Item cont sij allen liede(n) dat vrouwe kat(lijnen) eveloeghs p(ri)orinne des cloest(er)s [en(de) tco(n)vent]/ vande(n) witte vrouwen te lov(en) en(de) in jegew(or)dich(eit) d(er) scepen(en) va(n) lov(en) gestaen/ hebben geg(even) en(de) bekendt dat sij geg(even) hebben inde(n) name vande(n) vors(creven) cloeste(r)/ henrike hulteal va(n) erkene(n) [thof des selfs cloest(er)s met] xxvii boend(er) lants ocht d(aer) omtrent/ gelegen te bossuyt gelijc dat tvors(creven) godsh(uys) de tvors(creven) [hof en(de)] lande ald(aer) houd(ende) es/ Te houden te weten en(de) te wy(n)nen van halfm(er)te naest come(n)de enen/ t(er)mijn va(n) drien d(aer) nae staph(ans) volgende alle ja(re) op de helcht vand(er) [van ald(er)] vrocht/ op tvors(creven) lant jaerlex wasse(n)de in alsulk(er) soe wa(n)neer de vrocht tijtv(er)dich/ es datse de wy(n)ne dan ter erde(n) en(de) inde(n) bant levere(n) sal en(de) dan selense/ sijse deylen [op tvelt] half en(de) half en(de) wy(n)ne sal de helcht den vors(creven) godsh(uys) toebehoe(re)nde/[va(n) elke(n) stucke] voe(r) inde schuere levere(n) eer hi sijn helcht ruere(n) sal mogen en(de) als/ tvors(creven) godsh(uys) d(aer) wilt doen d(er)sschen dan sal de wy(n)ne d(er) d(er)ssche(r) vueden en(de) tcore(n) [hoe(r)]/alst ged(er)sschen es [ter stont te lov(en)] te lov(en) levere(n) int vors(creven) godsh(uys) levere(n) en(de) d(aer) voe(r) hebbe(n) caf/ en(de) stroe en(de) oec jaerlex twee mol(evaten) core(n)s en(de) de helcht den vors(creven) toebeh(oirende)/[ter stont] als sij ged(er)ssche(n) es tegade(r) met vi mudde(n) core(n)s die men hen ald(aer) sculdich/ es int tvors(creven) godsh(uys) levere(n) en(de) dan sal de wy(n)ne en(de) sijn p(er)de hoe(re)n cost/ hebben en(de) alle tstroe dat vande(n) vors(creven) goede(n) come(n) sal dat sal de wy(n)ne/ int vors(creven) hof etten en(de) v(er)te(re)n met sijne(n) beesten en(de) te meste make(n) en(de) dat/ vuere(n) op tvors(creven) lan slants meeste(n) p(ro)fijte Ite(m) es vorw(er)de dat de vorscr(even)/ wy(n)ne de vorscr(even) lande lande laete(n) sal ten eynde(n) vande(n) vors(creven) t(er)mine alsoe/ me(n)se hem ten beghij(n)ne levere(n) sal Te wete(n) ix(½) boend(er) besaeyt met/ wy(n)t(er) coerne den som(er) art op twee voe(re)n en(de) de brake op een voe(r) Ite(m)/mach [sal] de vors(creven) wy(n)ne hebbe(n) by(n)nen hebben drie dach(mael) beemts gelege(n) te s(int) aeghte(n)/ rode en(de) jaerlex moge(n) sayen een dach(mael) crocke(n) en(de) oec hebbe(n) tot sinen/ p(ro)fijte ond(er)half dach(mael) hoefs gelege(n) aen de(n) bog(ar)t Ite(m) sal de vors(creven) wy(n)ne jaerlex/ sayen een dach(mael) rape(n) die tgodshuys half hebben sal Eest oec alsoe dat/ den wy(n)ne [alle jae(re)] genuecht een half boend(er) crocke(n) meer te sayen dat mach hi doen/ tot sijns selfs behoef maer daer voe(r) moet sal hi dan den vors(creven) godsh(uys)/ tot sine(n) behoef sayen sal (½) boend(er) evene(n) Ite(m) alle doeft dat inde(n) bog(ar)t/ wasse(n) sal dat sal de wy(n)ne jaerlex ter e(re) erde(n) levere(n) en(de) daer af de/ helcht hebbe(n) en(de) dand(er) helcht den vors(creven) godsh(uys) toebehoe(re)nde te lov(en) levere(n)/ Ite(m) sal de vors(creven) wy(n)ne jaerlex levere(n) vi[c] walms en(de) wat de huyse mede/ te deckene en(de) wat werke dat sij tvors(creven) godsh(uys) inde(n) hove doet werken/ d(aer) af sal de wy(n)ne den cost geve(n) en(de) tvor tgodsh(uys) de dachuere(n) betalen
//
Ite(m) sal de wy(n)ne ten [eynde vande(n) t(er)mine] als hi uut de(n) vors(creven) hove scheyde(n) sal alle dmest/ uut den hove op tvors(creven) lant vuere(n) ten meeste(n) p(ro)fijte en(de) oec in/ tvors(creven) hof laete(n) alsoe vele stroes als mens leve(re)n sal in sine(n)/ income(n) Ite(m) es vors(creven) vorw(er)de dat de vors(creven) wy(n)ne b(ri)ngen en(de) houde(n)/ sal lxxv scape v coeye en(de) ten mynsten iiii p(er)de en(de) oec den/ vors(creven) godsh(uys) jaerlex houden va(n) half m(er)te tot s(ente) remeys misse/ twee v(er)kene die sij hem seynde(n) sele(n) Ite(m) waert dat enige joffr(ouwe)/ vande(n) co(n)vente of hoe(r) boden inde(n) vors(creven) hove q(ua)me(n) dan soe soude/hem hen de vors(creven) wy(n)nen guetlec gheve(n) des hi bi(n)ne(n) sine(n) huyse/ heeft en(de) dan soe soude hi hen alle sondage een peert levere(n) broet/ vier en(de) dies sij behoefde(n) op te hale(n) alsoe lange als sij d(aer) sijn soude(n)/ Ite(m) sal de vors(creven) wy(n)ne alle jae(re) bereyde(n) alsoe vele lants als d(aer) men/ een dachmael pleyns lijnsaets op besa sayen mach en(de) of and(er)s/ wat sij willen maer tgodsh(uys) dal de(n) saet levere(n) It(em) sal de vors(creven)/ wy(n)ne [hagen] popele(re)n en(de) willege(n) en(de) ande(r) boeme dat [die] gheen oeft en drage(n)/ moge(n) trunke(n) ten behoerleke(n) tide [uutgenome(n) ten lesten jae(r) dan en(de) sal gheen willege(n) hi niet moge(n) trunke(n)] w(er)t oec dat d(aer) enich boem v(er)droeghde/ dien soude de wy(n)ne afhouwe(n) en(de) twee v pote vande(n) selve(n) arde wed(er) sette(n)/ met wete(n) des vors(creven) co(n)vents It(em) sal de vors(creven) wy(n)ne de weyen bevrede(n)/ en(de) die sal hi moge(n) sinden maer noch p(er)de noch beesten en mach/ hi d(aer) in doen