SAL7308, Akte: V°226.1 (90 van 192)
Akte V°226.1
Act
Datum: 1412-05-07
Transcriptie
2020-06-04 door Magda van WinkelCond sij yegewelke dat want jan vander screye geleydt es in tiden voerlede(n)/
ov(er)mids vonnesse en(de) v(er)tuyt van scepen(en) brieve(n) van lovene toten goeden lijsbette(n)/
sijne docht(er) die hi hadde van margriete(n) wile(n) sine(n) wive en(de) janne van/
cokeroel daer na ov(er)mids vonnesse en(de) v(er)tuyt va(n) scepen(en) brieve(n) van lovene/
beleydt toten goeden des voirs(creven) jans vander screye Soe eest dat de voirs(creven)/
jan van cokeroel inden name vanden voirs(creven) janne vand(er) screye [in deen side] en(de) gielijs/
roeseler voer hem en(de) inden name m(ar)griete(n) sijns wijfs suster der voirs(creven)/
lijsbetten in dander [side] sijn comen in yeghenwordicheyt der scepen(en) van lovene
Nagekeken door: kristiaan magnus
Moderator: kristiaan magnus
Laatste update:: 2014-01-07 door Jos Jonckheer