Het sijn come(n) int recht voe(r) meye(r) en(de) scepen(en) van lovene henric dynghelsche in/ deen side en(de) jan pawe sijn swagher in dander side daer de voirs(creven) henric dyngelsche/ met sinen geleverden voerspreke aensprac den voirs(creven) janne pawe en(de) seyde ter tijt/ datme(n) sprac en(de) dedingde vande(n) huwelic die doe ter tijt te geschien was en(de) die nu/ volschiet es tusschen den voirs(creven) janne pawe en(de) geertrude(n) suster des voirs(creven) henrics die/ nu des voirs(creven) jans wijf es dat daer ghevorwardt en(de) ondersproke(n) was en(de) dat de/ voirs(creven) jan pawe aldaer geloefde waert alsoe dat de voirs(creven) jan en(de) geertruyt alle/ beyde aflivich worden sonder wittighe geboirte van haerre beyder live acht(er) hen/ te laten dat dan alle de erflike goede die de voirs(creven) geertruyt aende(n) voirs(creven)/ janne bringhen soude wederke(re)n souden toten erfgename(n) der voirs(creven) geertrude(n) en(de) dat/ voer de voirs(creven) henric te thoenen alsoe hijt sculdich wae(r) te thoene(n) en(de) mette(n) minste(n) (et)c(etera)/ souden noch en hebbe enighe erflike goede vand(en) voirs(creven) geertruyt wege(n) comende/ te v(er)cope(n) noch te v(er)setten en(de) yesch de voirs(creven) henric den voirs(creven) ja(n)ne sine(n) swag(er)/ want hi erflike goede van des voirs(creven) sijns wijfs weghen vercocht hedde