SAL7308, Act: R°390.2 (164 of 192)
Search Act
previous | next
Act R°390.2  
Act
Date: 1412-12-10

Transcription

2020-10-29 by Magda van Winkel
Item want stoet en(de) tebat geweest sijn tusschen gheert moens en(de) jan gheerts/
heylgegheest meeste(re)n van molle inden name vande(n) selve(n) heilgen gheest in/
deen side ende janne lauwereys van molle in dande(r) side alse van vier/
v(ir)telen rox erfs pachts die de vors(creven) heylgegheest meest(ere)n eysschende sijn/
te hebben van seke(re)n goede(n) gelegen te molle de welke alsoe sij meyne(n) de/
jan lauwereys aenverdt heeft aen seke(re) pande gelege(n) ond(er) de banc/
van oerle en(de) va(n) yersele soe sijn beyde de vors(creven) p(ar)tyen come(n) voe(r) scepen(en)/
va(n) loeven(e) en(de) sijn van al den vors(creven) stoete bleve(n) en(de) van allen sake(n) d(aer) uut/
spruytende bleve(n) in segge(re)n en(de)in vriendelec yffe(r)ne(re)n te wete(n) in h(ere)n gorde/
va(n) wynterle p(er)soen van bessem en(de) in gheerde stessens sone stas bekens [bekens] va(n)/
molle in alsulk(er) voegen dat de vors(creven) heylgegheest meest(ere)n hoe(re)n eyschen(en)/
bescheit den segge(re)n ov(er)geve(n) selen uut in gescrifte binne(n) den vier kersdage(n)/
naestcome(n)de d(aer) op dat dan de vors(creven) jan lauwereys sijn v(er)antw(er)de(n) make(n)/
en(de) ov(er)geve(n) sal tusschen dat en(de) en ons(er) vrouwe(n) dach liechtmisse d(aer) naest/
volgende alsoe dat de vors(creven) segge(re)n eyssch en(de) v(er)antw(er)den vand(er) p(ar)tyen/
ov(er)gehadt hoe(r) seggen d(aer) af seggen en(de) uutene(n) selen binne(n) xiiii nachte(n)/
d(aer) naest volgende op dat sijs eens en(de) accorde sijn en(de) soe w(er) sijs niet va(n)/
accorde gew(or)den en conste(n) dat sij de selve segge(re)n dan ene(n) ov(er)man kyese(n)/
selen die sijn seggen d(aer) af segge(n) en(de) p(ro)noncie(re)n sal binne(n) viii dage(n) d(aer) naest/
volgende En(de) hebben geloeft beyde de vors(creven) p(ar)tyen [op de sake verloe(re)n] vaste en(de) gested(ich) te houde(n)/
soe wes de vors(creven) ii segge(re)n [op dat sijs eens sijn] of de ov(er)man dien sij kyese(n) selen vande(n) vors(creven)/
sake(n) seggen en(de) p(ro)noncie(re)n selen en(der) w(er)t oec da alsoe dat enich vande(n) vors(creven)/
segge(re)n gebrake dat men dan de p(ar)tyen dan ene(n) ande(re)n neme(n) in die stat/
neme(n) moge(n) sond(er) argelist alb(us) capellema(n) dec(embris) x
Contributorskristiaan magnus
Moderated bykristiaan magnus
Last update: 2014-01-21 by Jos Jonckheer