Van joffr(ouwe) ma(r)ien die wijf was/ werijs van petit halley/ Want inde banc voe(r) meyer ende scepen(en) van loeven(en) een gedinge gestaen ende ghe/ weest heeft tusschen joffr(ouwe) ma(r)ien die wilen wijf was werijs van petit halley/ van hoe(re) duwa(r)ien die sij eysschende was op de goede des vors(creven) wilen werys/ hoers mans te wete(n) ix mudde corens op de slachmolen des selfs werijs/ gelegen te petit halley ende xviii mudde tarwen op xviii boend(er) lants ocht/ daer omtrent oec des vors(creven) werijs gelegen te petit halley ende daer omtrent/ in deen side ende joffr(ouwe) ysabeele(n) die wijf was jans wilen van mef sust(er) des/ vors(creven) werijs mids beleyt van scepen(en) brieve(n) van loeven(en) die sij thoendde inde(n)/ rechte in dande(r) side op dwelke nae den eysch d(er) vors(creven) joffr(ouwe) ma(r)ien ende/ nae dat joffr(ouwe) ysabeele yesch een beleit op wat goede dat joffr(ouwe) ma(r)ie hoe(re)/ vors(creven) duwa(r)ie eysschende wae(re) de scepen(en) van loeven(en) gemaent vanden meye(r)/ wijsden voe(r) een vo(n)nisse dat joffr(ouwe) ma(r)ie beleyden soude de goede daer op/ dat sij hoe(re) vors(creven) duwa(r)ie eysschende wae(re) welc beleyt gedaen waert biden/ baelhu van ha(n)nut ende met gerart mail char ende johan henkynet sce/ penen van ha(n)nut op de goede van stucke te stucke gelijc die hier voe(r) ghe/ noemt sijn welc beleit de vors(creven) scepen(en) van ha(n)nut ov(er)brachten aen de sce/ penen van loeven(en) te weten godev(ar)t den kersmake(r) gielijs den riken wout(er)en/ py(n)noc raese van g(ra)ven machiel van potsuynsb(er)ge henric den juede en(de) ma/ thijs davijts xxix dage in nove(m)br(is) anno xiiii[c] deci(m)o Ende tvors(creven) beleit/ aldus gedaen en(de) gheschiet soe quame(n) beyde de vors(creven) p(ar)tien wed(er) inde banc/ te loeven(en) daer de vors(creven) joffr(ouwe) ma(r)ie hoe(re) aensprake en(de) hoe(re)n eysch v(er)nuwede/ en(de) sprac wed(er) ter vors(creven) joffr(ouwe) ysabeelen w(er)t ende ten vors(creven)goeden en(de) seyde dat/ viel op tijt voerleden doen men sprac ende deedingde vanden huweleke tussche(n)/ hoe(r) ende den vors(creven) wilen wery hoe(re)n man dat doen de selve wery hoe(re) man ghe/ loefde in huwelek(er) vorw(er)den hoe(re)n vrienden tot hoe(re)n behoef de vors(creven) ix mudde/ corens op de vors(creven) slachmolen ende xviii mudde tarwen op de vors(creven) xviii/ boende(r) lants te heffen ende te hebben nae de doet des vors(creven) werys jaerlex alsoe/ lange als sij leven soude ende dat boet sij te bethoene(n) met wetteg(en) waerheit/ en(de) altoes met den mynsten daer sij inden rechte mede gestaen mochte met/ meer woerden en(de) redene(n) die daer toe ghevielen Daer op dat de voirscr(even)/ joffr(ouwe) ysabeele hoe(r) v(er)antw(er)de met den beleide van hoe(re)n vors(creven) scepen(en) brieven/ meynende en(de) seggende al waert dat joffr(ouwe) ma(r)ie vors(creven) hoe(r) v(er)met ghe/ thoenen conste dat hoe(r) dat gheen scade doen en soude noch joffr(ouwe) ysabeelen
//
onstade jeghen hoe(r) beleit ende scepen(en) brieve Alsoe dat doen de scepen(en) van/ loeven(en) voert gemaent worden vanden meye(r) die wijsden voe(r) een vo(n)nisse/ want joffr(ouwe) ma(r)ie hoe(r) thoenisse v(er)meten hadde dat men dat aenhoe(re)n soude/ en(de) dae(re)n teynden recht Ende doen waert d(er) selv(er) joffr(ouwe) ma(r)ien dach van/ thoene(n) ghesedt ende joffr(ouwe) ysabeele sedtte voe(r) scepen(en) in hoe(r) stat lybeert/ van vileer hoe(r) vo(n)nisse ende hoe(r) recht voert ind(er) vors(creven) saken te v(er)volghen/ Ende alst quam tot den thoendage doen thoendde [de] vors(creven) joffr(ouwe) ma(r)ie met/ goeden wettege(n) ghetugen hoe(r) v(er)met des sij hoe(r) v(er)meten hadde doen worde(n)/ de scepen(en) van loeven(en) voert ghemaent vanden meye(r) wats van rechte sijn/ soude nae aensprake ende nae antw(er)de ende nae thoenisse dat sij ghehoert/ hadden ende nae al dats voe(r) hen comen wae(re) die wijsden voe(r) een vo(n)nisse dat/ de vors(creven) joffr(ouwe) ma(r)ie jaerlex hebben soude op de vors(creven) slachmolen ix mudde/ corens ende xviii mudde tarwen op de vors(creven) xviii boende(r) lants te heffen en(de)/ te hebben alle jae(re) alsoe lange als sij leven soude ende niet langhe(r) Hier/ wae(re)n ov(er) godev(ar)t de kersmake(re) gielijs de rike woute(r) py(n)noc raes van grave(n)/ henric de juede ende mathijs davijts scepen(en) va(n) loeven(en) ja(nuarii) xvii anno/ xiiii[c] deci(m)o