Cond sij allen lieden dat jan roekeloes van huldenb(er)ge es comen jeg/ in jeg(enwoirdicheit) der scepen(en) van loven(e) en(de) heeft genomen en(de) bekent dat hi genomen heeft/ van janne lonijs den oudsten sone meest(er) jans [wilen] lonijs canonix en(de) cust(er)s te ludick/ de goede des selfs jans geheten ten broeke met huysen hove(n) wy(n)nende lande beemde(n)/ eeuselen heyden en(de) boschweyden met allen hoe(re)n toebehoerte(n) behalve(n) dien dat hi/ gheen recht hebben en sal in dlant gelegen ter erdbrugge(n) bid(er) galghen van ov(er)ysche/ want dat den goeden vanden broeke niet toe en hoert Te houden te hebben en(de) te wy(n)nen/ van halfmeye naest comende ene(n) t(er)mijn van vier ja(r)en lang daer nae sond(er) middel/ volgen(de) elx jaers dae(re)nby(n)ne(n) om derthien sacke rogs en(de) ene(n) halve(n) sac rogs yscher/ maten met wa(n)ne en(de) met veede(re)n wel bereidt acht sister yscher maten voer eene(n)/ sac gherekent altoes te sente andries misse apostels en(de) ten langsten tons(er) vrouwen/ dage lichtmisse te bet(alen) en(de) te lov(en) te leve(re)n op des voirs(creven) jans [wy(n)nen] cost alle ja(re) den/ voirs(creven) t(er)mijn due(re)nde en(de) telken t(er)mine als vervolghde schout It(em) es vorwerde dat/ de voirs(creven) wy(n)ne sijn beesten op den bosch ghene(n) tijt doen en mach dan als den hou/ drie ja(r)en out es It(em) sal de voirs(creven) wy(n)ne een sister [molevat] lijnzaets yscher maten den voirs(creven)/ janne jaerlix saeyen op de voirs(creven) lande en(de) dat wel en(de) loflic mesten en(de) bereyden/ op sinen cost en(de) des sal de voirs(creven) jan lonijs den zaet leve(re)n It(em) sal de voirs(creven) jan roekeloes [wy(n)ne]/ den voirs(creven) t(er)mijn due(re)nde mogen nemen op de voirs(creven) goede hout te berne(n) inden/ voirs(creven) hove vande(n) broeke en(de) and(er)s niet en(de) altoes ter mynster schade(n) It(em) sal de/ voirs(creven) wy(n)ne hebben den voirs(creven) t(er)mijn due(re)nde de thiende van haffligheem aldaer gelijc/ datse de voirs(creven) jan jegen [lonijs houdt vande(n)] tcloest(er) van hafflighe(em) genome(n) heeft en(de) die thiende alle ja(r)e/ indoin en(de) vue(re)n int voirs(creven) hof op sijns selfs cost en(de) daer af sal de selve wy(n)ne alle/ ja(r)e gheve(n) en(de) betale(n) dien van hafflighem twintich rijnsche gulden(en) alsoe dat den/ voirs(creven) janne ghene(n) co(m)mer daer af en come Ende allet stroe dat vande(n) voirs(creven) lande/ en(de) vand(er) voirscr(even) thienden comen sal dat sal de voirs(creven) wy(n)ne te meste b(ri)ngen int voirs(creven)/ hof en(de) dat mest alle ja(r)e vue(re)n op dlant den voirs(creven) hove vande(n) broeke toebehoe(re)nde/ ten meesten p(ro)fite des lants en(de) nerghens elde(r) It(em) sal de voirs(creven) wy(n)ne den voirs(creven) ja(n)ne/ lonijs gheve(n) alle ja(r)e vijfhond(er)t stroes walms de huysinge(n) aldaer mede te houde(n)/ en(de) and(er)s ghenen walm maken noch stroe vercopen noch vande(n) goeden vue(re)n noch/ doen in gheenre manie(re)n en(de) als noet es aldaer te decken(e) soe sal de voirs(creven) jan de/ dachue(re)n betale(n) en(de) de wy(n)ne sal den wercliede(n) hoe(re)n cost gheve(n) It(em) sal de voirs(creven)/ wy(n)ne alle ja(r)e op de voirs(creven) goede houde(n) hond(er)t scape [en(de)] xx hoet vees behalve(n) sijn p(er)de/ en(de) e(m)mer alsoe vele beesten dat hi alle dat voirs(creven) stroe wel en(de) loflic by(n)ne(n) den/ voirs(creven) goede te meste mach maken It(em) sal de voirs(creven) wy(n)ne de voirs(creven) lande wel en(de) loflic/ wy(n)nen met vier ghetidegen voren en(de) bezaeyen met goeden zade en(de) ten eynde/ vanden voirs(creven) vier ja(r)en laten alsoe hise vant ten beghy(n)ne vande(n) voirs(creven) t(er)mine/ te weten sestalf boend(er) en(de) een dachmael lants besaeyt met rogge en(de) sess/ boend(er) en(de) een dachmael lants bezaeyt met zom(er)corne en(de) de brake eens/ om gedaen It(em) sal de voirs(creven) wynne alle de beemde wel en(de) loflic gheryoelt laten
//
It(em) sal de voirs(creven) jan lonijs den voirs(creven) wy(n)ne alle ja(r)e eenwerf levereye/ gheven of den selve(n) wy(n)ne daer voe(r) afslaen ene(n) sac rogs yscher maten/ Item es vorwerde dat de voirs(creven) wy(n)ne jaerlix betalen sal den tsijs en(de)/ co(m)mer die onse gened(ige) he(re) de h(er)toge van brab(ant) aen de voirs(creven) goede heeft/ sond(er) janne lonijs e(n)nigen afslach daer af te doene en(de) waert dat de/ voirs(creven) wy(n)ne des niet en betaelde es vorwerde soe wat scaden dat/ daer af quame dat de voirs(creven) wy(n)ne die betalen sal moeten op sinen last/ en(de) co(m)mer Welke vorwerden en(de) poente alle en(de) yegewelke bove(n) bescr(even)/ de voirs(creven) wy(n)ne heeft geloeft den voirs(creven) janne [lonijs] wel en(de) loflic te voldoen/ en(de) te vervullen in alle der veughen en(de) manie(re)n bove(n) vercleert en(de)/ telken t(er)mine als vervolghde scout borch(oven) opp(endorp) godef(ridi) ap(ri)l(is) xvii