Item jan [de] weer de jonghe es come(n) in jegenw(or)dich(eit) d(er) scep(enen) va(n) lov(en) en(de) heeft ghenome(n) en(de)/ bekent dat hi ghenome(n) heeft jeghen janne den weer sine(n) vad(er) sijn [de] goede [sijns vors(creven) vad(er)s] geleg(en) te molenbeke/ te berkenvoert en(de) te wersbeke [om huse(n) hove(n) wy(n)nende(n) lande(n) beemde(n) en(de) eeusels] Te houden te hebben en(de) te wy(n)nen va(n) s(ente) andr(ies) misse naest/ comende ene(n) t(er)mijn van iii jae(re)n deen nae dand(er) d(aer) nae staphans volgende elx jaers de/ vors(creven) iii jaer due(re)nde de (w)y(n)ne(n)de? lande o(m)me iiii mudde rogs goet en(de) goet en(de) paiabel d(er) mate(n)/ van lov(en) te s(ente) andr(ies) misse te betaelne en(de) te lov(en) ocht te dyeste te lev(er)ne de vors(creven) iii jaer due(re)nde/ en(de) telken t(er)mine als vervolghe en(de) de vors(creven) beemde elx jaers de vors(creven) iii jaer due(re)nde o(m)me/ ix mott(oene) elken mottoen xxvii pl(acken) voe(r) ii mott(oene) gerekent te s(ente) m(er)tens misse inde(n) wynt(er)/ te betaelne It(em) es te wetene dat de vors(creven) jan de weer de jonghe hebbe(n) sal de huysinghe/ en(de) den hof te molenbeke op de strate op den tsijns jaerlex d(aer) af te gelden en(de) te betale(n)/ die d(aer) uutgheet sond(er) sijns vaders cost It(em) sal de vors(creven) jan de jonghe de vader nu staphans/ aen de huysinghe legge(n) ii[c] walms en(de) die sal sijn sone hem coepe(n) en(de) tgelt d(aer) toe leene(n)/ en(de) jan de vad(er) sal den werckiede(n) de dachue(re)n betalen vande(n) vors(creven) ii[c] walms [te v(er)decken] en(de) sijn sone/ sal hen hoe(re)n cost gheve(n) en(de) als de vors(creven) ii[c] walms verdect sijn soe sal de selve jan de jonge/ de vors(creven) huse voertaen houde(n) op sine(n) cost alsoe hise vinden sal als de vors(creven) ii[c] walms/ verdect van wande en(de) va(n) dake uutgescede(n) va(n) ty(m)meringe(n) als dat gheviele soe soude de/ vad(er) den wercliede(n) hoe(r) dachue(re)n betalen en(de) de sone hen hoe(re)n cost gheve(n) It(em) es vorw(er)de dat/ de vors(creven) jan de sone houde(n) en(de) hebben sal den vors(creven) t(er)mijn duer(ende) alsulken goede lande en(de)/lande [beemde] als sijn vad(er) houdende es vande(n) heileg(en) gheest van zichene(n) op alsulke(n) pachte en(de)/ tsijns als al d(aer) uutgheet sond(er) den vors(creven) sine(n) vad(er) enege(n) last ocht co(m)mer d(aer) af te draghe(n)/ ocht te ghelden En(de) behouden dien dat de vors(creven) jan de vad(er) voe(r) uut hebben sal tot sine(n)/ p(ro)fite ene(n) bogart geleg(en) te beckenvoert voe(r) zuetmans den vors(creven) t(er)mijn duer(ende) van welke(n)/ bogarde sijn sone den pacht en(de) [den] tsijns betalen sal It(em) sal de vors(creven) sone de vors(creven) lande/ late(n) tot sine(n) uutgaen dats te wetene de brake een boend(er) braken op i voere en(de) dand(er)/ lant sal hi geheel laten behoude(n) dien dat soe wa(n)neer tcoren ten leste(n) jare af sijn/ sal dat dan sijn vader dlant sal moghe(n) aenveerde(n) o(m)me sijn p(ro)fijt d(aer) mede te doene/ It(em) sal de vors(creven) sone betalen sine(n) vors(creven) vad(er) voe(r) ii p(er)de en(de) waghene en(de) ploeghe/ metten gherecke d(aer) toe hoe(re)nde xx hol tien holl(ansche) gul(den) t(er)del d(aer)af te s(ente) jans/ misse naest comende t(er)d(el) d(aer) af te s(ente) jans misse d(aer) naest volg(ende) en(de) t(er)del d(aer) af te/ s(ente) jans misse dat d(aer) naest come(n) sal en(de) telke(n) t(er)mine als vervolghde schout It(em)/ sal de vors(creven) sone sine(n) vors(creven) vad(er) betale(n) voe(r) alsulke(n) core(n) als op tvors(creven) lant/ nu steet xx holl(ansche) gul(den) te k(er)smisse naest comende en(de) tons(er) vrouwen daghe/ nativitas naest comende te betale(n) It(em) es noch vorw(er)de tussche(n) den vors(creven) vad(er)/ en(de) sone eest alsoe dat de vad(er) levende blijft bove(n) de vors(creven) iii jaer dat dan jan/ sijn sone de vors(creven) goede noch iii jaer nae den vors(creven) t(er)mijn hebben en(de) houden sal/ op alle de vorw(er)den en(de) condicien [bove(n)] voirscr(even) En(de) dese vors(creven) vorw(er)den hebbe(n) geloeft/beide de vors(creven) p(ar)tien [jan de weer de jonge in deen side (et) jan de weer sijn vad(er) in dande(re) malc ande(re)n] vast en(de) gestedich te houden (et)c(etera) absoloen hoechet jul(ii) v[a]