Cond sij allen lieden dat jan haveloes van berthem es comen in jeghe(n)w(or)dicheyt der/ scepen(en) van lov(en) en(de) heeft genomen(n) en(de) bekent dat hi genome(n) heeft van janne ysat des/ selfs jans ysat ca(m)me gelege(n) te berthem metten husen hove en(de) mette(n) vand/ vaten ketele(n) en(de) met alder toebehoerten te houden [en(de)] te hebben tot van ons(er) vrouwen/ dach nativitas lest leden ene(n) t(er)mijn van twe jae(re)n daer nae sonder middel volgende/ elc jaers daer en binnen o(m)me acht cronen der mu(n)ten skonincs van vrancrike goede en(de)/ gheve alt(oes) tonser vrouwen misse(n) nativitas te betale(n) en(de) telken t(er)mine alse vervolghde/ schout En(de) es vorwerde dat de voirs(creven) jan haveloes alle de(n) ketele(n) en(de) de vate toter/ voirs(creven) camme(n) horende houden sal watervast op sinen cost En(de) alsoe leve(re)n te sine(n) afscheide(n)/ En(de) hier af sijn burgen des voirs(creven) jans haveloes alse p(ri)ncipale sculder(en) al ongesundert/ en(de) ongescheyden lodewijc haveloes sijn brueder jans van ravenscote wijngarde(re) [en(de)] mychiel/ crabbe de welke sine burgen de voirs(creven) jans haveloes heeft geloeft scadeloes tontheffen/ hier wae(re)n over/