Wij sce py(n)noc lud(ovicus) py(n)noc [joes] jud(ocus) abs(oloens) joh(ann)es de huff(le) joh(annes) de borch(oven) [jan vand(er) br] ponte [claes] hoech(et) [gheert] haenwijc/ doen cont en(de) kenl(ic) allen lieden dat voe(r) den meyer va(n) lov(en) en(de) voe(r) ons in rechte en(de) in gedinge come(n) sijn alijt/ die wilen wijf was lodewijx goetgeboers en(de) jan goetgeboert hoe(r) sone in deen side en(de) woute(r) de witte [wittege man] die kat(lijnen)/heeft d(er) vors(creven) alite(n) docht(er) sust(er) des selfs jans in dande(r) side daer de vors(creven) alijt en(de) jan hoe(r) sone een aensp(ra)ke/ deden ten vors(creven) woute(re)n w(er)t alse vande(n) goede(n) die sij den selve(n) woute(re)n te huweleke geg(even) hadde(n) met d(er) vors(creven)/ katline(n) sine(n) wive [als] dat hi [ind(er) huwelek(er) vorw(er)de(n) vors(creven) geloefde dat hi die goede]die niet v(er)setten noch (ver)cope(n) en soude noch moge(n) v(er)sette(n) noch v(er)cope(n) En(de) [ende] soe waer/ hi van live ter doet quame sond(er) wettege geboerte [na] vand(er) vors(creven) kat(lijnen) nae hem te laete(n) dat dan die goede/ wed(er)ke(re)n en(de) gaen soude(n) ter side(n) d(aer) sij af come(n) wae(re)n behoude(n) dien w(er)t dat de vors(creven) woute(r) noet van/ ghevankenisse hadde dat hi dan van dien goede(n) soude moge(n) v(er)cope(n) o(m)me hem mede te behulpen tot ii mudde/ rox toe erflec [en(de) niet meer] Dese vors(creven) poente bode(n) de vors(creven) alijt en(de) jan te bethoene(n) d(aer) op dat de vors(creven) woute(r) hem/ v(er)antw(er)de [ende seyde] dat hi hoepte en(de) meynde dat sij dat op hem niet ghetoene(n) en soude(n) co(n)nen en(de) ghetroeste hem des oec/ waele tot den goede(n) liede(n) die hi noemde die ov(er) den huwelec gebede(n) wae(re)n dat mense verhoerde [alsoe dat] daer op/ dat wi scepen(en) voerghenoemt gemaent nae aenspake en(de) antw(er)de en(de) nae tghetuyghnisse dat wi gehoert hadde(n)/ wijsde(n) voe(r) een vo(n)nisse de(er) vors(creven) alijte(n) en(de) [janne] hoe(re)n sone hoe(r) hoers v(er)meets volcomen en(de) dat de vors(creven) woute(r) de/ vors(creven) goede niet v(er)cope(n) noch v(er)sette(n) en soude maer die laete(n) soude gaen ter side(n) d(aer) sij af come(n) wae(re)n w(er)t dat/ hi van live ter doet quame sond(er) wettege geboerte nae hem vand(er) vors(creven) kat(lijnen) sine(n) wive te laete(n) behoude(n) dien/ uut(er) dat hi noet van ghevankenisse hadde dat hi dier goede v(er)cope(n) soude mogen tot ii mudde(n) rox toe erflec/[als vors(creven) es en(de) niet meer en(de) d(aer) af d(er) vors(creven) aliten en(de) janne vast setten [sal] en(de) aen de vors(creven) goede sijn tocht hebbe(n) soude w(er)t dat hi lang(er) leefde dan de vors(creven) katline] In orconscape van welke(n) dingen wi scepen(en) va(n) lov(en) voergh(enoemt) onse segele aen dese l(ette)ren hebbe(n) gehange(n) Gheg(even)/ int xx xiiii[c] vii