Want stoet ende tebat geweest heeft tusschen janne troyart en(de) wille(m)me/ sinen sone en(de) arnde boene(n) [en(de) janne mabet va(n) laetwijc] in deen side colar de jone de [van] sart/ bi symay in dande(r) side van alsulken verkene(n) als de vors(creven) wille(m)/ troyart bestaedt hadde aen den vors(creven) colart te hueden [vueden en(de)] te herde(n)/ inden bossche en(de) woude va(n) covijn Soe sijn de vors(creven) p(ar)tien des/ comen voe(r) scepen(en) va(n) lov(en) en(de) hebbe(n) bekent en(de) verlijt dat sij/ van al den vors(creven) stoete en(de) tebatte en(de) van allen sake(n) die d(aer) af/ rueren moghen en(de) [d(aer) af van allen sake(n) die tussche(n) hen gaens] tusschen hen geweest hebbe(n) tot op desen tijt/ bleven en in segge(re)n en(de) in vriendeleke yffene(re)n dats te wete(n)/ in gielijs den scrive(re) van goetsenhove(n) andriese vleemi(n)x va(n)/ ned(er)heyleshem en(de) in gheerde vleemi(n)x sinen brued(er) godev(ar)t va(n)d(er)/ hofstat va(n) thiene(n) en(de) in robin robine onghelaeghs va(n) bost/ alsoe dat de vors(creven) segge(re)en hi [hier] op op morghen v(er)gade(re)n selen en(de)/ o(m)me raet en(de) avijs met malcande(re)n h(ier) op te hebbe(n) en(de) de h(er)den/ die de vors(creven) v(er)kene gheherdt en(de) gehuedt hebbe(n) die nu te lov(en)/ sijn v(er)hoe(re)n selen ten heilgen en(de) hoe(r)s segge(re)n [hier af] segghen selen/ tusschen dit en(de) sat(er)dach naest come(n)de En(de) hebbe(n) geloeft/ beyde de vors(creven) p(ar)tien vaste en(de) gestedich te houde(n) en(de) malcande(re)n/ te voldoene soe wes de vors(creven) segge(re)n h(ier) af binne(n) den vorscr(even)/ dage tusschen den selve(n) p(ar)tien segge(n) en(de) uutene(n) selen allen/ argelist h(ier) in uutgescheide(n) k(er)smake(re) py(n)noc m(ar)tii qui(n)ta
//