Item woute(r) maes diemen heet de molde(re) es come(n) in jegew(or)dich(eit)/ d(er) scepen(en) van lovene en(de) heeft ghenome(n) en(de) bekent dat hi genome(n)/ heeft van willem smeyers van cortelke sijn molene te wete(n) de/ coren molen en(de) de slachmolen met hoe(re)n toebehoerte(n) alsoe sij gheleg(en)/ sijn te meerbeke op de beke Te houden en(de) te hebben van kerssavo(n)de/ naest voerleden ene(n) t(er)mijn van iii jae(re)n d(aer) nae staphans volgende/ dats te wete(n) de vors(creven) coren molen elx jaers den vors(creven) termijn/ duer(ende) op tien mechelsche sacke rogs [en(de) goet en(de) payabel met wa(n)ne en(de) met veede(re)n wel bereit alsulx als de vors(creven) mole(n) wynne(n) sal] d(er) mate(n) va(n) mechle(n) half/ te sente jans misse bapt(isten) en(de) half te k(er)ssavonde te betalen en(de)/ inde vors(creven) molen te levere(n) alle jae(re) den vors(creven) termijn duer(ende) en(de)/ telke(n) t(er)mine als v(er)volghde en(de) voertmeer dyerste [jaer] op eene(n) sac/ tarwen en(de) de leste twee ande(re) jae(re) [elx jaers] op ene(n) halve(n) sac tarwe(n)/ goet en(de) payabel d(er) mate(n) vors(creven) te betale(n) [jaerlex] ten t(er)mine(n) ghenoemt/It En(de) de vors(creven) slachmolen alle alle de jae(re) den vors(creven) t(er)mijn duer(ende)/ op sesse gulden(en) holl(ansche) oec half te s(ente) jans misse en(de) half te k(er)ss(avonde)/ te betale(n) telke(n) t(er)mine als v(er)volghde schout Ite(m) sal de vors(creven) woute(r)/ den vors(creven) wille(m) jaerlex gheve(n) tusschen ons(er) vrouwe(n) dach licht/ misse en(de) paesschen sesse hond(er)t raepbroets en(de) een hond(er)t/ lijsaetbroets goet en(de) custbar alsoe men inde vors(creven) mole(n) ghemeinl(ec)/ maken sal Ite(m) soe waer inde vors(creven) molene(n) een kam twee ocht/ drie kam braken [kam] ocht een spille van ene(n) gestelle ocht een twee/ ocht drie alpen brake(n) die sal de vors(creven) woute(r) sond(er) meer op sine(n)/ cost doen make(n) en(de) d(aer) toe sal hem willem thout leve(re)n Hier af es/ borge des vors(creven) wout(er)s als p(ri)ncipael sculde(r) gord van hove va(n)/ campenh(out) (et) p(ri)[(us)] alb(us) hoech(et) dec(embris) xxviii