It(em) jonch(e)r henrick van witham hee(re) van bout(er)shem en(de) joes smeyers/ zone wijlen wout(er)s in jeghewordich(eit) der scepen(en) van loeven(en) ghestaen hebbe(n)/ ghelooft onghezund(er)t en(de) onghescheyden en(de) elck voir al voir hen hue(re)n erve(n)/ en(de) naecomelinghen martene van oppendorp zone jans van oppendorp tierst/ uut desselfs sijns vad(er)s broede ghedaen sijnde sine(n) erve(n) en(de) naecomelinge(n)/ altoes ghenoech te doene van alsulken x rinssche gulden(en) der mu(n)te(n) vanden/ vier koervorsten van goude goet en(de) ghehinghe te weten(e) xx st(uvers) voir d(er)/ mu(n)ten ons gened(ichs) shee(re)n tsh(er)toghe(n) van bourg(oig)[ne(n)] en(de) van brabant voir/ dat(um) sbriefs ghemunt en(de) gheslage(n) voe(r) elken rinssche(n) gulden(en) gerekent/ erfflijk(er) rinten alle jaire opden lesten dach sond(er) eenen der maent van/ meye te betalen(e) en(de) ind(er) stad wissel van loeven(en) te leve(re)n als de selve m(ar)ten/ teghen den voirs(creven) joose vercregen heeft aen en(de) op de goede h(ier) nae besc(re)ve(n)/ Inden yersten aen en(de) op die helicht van eene(n) huyse en(de) hove met sine(n) toebehoirte(n)/ gheleghen te cortelke opden bruel tusschen de ghemeynvroente ald(air) op deen zijde/ en(de) de strate gaende te rode weert aen dand(er) zijde te weten op die helicht die/ gheleghen es opde sijde te rode weert Item aen en(de) op een eussel gheheeten/ den neck(er)sdijck gheleghe(n) opde ryme(r) gheheeten de wynghe tusschen de selve/ riviere op deen zijde en(de) die verbeempde aen dand(er) zijde Item aen en(de) / op viere eussele(n) gheheeten die dorenten gheleghen te cortelke voirs(creven) uutcomen(de)/ de twee dorenten dair af aen de verbeempstrate en(de) de ande(re) aen de keerbeempde/ en(de) neve(n) die goede willems van ophem Item aen en(de) op een stuck soe eussels/ soe bosch d(air) neven ghelegen aen de voirs(creven) verbeempde houden(de) omtrent een boend(er)
//
tusschen de strate op deen zijde en(de) de goede katheline(n) srydders aen dand(er) zijde/ It(em) aen en(de) op drie dachmael beempts ghelegen opt breemt inde verbeemde/ uutcomen(de) tot opde wynghe Item aen en(de) op drie dach(mael) beempts gelege(n)/ inde selve voirs(creven) verbeemde neven deussel steven ylkaerts Item aen ende/ op een eussel ghelege(n) aen de driessche te savelpoele It(em) aen en(de) op drie/ dachmael lants gelege(n) opt coettelvelt couthervelt op de veke tusschen/ de selve veke en(de) de goede lijsbetthe(n) vander hulst It(em) aen en(de) op viere/ dachmael lants ghelege(n) int block [geheete(n)] jans geldens block naist den goeden/ jans geldens voirs(creven) uutcomen(de) aende leempoelstrate It(em) aen en(de) op/ twee dach(mael) lants ghelege(n) opden leempoel tusschen die goede reyne(re)/ tielens in deen zijde en(de) die strate in dand(er) zijde uutcomen(de) aende/ voirs(creven) leempoelstrate dair af de voirs(creven) m(ar)ten vore den voirs(creven) jonch(e)r henr(icke)/ als hee(re) vanden leene d(er) voirs(creven) goeden en(de) sine(n) ma(n)nen van leene opden/ dach van heden ghuedinghe en(de) vesticheit ontfanghen heeft van/ welken goeden en(de) ond(er)pande(n) voirs(creven) de voirs(creven) jonch(e)r henrick en(de) joes/ hebben ghelooft onghezund(er)t en(de) onghescheyden en(de) elck voir al ghenoech/ te doene oft den selven m(ar)tene yet myn dan ghenoech ghedaen wae(re)/ en(de) de selve goede voir vry en(de) ombeco(m)mert leen te waranderen(e) Alsoe/ dat den selven m(ar)tene voe(r) hem sine(n) erven en(de) naecomelinghen vast/ en(de) zeker sijn moghe tot euwighen daghen Gheloven(de) voort de voirscr(even)/ jonck(er) henrick en(de) joes onghezund(er)t en(de) onv(er)scheyden en(de) elck voir al/ als vore den voirs(creven) m(ar)tene van oppendorp sine(n) erve(n) en(de) naecomelinge(n)/ de voirs(creven) x rinssche gulden(en) erfflijk(er) renten alle jaire ten voirs(creven) t(er)mijne/ te betalene en(de) inden wissel te loeven(en) te leverene erfflick in toecomende(n)/ tijden en(de) telken t(er)mijne als vervolghde schout cor(am) roelofs colonia maii/ penultima