It(em) joh(ann)es clissen van hugarden heeft ghenome(n) van he(re)n arnde huysman/ prieste(r) p(ro)cureurd(er) vande(n) godshuse van haffligheem ix dachmael wy(n)garts/ ocht d(aer) omtrent geleghen te wave(re) bove(n) she(re)n wy(n)gart van wave(re) en(de) neven/ de p(er)se scloest(er)s van wave(re) Te wynne(n) ende te houde(n) van alre heilghen/ misse naest voerlede(n) ene(n) t(er)mijn van drien jae(re)n Daer nae deen nae dand(er)/ staphans volgende Dats te wete(n) dat de selve jan den wyngarde de vors(creven)/ wyngarde houden ende make(n) sal van allen saken en(de) de van meste(n) va(n)/ sakeleerne va(n) grave(n) van sinckene en(de) va(n) allen saken [en(de) werke] den vors(creven) wyng(ar)de/ toebehoe(re)nde en(de) alle werc te tide en(de) te teermee te doene bi(n)nen gherechte(n)/ saysune ende de(n) vors(creven) wyng(ar)d te verwae(re)n wel en(de) getruwelec tot dier/ tijt dat de wijn va(n) jae(re) te jae(re) inde vate sijn sal sond(er) eneghen wijn vande(n)/ vors(creven) wijng(ar)den te hebbe(n) en(de) hier voe(r) sal de vors(creven) jan jaerlex hebbe(n) va(n)de(n)/ vors(creven) godhuyse xlviii holl(ansche) gulden(en) te betalen te iiii payme(n)te(n) Dats/ te wete(n) tvierdel d(aer) af tot alre heilghen misse tvierdel d(aer) af te k(er)smisse/ d(aer) nae volghende tvierdel d(aer) af te half vasten en(de) tvierdel d(aer) af te sente/ jans misse bapt(isten) dat d(aer) nae volghen sal en(de) alsoe van jae(re) te jae(re) van t(er)mine/ te t(er)mine ghelijc bove(n) bescreve(n) en(de) v(er)cleert es Voert es te wete(n) datme(n)/ den vors(creven) ja(n)ne alle jae(re) van sco scloest(er)s weghe(n) levere(n) sal ond(er) de(n) vors(creven)/ wijngart alle dmest dat de vors(creven) jan op den vors(creven) wijng(ar)t doen sal/ en(de) oec de wijng(ar)t staken die de selve jan inde vors(creven) wijng(ar)de jaerlex/ steken sal salme(n) hem oec levere(n) ond(er) den wijg(ar)t sond(er) sine(n) cost Voert/ sal tvors(creven) cloest(er) den selve(n) ja(n)ne nu levere(n) en(de) lene(n) in sine(n) incomene x/ holl(ansche) gulden(en) o(m)me en(de) die sal de selve jan den vors(creven) cloest(er) wed(er) levere(n)/ ten eynde van[den] vors(creven) t(er)mine en(de) s oec sal de selve jan jaerlex hebbe(n)/ vande(n) vors(creven) cloeste(r) ene(n) roc En(de) dese voerw(er)den heeft gheloeft de vors(creven)/ jan den selve(n) cloeste(r) te houden en(de) te voldoene talle(n) tiden dat behoerl(ec)/ sijn sal en(de) telken t(er)mine als v(er)volghde schout [hier ware(n) over] zas ponte no(vem)[br(is)] xxvi