Item want stoet en(de) tebat geweest sijn tusschen h(ere)n ja(n)ne va(n) bossuyt/ ridde(r) in deen side en(de) ja(n)ne va(n) dagbeemont in dande(r) side alse/ vand(er) wy(n)ningen va(n) dagbeemont die de vors(creven) jan gehoude(n) heeft/ en(de) van [allen] acht(er)stelle dat dat de vors(creven) h(er) jan meynt dat de vors(creven)/ jan hem sculdich soude sijn vand(er) goede wegen vors(creven) vand(er) tijt/ dat hi inde goede gewoent heeft Soe sijn beyde de vors(creven) p(ar)tien/ come(n) voe(r) scep(en)en va(n) lov(en) en(de) sijn va(n) allen den vors(creven) stoete en(de) va(n)/ allen saken d(aer) uut ruere(n)de bleve(n) in segge(re)n en(de) vriendel(ec) yffene(re)n/ te wete(n) de vors(creven) h(er) jan in den meest(er) va(n) bealsart en(de) in ja(n)ne/ vande(n) ned(er)royeel en(de) de vors(creven) jan va(n) dagbeemont in willemet/ de la fontaine en(de) in henrion ha(n)nin? va(n) piet(er)bais in alsulk(er)/ dat de vors(creven) h(er) jan va(n) bossuyt sijn bescheit in gescrifte(n) ov(er)gheve(n)/ sal den segge(re)n des vors(creven) be jans binne(n) viii dagen naest come(n)de/ d(aer) op dat hi sijn v(er)antw(er)de(n) make(n) sal en(de) dat ov(er)gheve(n) den segge(re)n/ des vors(creven) h(ere)n jans binne(n) viii dagen d(aer) naest volge(n)de Alsoe/ dat de vors(creven) v iiii segge(re)n eysch en(de) v(er)antw(er)de(n) vand beyde den/ p(ar)tyen ov(er)gehadt hoe(r) segge(n) d(aer) af seggen selen bi(n)ne(n) viii dage(n)/ d(aer) naest volg(ende) op dat sijs va(n) accoerde sijn en(de) soe waer sijs/ va(n) accoerde niet gew(er)de(n) en conste(n) dat dan de vors(creven) iiii segge(re)n/ des come(n) selen voe(r) scepen(en) va(n) loeve(ne)n v binne(n) viii dage(n) d(aer) naest/ volgende en(de) vand(er) vors(creven) sake(n) halen hoetvo(n)nissen gelijc ofochs de/ p(ar)tyen met den rechte gedingt hadde(n) En(de) hebbe(n) geloeft vaste/ en(de) gestedich te houde(n) soe wes de vors(creven) vier segge(re)n selen oft de/ scepe(ne)n va(n) lov(en) voe(r) een hoetvo(n)nisse gheve(n) en(de) lere(n) En(de) es vorw(er)de/ w(er)t dat enig(er) p(ar)tien hoe(r) segge(re)n een of meer gebrake(n) dat sij/ dan ande(re)n in die stat neme(n) moge(n) sond(er) argelist borch(oven) ty(m)ple/ oct(obris) xvii