Item jan platvoet die ov(er)mids vo(n)nisse van scepen(en) brieve(n) van loven(en) comen en(de)/ beleydt was tot den goeden raes vand(er) ryviere(n) sone des he(re)n van lynte(r) en(de)/ van heere te wete(n) d(er) beec bloc ghelegen toplynte(r) neve(n) de strate gaende te/ ned(er)lynte(r) w(er)t es come(n) inde banc voe(r) meyer en(de) scepen(en) van loven(en) en(de) heeft/ met sinen ghelev(er)den voerspreke aengesproke(n) vande(n) selve(n) goeden he(re)nwout(ere)n/ van mosmale die tot dien goede beleydt es ov(er)mids vo(n)nisse van scepen(en)/ brieve(n) van loven(en) hem bekendt van janne van langhervelt Welke aen/ sprake de vors(creven) jan platvoet dede met alrehande(n) woerde(n) en(de) redenen/ die hi d(aer) toe seyde daer hi hem alrehande thoene(n) op v(er)mat daer op dat/ de vors(creven) herwoute(r) met sine(n) ghelev(er)de(n) voerspreke hem v(er)antw(er)de ende seyde/ dat hi janne platvoet op die aensprake die hi te hemw(er)t vande(n) vorscr(even)/ goede(n) ghedaen hadde niet antw(er)den en soude noch sculdich en wae(re) te/ antw(er)den de scepen(en) en wijsdent en(de) het en wae(re) een recht mids redenen/ die hi daer op seggen dede dat was dat op tijt voerleden inde banc/ voe(r) meye(r) ende scepen(en) van loven(en) een vo(n)nisse ghelopen was vanden vorscr(even)/ goeden [tusscen janne platvoet] mids den beleyde van sinen vors(creven) scepen(en) brieve(n) tusschen janne/platvoet ende janne van langhervelt des hi hem tot den scepen(en) v(er)mat die/ te dier tijt [wae(re)n] ende beg(er)de en(de) versochte des te hebben een raccoert vande(n)/ scepen(en) die doen scepen(en) wae(re)n die dat vo(n)nisse gheluydt hadde(n) daer op/ dat de scepen(en) die nu sijn gemaent worden die wijsden voe(r) een von/ nisse dat sij dat raccoert beg(er)den te aenhoe(re)n ende dae(re)n teynde(n) recht/ alsoe dat de scepen(en) die doen scepen(en) wae(re)n des een raccoert deden/ en(de) brachte(n) aen de scepen(en) die nu sijn als dat sij op tijt voerlede(n)/ ghewijst hadde(n) voe(r) een vo(n)nisse doen jan van langhervelt ende jan/ platvoet van desen goede(n) dingden dat jan van lang(er)velt schoender/ ghetoent hadde dan jan platvoet en(de) dat jan van lang(er)velt blive(n)/ soude ind(er) goedinge(n) van sine(n) scepen(en) brieve(n) En(de) dat raccoert va(n)den/ scepen(en) nu sijnde ghehoert wijsde(n) sij voert voe(r) een vo(n)nisse ghemaent/ vande(n) meye(r) dat herwoute(r) van mosmale janne platvoet op die/ aensprake niet sculdich en wae(re) te antw(er)den en(de) dat h(ere)nwoute(re)n vors(creven)/ en(de) sine(n) beleide die goede volghen selen Over dit vo(n)nisse wae(re)n/ gord de kersmake(re) jan rogghe gielijs de rike en(de) hubrecht van/ berthem martii x[a] a(n)no xiiii[c] sexto