Cond sij allen lieden dat henric en(de) jan neve gebruede(re) soene jans wilen neve/ van cortbeke ov(er)dile woute(r) de houwe(re) peter goedewert en(de) meeus kympe alle/ wone(n)de te cortbeke voirs(creven) sijn comen in jegewordich(eit) der scepen(en) van loven(e) en(de)/ hebben genomen en(de) bekent dat sij genomen hebben van woute(re)n py(n)noc en(de)/ woute(re)n py(n)noc den jonghen sinen sone en(de) van henricke absoloens die ov(er)mids/ vo(n)nisse van scepen(en) brieve(n) van loven(e) beleidt es tot den goede(n) peters wilen/ haengreve alsulken goede als goessen wilen vand(er) quaderbrugge(n) houdende/ was te cortbeke ov(er)dile en(de) daer omtrent uutgenome(n) thuys dat op den berch/ steet met den grechten Te houde(n) te hebben en(de) te wynne(n) van halfmeye/ naest comende leden ene(n) t(er)mijn van vi ja(r)en lang deen nae dand(er) daer nae/ staphans volgen(de) elx jaers hie(re)nby(n)ne(n) op de helcht vande(n) [alden] corne [en(de) vruchten] dat de selve/ wy(n)nen daer op wy(n)nen selen op alsoe dat de voirs(creven) wy(n)nen dlant wel en(de)/ loflic wy(n)nen selen gelijc hoe(re)n reengenote(n) boven en(de) benede(n) Ende soe wa(n)neer/ de voirs(creven) woute(r) woute(r) sijn sone en(de) henric absoloens ald(aer) willen doen dersschen/ soe selen de voirs(creven) wy(n)nen den dersche(r) vueden en(de) woute(r) [py(n)noc] woute(r) sijn sone en(de)/ henric abs(oloens) de dachue(re)n betale(n) Oec selen de voirs(creven) wy(n)nen jaerlix hie(re)nby(n)ne(n)/ gheve(n) en(de) leve(re)n lx mandele(n) walme(re) en(de) alsmen die ald(aer) verdect sele(n) de selve/ wy(n)nen de deckers vuede(n) en(de) woute(r) en(de) sijn sone en(de) henr(ic) abs(oloens) de dachue(re)n/ bet(alen) en(de) de voirs(creven) wy(n)nen selen ten lesten ja(r)e inde woenynge ald(aer) laten lx/malc mandele(n) walme(re) goet en(de) custb(aer) en(de) de voirs(creven) woute(r) sijn sone en(de)/ henr(ic) abs(oloens) sele(n) doeft dat ald(aer) wassen sal half hebben en(de) de wy(n)nen dande(r)/ helcht ende de wy(n)ne(n) sele(n) den voirs(creven) woute(re)n py(n)noc woute(re)n sine(n) sone/ en(de) henr(icke) abs(oloens) hoe(r) helcht te lov(en) sculdich sijn te leve(re)n It(em) de wande die/ de beesten breken vand(er) ond(er)ster rikelen ned(er)wert sele(n) de voirs(creven) wy(n)ne(n)/ wed(er) doen plecke(n) Voert es vorwerde dat de voirs(creven) woute(r) woute(r) [en(de) jacob] sijn/ so[e]ne en(de) henric abs(oloens) behoude(n) sele(n) tot hoe(re)n p(ro)fite de helcht vande(n) hove/ gehete(n) den blad(er)scoeke gelege(n) voer de porte vande(n) voirs(creven) hove en(de) dand(er)/ helcht sele(n) de voirs(creven) wy(n)ne(n) behoude(n) den voirs(creven) t(er)mijn due(re)nde en(de) daer voe(r)/ selen sij den voirs(creven) henr(icke) [abs(oloens)] jaerlix een mol(evat) lijnzaets zaeyen neve(n) hoe(re)n/ lijnzaet als hi hen tsaet levert Ende ten eynde vande(n) voirs(creven) t(er)mine sele(n)/ sij den voirs(creven) henr(icke) die helcht besaeyt laten met ghersten Voert selen/ hebben de voirs(creven) wy(n)nen de borghstat den bog(ar)tbeemt den volkartsbeemt/ en(de) de croyxbeke acht(er) thof elx jaers hie(re)n by(n)nen o(m)me xiiii guld(en) pet(er)s/ der munten van loven(e) goet en(de) gheve of de werde daer af te sente
//
m(er)tens misse inden wynter te betalen den voirs(creven) t(er)mijn due(re)nde/ en(de) telken t(er)mine als vervolghde schout behoudelic dien want/ woute(r) en(de) sijn sone en(de) oec henr(ic) abs(oloens) dierstre drie jaer vande(n)/ voirs(creven) t(er)mine te hen wert behoude(n) tot hoe(re)n p(ro)fite ene(n) beemt/ geheten de borchstat Soe es vorw(er)de dat de voirs(creven) wy(n)nen by(n)ne(n)/ den selve(n) iersten drien ja(r)en betale(n) sele(n) xiiii gulden hollan(sch) en(de)/ niet meer ten t(er)mine voirs(creven) Oec selen de voirs(creven) wy(n)ne(n) elx jaers/ hie(re)nby(n)ne(n) l poten op de goede setten Voert es vorw(er)de dat de voirs(creven)/ wy(n)nen den bog(ar)tbeemt den bollartsbeemt en(de) de croyxbeke ruymen/ en(de) roden selen van allen o(n)nutten houte daer in staende en(de) die/ ten eynde vande(n) voirs(creven) t(er)mine loflic gheruymt laten En(de) de selve/ wy(n)nen selen de goede ten lesten ja(r)e bevreedt en(de) gethuynt laten/ en(de) daer toe selen sij also vele loex houwen mogen als sij d(aer) toe/ bed(er)ven en(de) te doen sele(n) hebben en(de) niet meer en(de) de droeghbome/ selen de voirs(creven) wy(n)nen mogen afhouwe(n) Ende allet sto[r]e stroe dat/ vande(n) voirs(creven) goeden comen sal d(aer) af sele(n) de selve wy(n)ne(n) mest/ make(n) en(de) dat vue(re)n op tvoirs(creven) lant [slants meeste p(ro)fite] en(de) nerghens elde(r) en(de) [It(em)] de voirs(creven)/ wy(n)nen selen den voirs(creven) woute(re)n [en(de)] woute(re)n sine(n) so[e]nen en(de) henr(icke) abs(oloens)/ jaerlix hie(re)nby(n)nen houde(n) twee verken en(de) die sele(n) de voirs(creven) woute(r)/ en(de) sijn so[e]ne en(de) henr(ick) abs(oloens) copen Oec selen de voirs(creven) wy(n)nen den/ voirs(creven) woute(re)n [en(de)] sine(n) so[e]ne(n) en(de) henr(icke) abs(oloens) alle ja(r)e hie(re)nby(n)ne(n) vi/ vaerde va(re)n van cortbeke [te] lov(en) En(de) de voirs(creven) wy(n)nen sele(n) de lande ten/ lesten ja(r)e vande(n) voirs(creven) t(er)mine laten gelijc h(ier) nae volght dats te wete(n)/ den wynt(er)art besaeyt met wynt(er)corne op vier voren den zom(er)art/ besaeyt met have(re)n op twe voe(re)n en(de) vande(n) zom(er)arde sele(n) de wy(n)ne(n)/ een boend(er) besaeyt laten met ghersten op drie voren en(de) een half/ mudde erwete(n) ten lesten ja(r)e besaeyt laten op tvoirs(creven) lant It(em) es/ vorw(er)de dat de voirs(creven) woute(r) [wout(er)] sijn sone en(de) henr(ick) abs(oloens) de huysinge vande(n)/ voirs(creven) hove also houde(n) sele(n) van wande en(de) van dake den voirs(creven) t(er)mijn due(re)nde/ dat de voirs(creven) wy(n)ne(n) d(aer) in droghe sitten en(de) wone(n) moge(n) en(de) den tsijs en(de)/ den pacht die de goede scilld(ich) sijn in tijts also bet(alen) dat den wynnen/ d(aer) af gheen scade en come dwelc ocht geschiede sij den voirs(creven) wy(n)ne(n) oprichte(n) soude(n)/ Ende want de voirs(creven) henric absoloens sijn helicht vand(er) vrocht vande(n) voirs(creven)/ goede(n) ghecome(n) inde(n) ierste(n) ja(r)e uutgedorsschen en(de) te hem w(er)t getoge(n) heeft/ soe es vorweerde dat de voirs(creven) wy(n)ne(n) sijn helicht d(aer) inde(n) leste(n) ja(r)e uutdersschen/ en(de) behoude(n) sele(n) Ende alle dese vorw(er)de(n) hebben geloeft de voirs(creven) woute(r) woute(r)/ sijn sone en(de) henr(ic) abs(oloens) in deen side en(de) de voirs(creven) wy(n)nen in dande(re) malcande(re)n/ vast en(de) gestedich te houde(n) en(de) te vold(oen) talle(n) tide(n) en(de) t(er)mine(n) als sij valle(n) en(de)/ v(er)schijne(n) sele(n) en(de) telke(n) t(er)mi(n) als v(er)volghde schout borch(oven) juede oct(obris) ix Voert
//
hebben geloeft de voirs(creven) woute(r) py(n)noc en(de) woute(r) sijn sone h(ier) in te/ vervaen en(de) alsulc te hebben jacob sone des selfs wout(er)s svad(er)s dat hi ter/[manissen der voirs(creven) wy(n)nen] tvoirs(creven) uutgheve(n) met den conditien d(aer) in begrepen voer scepen(en) van/ lov(en) consente(re)n sal en(de) gelove(n) vast en(de) gestedich te houde(n) den voirs(creven)/ t(er)mijn due(re)nde borch(oven) juede dec(embris) ix