Cond sij allen lieden dat want stoet tabat en(de) dedinghe op verstaen waren tusschen/ reyne(re)n van daelheem in deen side en(de) machtelden lepelmak(er)s docht(er) wilen jan lepelmak(er)s/ in dander side alse van eenre want staende tusschen haerre beyder erven gelegen [neven een] in de/ hoelstrate daer af dat hen de voirs(creven) p(ar)tyen gekeert hadden inder stat ghesworne(n) meesters/ en(de) geloefden te houden soe wat de voirs(creven) meesters daer af seggen en(de) t(er)minere(n) souden/ Soe eest dat meest(er) henric ondoer en(de) meester jan pauwe gheswore(n) meesters der/ voirs(creven) stat van lovene sijn comen voe(r) scepen(en) van lovene en(de) hebben daer af geseeght en(de)/ ghepronu(n)cieert hae(r) seggen en(de) t(er)minacie inder maniere(n) hier nae volgende Dats te weten(e)/ dat de voirs(creven) want vander straten achterw(er)t alsoe v(er)re alse de dwerse loge ocht ty(m)meringe/ van beyde den voirs(creven) erve(n) strect voertaen bliven en(de) toebehoren sal den voirs(creven) tween erven/ te gelike en(de) op ghemeynen en(de) geliken cost van d beyde den voirs(creven) p(ar)tyen en(de) erven voertaen/ gehouden werden En(de) dat de voirs(creven) want vander voirs(creven) dwerser logen ocht ty(m)meringhen/ acht(er)w(er)t te weten deen helechte daer af [ald(er) naest d(er) selv(er) logen] die der voirs(creven) machtelden te hae(re)n deel viele/ en(de) die sij den voirs(creven) reyne(re) overgaf afgedaen sal werden vanden selven reyne(re) ende te/ nyeute ghedaen en(de) dander helecht daer af te weten dechterste eynde te(n) hove wert/ dat den voirs(creven) reyne(re) viele te sinen deel dat daer de voirs(creven) reyner sinen wille mede doen/ mach af te doen ocht te laten staen dwelc hem genueght En(de) dat de voirs(creven) macht(eld)/ haer water comende voe(r) vander logen en(de) vander faneelgoten van haerre woninghen en(de)/ van daer achterw(er)t van hae(re)n nuwen huse leyden sal op thae(re) [en(de) sover hae(re)n osendrup dien si heeft] alsoe dadt den voirs(creven) reyne/[bine(n) tussche(n) hae(r) voirs(creven) nuwe ty(m)meri(n)ghe en de voirs(creven) want w(er)t] daer af noch sine(n) erve daer af ghene nose noch letsel en come noch en gheschie/ En(de) dat oec de voirs(creven) rey macht(eld) hae(r) nuwe ty(m)meringen te diere syden tot des voirs(creven)/ reyners erve w(er)t richten sal en(de) setten ten lote en(de) die gelike sal oec de voirs(creven) reyner/ tvoirs(creven) sine(n) achterste deel vander voirs(creven) want Te weten deye deynde ten hove w(er)t/ rechten en(de) setten ten lote/