Item want stoet ende tebat geweest sijn tusschen willem den roede van erpe / in deen side en(de) claese van leefdale die ov(er)mids vo(n)nisse van scep(en)en brieve(n) van loven(en) / beleidt es tot den goede(n) des selfs willems in dande(re) van alrehande(n) eysschingen van / goede [daer in dat] die de voirs(creven) claes tot meyndt dat de voirs(creven) willem van joffr(ouwe) agnesen wegen / sijns ierste wijfs sweg(er)ynne des selfs claes te hem wert gehoude(n) es Soe sijn / beyde de voirs(creven) p(ar)tien comen voer scepen(en) van loven(en) en(de) sijn vande(n) voirs(creven) stoete / en(de) van allen [ande(re)n] saken en(de) stucken die de voirs(creven) claes van sijns wijfs weghen den / voirs(creven) willem eysschende mach sijn bleve(n) in segge(re)n en(de) in vriendelic yffene(re)n / alse in raese van grave(n) janne vande(n) huffle claese hoechet en(de) in janne den ridd(er) / in alsulker voeghen dat de voirs(creven) claes van leefdale [al] sinen eysch en(de) aensprake die (hij) / ten voirs(creven) wille(m)me wert meyndt te hebben ov(er)gheve(n) sal in gescrifte den voirs(creven) / segge(re)n of den tween van hen bynne(n) viii dage(n) naest comende die dien b(ri)ngen sele(n) / ter ke(n)nissen des voirs(creven) willems die sijn verantw(er)den d(aer) op op maken sal en(de) dat / ov(er)gheve(n) den voirs(creven) segge(re)n of den tween van hen by(n)ne(n) xiiii nachte(n) d(aer) naest / volgen(de) alsoe dat de voirs(creven) iiii segge(re)n eysch en(de) verantwerde(n) ov(er) gehadt [hoe(re)] seggen / daer af [eendrechtichlic] segge(n) en(de) uuten selen by(n)ne(n) xiiii nachte(n) daer nae naest volgen(de) End(e)
//
hebben geloeft beyde de voirs(creven) p(ar)tien te vaste en(de) gestedich te houde(n) soe wes / de voirs(creven) iiii segge(re)n h(ier) af seggen en(de) t(er)mine(re)n selen met sulker vorwerde(n) / of hen enich vande(n) voirs(creven) segge(re)n het wae(re) een of meer gebrak dat sij / ande(r) d(er)re gelike in die stat neme(n) soude(n) moge(n) sond(er) argelist calstr(is) willem(air) / jul(ii) x iiii