It(em) claes uten lye(mingh)[en] sone he(re)n jacobs uten lyeminghen [ridd(er)s] ende jan/ de welde van willebringhen sijn comen in jegewordicheide(n) d(er) scepen(en)/ van lovene en(de) hebben [genomen en(de)] bekent dat sij ghenomen hebben van h(ere)n daneel/ rogghen proefst vande(n) cloeste(r) van vlied(er)beke inden name en(de) van/ des selfs cloest(er)s weghen de thiende van willebringhen toebehoe(re)nde/ den vors(creven) cloeste(r) Te houden [en(de)] te hebben van sente jans misse bap(tis)[te(n)]/ dat was int jaer ons he(re)n dusent vierhond(er)t en(de) twee ene(n) termijn/ van neghen jae(re)n deen nae dand(er) daer nae staphans volg(ende) elx jaers/ dae(re)n binne(n) o(m)me lxx sacke corens thienschen maten alsulx corens/ als vand(er) vors(creven) thiende(n) come(n) sal met wanne en(de) met veede(re)n wel bereyt/ te sente andr(ies) misse apostels te betalen en(de) xxxv sacke d(aer) af tot lov(en)/ ocht tot vlied(er)beke daert mine(n) he(re) den abdt van vlied(er)beke ghenuege(n)/ sal op hoe(re)n cost te leve(re)nne alle jae(re) de(n) vors(creven) t(er)mijn duer(ende) en(de) telke(n)/ t(er)mine als v(er)volghde schout En(de) es te weten dat sij gheen tarwe uut/ scheiden en selen noch gheen coren sij en selent d(er)sschen alsoet/ vanden velde come(n) sal en(de) leveren met d(er) mate(n) vors(creven) Ite(m) selen/ de vors(creven) claes en(de) jan [tcoren vand(er)] de vors(creven) thiende(n) [comende] vuere(n) inde thiendescuere/ ald(aer) den vors(creven) cloeste(r) toebehoe(re)nde en(de) de selve scuere houde(n) van/ wande en(de) van dake in goeden state den vors(creven) termijn duere(n)de/ It(em) selen hebben de vors(creven) claes en(de) jan ghenome(n) jeghen de(n) proefst/ vors(creven) de cleyn thiende des vors(creven) cloest(er)s te willebringhen den/ vors(creven) t(er)mijn van ix jae(re)n lang duer(ende) dats te wete(n) dyerste iii/ jaer elx jaers o(m)me ix gul(den) rinsche en(de) dande(r) vi jaer d(aer) nae/ volghende elx jaers o(m)me viii gul(den) rinsche van goude goet en(de)/ gheive te sente andr(ies) misse vors(creven) te betalen alle jae(re) den vors(creven)/ termijn duer(ende) en(de) telken termine als vervolghde schout It(em) es/ te weten w(er)t alsoe dat den vors(creven) cloeste(r) in eneghen vande(n) vors(creven)/ jae(re)n toecomende broet coren ghebrake en(de) te doen hadde(n) soe sele(n)/ de vors(creven) claes en(de) jan doen d(er)sschen alsoe vollec alst coren inde scue(re)/ es tot xii sacke(n) toe en(de) niet vorde(r) albus roelants junii ix/ a(n)no xiiii[c] t(er)tio