoch wassende inden bosch/ gehete(n) den butselbosch toebehoren(de) den vors(creven) jonch(e)r janne Welke sessentwintich/ eyken vors(creven) de selve willem selve getekent heeft [gelijc die(n) [ghene die] gevelt sijn die ald(aer) vercocht sijn] ende de selve d eyken/ den selve(n) henricke te loven(en) te leve(re)n ter sijnd(er) gelieften d(aer)t de(n) selve(n) henr(icken)/ gelieven sal Te weten de xiii eyken d(aer) af te sente jansmisse bap(tis)[ten]/ nu naestcomen(de) en(de) dand(er) xiii d(aer) af tot ons(er) vrouwe(n) daghe nativitas/ d(aer) naestvolgen(de) en(de) sond(er) argelist witte vynck(enbosch) m(ar)tii xix