Item want herheinr(ic) he(re) van hev(er)le gheert vand(er) ryviere(n) sone des/ he(re)n van lynte(re) ende symoen vand(er) coud(er)borch een wettich zoene/ ghedeedingt en(de) gesproke(n) hebbe(n) tusschen jannes va(n) wanghe va(n)/ oplynte(re) in deen side woute(re)n welkart en(de) vrancke(n) natuerlec/ sone vranx smeets va(n) oplynte(re) in dande(r) side vand(er) doet/ heinrics wilen va(n) wanghe des vors(creven) jannes vad(er) va(n) wange/ die doet bleef va(n) woute(re)n welkart en(de) vrancke(n) natuerlec/ sone vranx smeets vors(creven) mids seke(re)n bet(er)nissen en(de) bedev(ar)de(n) daer/ voe(r) te doene d(aer) af dat de vors(creven) ja(n)nes meynt van wange meynt/dat ond(er) dande(re) [des] ind(er) vors(creven) zoenen gesproken en(de) ghedeedingt was/bide(n) he(re) van hev(er)le raese vare gheerde vand(er) ryviere(n) en(de) symoene/vand(er) coud(er)borch dat de vors(creven) twee p(ri)ncipale woute(r) en(de) vrancke
//
de welke de vors(creven) bedev(ar)de de vors(creven) p(ri)ncipale woute(r) en(de) vrancke/ op lantzoene gheloeft hebben en(de) sculdich sijn wael en(de) ghetruwelic/ te doene sond(er) te sculen ocht te blive(n) binne(n) den iiii landen Dats te/ weten brabant vlaende(re)n en(de) hollant en(de) de lande van l dlant van/ ludic [en(de)] van loen daer af dat ja(n)nes van wanghe vors(creven) meynt dit/ dat [sij] ind(er) vors(creven) zoene(n) [oec] des gelijx oec niet sculen noch blive(n) en/soude(n) sij en hadde(n) hoe(r) bedev(ar)de al gedaen inde(n) lande(n) va(n) henegouwe/bide(n) bide(n) he(re) van hev(er)le gheerde vand(er) ryviere(n) en(de) symoene vand(er)/ coud(er)borch [vors(creven)] gesproke(n) en(de) bedeedingt was dat sij des ghelijx inde(n)/ lande(n) van henegouwe noch inde(n) greefscape va(n) name(n) niet scule(n)/ noch bliven en soude(n) vo(r)e aen dier tijt dat sij allen hoe(r) bedev(ar)de/ ghedaen soude(n) hebbe(n) en(de) daer toe iii[c] zielmisse(n) geworve(n) soude(n)/ hebbe(n) voe(r) de ziele vande(n) vors(creven) dode(n) Soe sijn beide de vorscr(even)/ p(ar)tien come(n) voe(r) scepen(en) va(n) loven(en) hier nae ghenoemt en(de) hebbe(n) ghe/ loeft [te houde(n) soe en(de) te voldoene] [op zoenbreke] Soe wes de he(re) va(n) hev(er)le gheert/ vand(er) ryviere(n) en(de) symoen vand(er) coud(er)borch vors(creven) hier [af] alse vande(n) vors(creven)/lande twee lande(n) van henegouwe en(de) van name(n) en(de) vande(n) iii[c] zielmisse(n)/ eendrechtichlec seggen en(de) draghen selen [dat d(aer) af gesproke(n) en(de) ghedeedinght es volcomelec te houde(n) en(de) dat hebben geloeft de vors(creven) woute(r) en(de) vrancke p(ri)ncipale op la(n)tzoene] allen argelist hier in uutghe/scheide(n) allen argelist hier in uutgesceyde(n) cor(am) eisdem