It(em) lijsbeth die wijf was gielijs wile(n) gheylincs [die] soens [was] gheerts wile(n) gheylincs vande(n) yerste(n)/ bedde jan en(de) gheert gheylinc bruede(re) des voirs(creven) gielijs en(de) kinde(re) en(de) sone des voirs(creven) wilen/ gheerts vande(n) na bedde sijn bode komen in jegenw(or)dich(eit) der scepen(en) va(n) loven(e) ende/[hebbe(n)] geloeft geconsenteert en(de) gewilkuert voe(r) hen en(de) hoe(r) nakomelinge(n) vrancke(n) willem(aer)/ soen jans wile(n) willemaers en(de) sine(n) nakomelinge(n) dat de husinge des selfs vrancs/ gelegen inde steenstrate tusschen sijns selfs goede en(de) de goede derf voirs(creven) lijsbette(n) gheylincs/ en(de) [jans en(de) gheerts] gebruede(re)n van nu voertane erflic hebben selen ten goede(n) w(er)t der selv(er) lijsbetten/ en(de) gebruede(re)n van achter aen die schuer tot voe(r) aen die strate steenstrate en(de) des gelijx/ die selve schuer hore(n) oesydrup opde goede lijsbette(n) gheylincs en(de) der gebruede(re) voirs(creven)/ Weert oic also dat den voirs(creven) vrancke(n) geliefde op sijn plaetse gelegen tusschen sijn/ voirs(creven) schuer en(de) woenhuys te ty(m)me(re)n of te metzen dat die ty(m)meringe des selve(n) gelijcx/ ten goeden w(er)t der voirs(creven) lijsbette(n) en(de) gebruede(re)n oec hebben sal hore(n) oesydrup op der/ voirs(creven) lijsbette(n) en(de) gebruede(re) goede voertane erfliken ende dat de selve lijsbeth en(de) gebruede(re)/ al alsulken water als van dien osydruppe(n) komen sal ov(er) hore erve leyden sullen ter steenstrate(n)/ w(er)t uut op hore(n) cost also dat den voirs(creven) vrancken willem(aer) noch sine(n) nakomelingen/ daer af gheen schade en kome Ende hebben geloeft die selve lijsb(eth) en(de) jan en(de) gheert/ gheylinx gebruede(re) den voirs(creven) vrancken vande(n) voirs(creven) saken altoes genouch te doen/ also dat hem en(de) sine(n) nakomelingen vast en(de) zeker sijn sal borch(oven) calstr(is) fe(bruarii) vii