It(em) gheert want stoet en(de) geschille gheweest heeft en(de) es/ tusschen gheerde va(n) bossuyt ledermake(r) en(de) janne vander elst/ oude cledercop(er)e van haerre beyder erven gelege(n) neve(n) een opte marct/ Soe eest dat de voirs(creven) gheert in deen side en(de) jan in dand(er) sijn/ comen in yege(n)w(or)dicheyt d(er) scepen(en) va(n) lovene en(de) hebbe(n) hen des/ ghekeert en(de) sijns bleven inde drie gheswore(n) meest(er)s vander stat/ en(de) hebbe(n) gheloeft te houden soe wes de selve dries meest(er)s daer/ af ordine(re)n en(de) segge(n) selen jo alb(us) jo de oppe(n)dorp julii xiii/

inden yersten soe hebbe(n) si geseeght/

soe eest dat [de] [Dit gedaen] meest(er) henric ende oec meest(er) jan bate(n)/ en(de) meest(er) jan pauwe geseeght hebbe(n) eendrechtichlic/ haer segghen in des(er) manie(re)n Te weten dat de voirs(creven)/ gheert va(n) bossuyt den voirs(creven) janne vand(er) elst sine(n) muer/ te gheerts huse w(er)t sa tusschen haerr(er) beyder erve(n) sal/ doen h(er)make(n) scoren en(de) metsen wel en(de) cusberlec al soe/ v(er)re alsmen vindt dat hi va(n) gheerts wegen ghefroseert/ es [bide(n) fu(n)dam(en)te opw(er)t tot den dorpele vand(er) onderst(er) venst(ere)n toe] en(de) dat de [selve] voirs(creven) gheert des vors(creven) jans venste(re)n/ beneden ten voerhode sr de gheerts w(er)t sal doen h(er)reke(n)/[sond(er) jans cost] alsoe dat si wael op en(de) toe gaen en(de) sluten
//
It(em) seggen noch de voirs(creven) segg(er)s dat gheert van bossuyt in alle den/ cost die hier af comt ghehouden sal sijn en(de) betale(n) en(de) ja(n)ne d(aer) af/vo scadeloes tontheffen cor(am) eisd(em)