Cond sij allen lieden dat want steven vanden ekelhove(n) sone henrics/ wilen vanden ekelhove(n) in deen side en(de) lijsbet mo[e]der des voirs(creven) stevens/ bouden willems brued(er) stevens voirs(creven) vanden nabedde wouter eveloge/ gheert goedens en(de) roelof corsbout die dochte(re)n hebben den voirs(creven) lijsbette(n)/ vande(n) voirs(creven) nabedde in dander side comen sijn voe(r) scepen(en) van lovene/ en(de) hebben hen gekeert (et)c(etera) en(de) sijn bleve(n) van alsulke(n) stote en(de) tabatte als/ geweest sijn tusschen de voirs(creven) p(ar)tyen van alsulke(n) goeden als bleven sijn den/ voirs(creven) steven vande(n) voirs(creven) henric wilen vanden ekelhoven sinen vade(r) en(de)/ die hem bliven en(de) v(er)schinen selen na de doet der voirs(creven) lijsbetten sijnre moed(er)/ en(de) oec vanden goeden die de voirs(creven) lijsbet sijn moeder met henricke willems/ hae(re)n naman vad(er) des voirs(creven) boudens en(de) sijnre zuste(re)n te gad(er) gecregen/ in gehelen stoele in vriendelike yffene(re)n en(de) segge(re)n Te weten de voirs(creven) steven/ in janne vande(n) meersb(er)ghe en(de) janne heyns van langdorp en(de) de voirs(creven) lijsbet/ sijn moeder bouden willems hae(r) sone wout(er) eveloghe gheert goedens en [en(de)]/ roelof corsbout en [in] ja(n)ne vanden b(er)ghe en(de) janne van boy boeslynthre met/ selker voeghen waert dat enig(er) p(ar)tyen sine segge(re)n een ocht meer gebrake(n)/ ocht niet gecrigen en conste dat si ande(r) in die stat nemen moghen/ sond(er) argelist gelijc dit met meer poenten in seke(re) [den] scepen(en) brieve van/ lovene d(aer) op gemaect volcomelec b onthoude(n) en(de) begrepen es