It(em) want stoet en(de) tebat geweest hebben tussche(n) henr(ic) van mechlen/ in deen side en(de) yden die wijf was arnts wilen vand(er) sluysen in/ en(de) lijsbette(n) hoe(r) docht(er) te voe(re)n uut hoe(re)n broede gedaen in dande(re) alse/ van ene(n) mudde rox lijfpensien dat de voirs(creven) henr(ic) van mechlen der/ voirs(creven) yden van haers mans wegen eysschende was dat t(er) quitinge(n) stonct/ met x rijnschen guld(en) alsoe hi meynde En(de) alse vand(er) voesteringen/ van ene(n) kijnde dat de voirs(creven) yde den voirsc(reven) henr(icke) gew gevoestert/ heeft ii jaer lang ende van dat de voirs(creven) lijsbeth den voirs(creven) henr(icke)/ gedient heeft Soe sijn beyde de voirs(creven) p(ar)tyen come(n) voe(r) scepen(en) van/ loven(e) en(de) sijn vande(n) voirs(creven) stoete en(de) voert van alle(n) ande(re)n saken die/ sij deen den ande(re)n eysschende moghen sijn bleve(n) in segge(re)n en(de) in/ vriendelike yffene(re)n te wete(n) de voirs(creven) henric in brued(er) gheerde van/ meerbeke en(de) in janne willem(air) ende de voirs(creven) yde en(de) lijsbeth in/ janne vande(n) vedekene en(de) henr(icke) merx in alsulker voege(n) dat elc/ vande(n) voirs(creven) p(ar)tyen sine(n) eysch in gescrifte sine(n) segge(re)n ov(er)geve(n) sal/ tusschen dit en(de) dond(er)sdach naestcomende die dat bringe(n) sal ter/ ke(n)nissen vand(er) wed(er)p(ar)tyen die dan hoe(r) v(er)antw(er)de(n) ov(er)geve(n) sal in/ gescrifte hoe(re)n segge(re)n tusschen dat en(de) den naesten sondach daer/ naest volgende Dat gedaen selen de voirs(creven) iiii segge(re)n bij een/ gaen en(de) hoe(r) segge(n) daer af uutene(n) bynne(n) drie dage(n) daer na/ volgende op dat sijs eens sijn en(de) soe waers sijs niet eens en/ worde(n) dat sij dan bynne(n) den selve(n) tide come(n) voe(r) scep(enen) van/ loven(e) en(de) halens vo(n)nissen gelijc ofs p(ar)tyen gedingt hadde(n) Ende/ hebbe(n) geloeft beyde p(ar)tyen vast (et)c(etera) soe was de segge(re)n (et)c(etera) of de/ scepen(en) (et)c(etera) Met vorw(er)den of enig(er) p(ar)tyen hoe(r) segge(re)n gebraken/ dat sij dan in die stat and(er) neme(n) moge(n) sond(er) argelist Des es/ borge d(er) voirs(creven) yden en(de) lijsbette(n) arnt van heurne Et due/ p(ri)mi opp(endorp) fil(ius) q(uon)da(m) godefr(idi) juede julii xxi