Item want thomas va(n) fontengny ghesedt heeft woute(re)n van/ familleur rues seke(re) erflike goede gelegen te s(int) remeysgheest/ als ond(er)pant va(n) lxx [cor(onarum)] f(ra)nt(ie) v te wete(n) xl pl(acken) voe(r) een cor crone/ gherekent en(de) de selve thomas de vors(creven) lxx cor(onas) oec voe(r) scepen(en)/ va(n) lov(en) den vors(creven) woute(re)n geloeft heeft te s(int) andr(ies) misse naest/ come(n)de te betalen Soe es de selve woute(r) des come(n) voe(r) scepen(en)/ va(n) lov(en) en(de) heeft geloeft soe wa(n)neer hi vande(n) vors(creven) lxx crone(n)/ bide(n) vors(creven) thomaes v(er)nueght sal wese(n) ten t(er)mine vors(creven) dat hi hem/ dan alsulke brieve als hi heeft van ond(er)pande hem gesedt/ voe(r) de wis(er)s vande(n) hove(n) vande(n) vors(creven) lxx cor(onarum) met de(n) vorscr(even)/ scepen(en) br(ieve) va(n) lov(en) tegade(r) ov(er)geve(n) sal sond(er) argelist Cor(am) h(enrico) borch(oven)/ huffele junii xvii