Cond sij allen lieden dat willem van buetscoe(re) van aetrode es comen in jeghew(or)dicheit/ der scepen(en) van lovene en(de) [heeft] gegeve(n) [en(de) bekent dat hi gegeve(n) heeft] (etcetera) henrike taelman van weve(re) sijn goede gheleghen te/ buetschoe(re) Te wete(n) huys en(de) hof met sine(n) toebehoirte(n) met sesse boende(re)n lants of d(aer) omtrent/ mett(er) weyden binne(n) den gheleghe en(de) metter weyden opten rode en(de) metter weyden op/ hemelrijc en(de) met ene(n) dachmale maybeems geleghen h(er)m acht(er) h(er)mans van pamele/ Te houden(e) te hebben en(de) te winne(n) van half merte lest leden ene(n) t(er)mijn van sesse jae(re)n/ daer nae so(n)der middel volghende elcs jaers daer in binnen o(m)me xii mudden [en(de) ii halster] hards corens/ goet en(de) payabel pacht van naetrode tienscher ma der maten van thienen En(de) o(m)me/ altoes tsinte and(ries)[misse] apostels te betalen en(de) te lovene ocht te thienen daer den voirs(creven)/ willem ghenueght te leve(re)n [en(de)] telken t(er)mine alse v(er)volghde scout En(de) voert o(m)me x/ vii hollan(ds) gulden(en) [.] altoes tsinte m(er)tens misse te betale(n) oec telke(n) t(er)mijne [alse vervolghde scout] t(am)q(uam) ass(ecutum)/ It(em) noch heeft de voirs(creven) willem den voirs(creven) henricke gegeve(n) den voirs(creven) t(er)mijn duerende/ ene(n) driesch ocht ene(n) beemt gheheten den maechtafeldriesch oec gheleghe(n) taetrode/ elcs jaers [d(aer)] hier en binne(n) o(m)me viii halster rogs der voirs(creven) maten van thienen alt(oes)/ tsinte and(ries)misse apostels te betalen en(de) int voirs(creven) goet te leve(re)n en(de) telken t(er)mijne alse/ ve[r]volghde schout [Item es vorwerde dat] En(de) selen de voirs(creven) willem en(de) henric doest ald(aer) wassende alle/ jae(re) deylen en(de) [hebben sele(n)] houden half en(de) half Item sal de voirs(creven) henric alle jae(re) leve(re)n een/ hondert wallems de husinghe ald(aer) mede te houden(e) En(de) alsme(n) die hall ald(aer) v(er)dect/ daer [af sal] willem de dachhueren betalen en(de) henric sal den w(er)clieden den cost gheven/ It(em) selen de voirs(creven) wille(m) en(de) henric de duve(n) van [de(n)] duyfhuse ald(aer) deylen en(de) hebbe(n)/ alle jae(re) half en(de) half en(de) henric sal de voirs(creven) duve(n) vueden en(de) hante(re)n sonder/ willems cost It(em) sal de voirs(creven) henr(ic) den selven wille(m) gheven alle jae(re) viii/k[c]arpe(re)n en(de) daer voer sal henr(ic) dwat(er) alleen hebben Ite(m) is vorw(er)de dat de/ voirs(creven) willem scheiden mach vanden voirs(creven) henricke [en(de)] en sine(n) goede weder aenv(er)den/ en(de) hebben ten halven tide It(em) heeft de voirs(creven) wille(m) den voirs(creven) henric geleent/ desen t(er)mijn duerende ii peerde i waghen en(de) een ploech met hae(re)n toebehoire(n)/ ghetaxeert op xv hollan(ds) gul(den) en(de) i vierdeel en(de) die sal hi der ten affscheyde(n)/ den voirs(creven) wille(m) wed(er)leve(re)n ten goeden knape(n) prise Te wete(n) sijn sij beter/ dat sal hem de voirs(creven) willem verguetschen sijn sij argher dat sal hi den/ selve(n) willem oprichten It(em) sal de voirs(creven) wille(m) int voirs(creven) huys behouden/ te sine(n) gherieve als hi daer wesen wille de grote came(r) Item selen de/ voirs(creven) wille(m) en(de) henr(ic) elc van hen alle(n) jae(re) cope(n) boven dat opt voirs(creven) goet wassen sal/ xx hoepen stro[e]is en(de) dat stroe en(de) alle tstroe dat vanden voirs(creven) goede(n) come(n) sal bove(n)/ tvoirs(creven) c walms dat sal de voirs(creven) henric alle jare [te meste maken en(de)] op tvoirs(creven) lant vuere(n) tot des lants/ meeste p(ro)fijt en(de) ten lesten jae(re) allet mest en(de) stroe vande(n) voirs(creven) goeden [in] opt tvoirs(creven) goet laten/ En(de) hi sal de voirs(creven) lande wel en(de) loflic winne(n) en(de) w(er)ve(n) ghelijc sine(n) reenghenoten en(de)/ ten lesten jare laten alsoe hise de voirs(creven) goede vijndt te sinen aencomen It(em) [de voers(creven)] henric sal/ den voirs(creven) wille(m) alle jae(re) ii voede(re)n houts bringhe(n) van aetrode tot thienen [Oec es vorw(er)de dat de voirs(creven) henr(ic) niet hou[we(n)]de(n) noch stru(n)cke(n) en sal enighe ande(re) boeme dan wilghen en(de) popele(re)n] Des sijn/ bo[u]rghe(n) des voirs(creven) henr(icx) alse p(ri)n(cipa)[le] sculde(re)n ongesund(er)t en(de) [en(de) elc voer al] onghescheiden jan de vlesse(re) [va(n) steenb(er)ghe] en/ di[e]ric p(er)soens van weve(re) dewelke borghe(n) [de voers(creven)] henric voirs(creven) heeft gheloeft scadeloens tontheffe(n)/ Ite(m) sal de voirs(creven) henric de haghen moghen houwe(n) te sine(n) profite mar des sal/ hi grechte(n) grichten alsoe verre als hi haghen houwt Behoudelec dien/ dat hi gheene haghe(n) uutdoen en sal noch die(n) bede[r]erven in gheenre manie(re)n/ rogghe hanewijc april(is) xxi /