Cont sij allen liede(n) dat ja(n)ne rasin als p(ro)cureerd(er) m(iner) vrouwe(n)/ d(er) abdisse(n) en(de) scove(n)ts des cloest(er)s vand(er) rameyde(n) es come(n) in/ jegew(or)dich(eit) d(er) scepe(ne)n va(n) lov(en) en(de) heeft geg(even) en(de) bekendt dat hi/ geg(even) [heeft] inde(n) name vande(n) vors(creven) cloeste(r) ja(n)ne va(n) yngelmans hove(n)/ thof des selfs cloest(er)s ghehete(n) vand(er) conv(er)te(r)ien en(de) met d(er) tienden/ en(de) allen sine(n) toebehoerte(n) dat van outs den vors(creven) hove toebehoert/ heeft en(de) gelijc dat de wy(n)nen voertijts gehoude(n) hebbe(n) Te houde(n)/ te hebbe(n) en(de) te wy(n)ne(n) va(n) halfmerte dat was int jaer ons he(re)n/ duse(n)t vierhond(er)t en(de) thien ene(n) termijn va(n) twelf jae(re)n lang/ deen nae dand(er) d(aer) nae staph(ans) volgende elx jaers dae(re)n binne(n) op/ den last die den vors(creven) ja(n)ne d(aer) benoemt was te wete(n) op xxx/ corweyde(n) m(ijns) [onsen] genedege he(re) va(n) brab(an)t jaerlex te doene xxx/xv xv rinsche gulden(en) den honde(n) van boutsvoert jaerlex te/ betalen en(de) alle jae(re) te half oeghste ene(n) maeltijt te gheve(n) den/ honden ons ghened(ichs) he(re)n vors(creven) en(de) oec op den last dat alle de ghene/ die op tvors(creven) hof come(n) selen en(de) segel en(de) brieve b(ri)nge(n) va(n) onsen/ ons ghened(ichs) he(re)n wege(n) dat die d(aer) hebbe(n) selen ene(n) maeltijt alsoe/ dicke als sij d(aer) comen eest te p(er)de of te voete en(de) op den tsijs die de/ he(re) va(n) meylhem jaerlex heeft aen de vors(creven) goede en(de) den tsijs dien/ men te laetwijc sculdich es [en(de)] den cloeste(r) va(n) florivail drie/ stier corens en(de) een half mudde corens alrehande(n) p(er)sone(n) dien/ tgoet sculdich es te behoerlike(n) tide te betale(n) En(de) voertmeer/ op xv mudde core(n)s goet en(de) payabel d(er) mate(n) va(n) lov(en) alle/ jae(re) te s(ent) andr(ies) misse te betalen en(de) int vors(creven) hof va(n)d(er) coverte(r)ien/ te levere(n) den vors(creven) t(er)mijn du(rende) en(de) telken t(er)mine als v(er)volghde schout/ En(de) es vorw(er)de dat de yerste betalinge va(n) dese(n) xv mudde(n) rox/ ingaen sal te s(ent) andr(ies)misse int jaer ons he(re)n xiiii[c] en(de) xiiii/ xv en(de) niet eer alsoe dat de vors(creven) jan binne(n) de(n) vors(creven) xii jae(re)n/ betalen sal viii pachte va(n) coerne w(aer)t oec alsoe dat den vors(creven)/ ja(n)ne ghenueghde ten eynde vande(n) vi jae(re)n d(er) vors(creven) wy(n)ninge(n) qu/ quijt te sine dat hijtt(er) dan quijt sijn mach op dat hi wilt
//
en(de) soe waer oec de selve jan den vors(creven) last en(de) pacht niet en/ betaelde noch betalen en conste soe mach m(ijn) vrouwe vors(creven)/ hem de vors(creven) goede oec wed(er) neme(n) ten eynde vande(n) vi jae(re)n/ en(de) dit selen m(ijn) vrouwe en(de) de wy(n)ne op dat sij scheide(n) willenenich va(n) hen scheide(n) wilt deen den ande(re)n een jaer te voeren/ opseggen en(de) laete(n) wete(n) Behoudelec dien dat hi dan uutvae(re)n/ soude ind(er) manie(re)n als hi ten leste(n) jae(re) sculdich wae(re) uut te vae(re)n/ gelijc h(ier) nae v(er)cleert es Voert es vorw(er)de dat de vors(creven) jan den/ vors(creven) t(er)mijn va(n) xii jae(re)n duer(ende) jaerlex leve(re)n sal v[c] walms/ thof mede te houde(n) en(de) te decken en(de) als men die v(er)dect sal jan/ den wercliede(n) den cost gheve(n) en(de) m(ijn) vrouwe de dachue(re)n betale(n)/ It(em) es vorw(er)de dat de vors(creven) jan soude moge(n) halen int hof va(n) jan/ drengnoel iiii of v voed(er) . stroes en(de) die vuere(n) ongecalengeert/ op tvors(creven) hof vand(er) conv(er)te(r)ien Ite(m) heeft m(ijn) vrouwe vors(creven) den vors(creven)/ ja(n)ne geleent alrehande goet ghetaxeert op x crone(n) en(de) dat/ sal hi hoe(r) wed(er)gheve(n) ten leste(n) jae(re) Item es vorw(er)de dat m(ijn) vrouwe/ vors(creven) deen [den] vors(creven) ja(n)ne ghelev(er)t heeft xvi boende(r) corens besaeyt/ te velde te wete(n) den art tusschen meylhem en(de) de sart dewelke/ hi jege(n) hoe(r) v(er)pacht heeft elc boend(er) d(aer) af o(m)me een mudde core(n)s/ love(n)sche en(de) om een mudde corens tiensche een love(n)sche mudde/ min ov(er) al en(de) dien pacht soude [sal] hi ond(er) houden en(de) sij sal hem dien/ leene(n) tot nae den leste(n) jae(re) vande(n) vors(creven) t(er)mine En(de) alst comt te/ half m(er)te dat de vors(creven) t(er)mijn uutgheet soe es vorw(er)de soe wat wynt(er)/ coerne dat de vors(creven) jan dan besaeyt heeft dat hi dat toeghste d(aer)/ naest volg(ende) altemael indoen en(de) te hem w(er)t trecke(n) sal en(de) dat/ vuere(n) in m(ijns) vrouwe(n) schuere ter sart [of en(de) als hijt invuere dat hi dansijn p(er)de inde stallinge ald(aer) sette(n) sal mogen] en(de) dat d(aer) uut d(er)sschen tot/ sine(n) p(ro)fijte sond(er) argelist en(de) d(aer) af m(ijn) vrouwe(n) betale(n) den vors(creven) geleende(n)/ pacht vande(n) vors(creven) xvi boende(re)n corens te wete(n) xvi mudde corens/ love(n)sche en(de) xvi mudde corens tiensche een mudde love(n)sche min inde(n)/ hoep en(de) dov(er)bate d(aer)af co(m)merloes te hem w(er)t core trecken uutgenome(n)/ stroe en(de) caf dat sal hi int hof laete(n) eest oec dat den vors(creven) art/ meer draeght dan xvi boende(r) dien sal de wy(n)ne hebbe(n) nochta(n) soe en/ sal hi niet meer pachts gheve(n) dan vors(creven) es
//
Ite(m) sal tvors(creven) cloest(er) den vors(creven) ja(n)ne gheve(n) den vors(creven) tijt duer(ende)/ alle xiiii nachte(n) xxv covents broede en(de) x gelte(n) biers/ gelijc den cove(n)te Ite(m) sal m(ijn) vrouwe vors(creven) inde(n) vors(creven) hove/ doen make(n) alle des dies den vors(creven) goede toebehoe(re)nde es/ en(de) de vors(creven) jan niet ontbe(re)n en can sond(er) argelist Ite(m) w(aer)t alsoe/ dat m(ijn) vrouwe vors(creven) in enige(n) vande(n) vors(creven) goede [poenten] in gebreke/ wa(r)e en(de) de vors(creven) jan d(aer) bi scade name dat sij hem die scade/ oprichten soude en(de) des gelijx soude hoe(r) de vors(creven) jan wed(er) o(m)me/ doen w(aer)t dat hi in enige(n) gebreke wa(r)e Ite(m) soe wat goede [vrochte]/ dat de vors(creven) jan op de vors(creven) goede wynt va(n) stroe en(de) d(aer) men/ mest af make(n) mach dat hi dat wed(er) op de vors(creven) goede/ vuere(n) sal en(de) nerghe nerghens elde(r) alsoe v(er)re alst/ dmest strect en(de) d(aer) mede gestaen ten leste(n) jae(re) En(de) dese/ goede sal de vors(creven) jan wy(n)nen gelijc de reenghenote(n) bove(n) en(de)/ benede(n) doen selen Ite(m) w(aer)t alsoe dat inde vors(creven) goede yet/ te maken viele of gebroke(n) worde dat soude jan m(iner) vrouwe(n)/ laete(n) wete(n) en(de) dan soudt sijt doen make(n) en(de) soe waer sijs dan/ niet en dade soe soudt de vors(creven) jan selve doen make(n) en(de) hoe(r) dat/ afcorte(n) Ite(m) soe wa(n)neer svors(creven) cloest(er)s c knapen int hof come(n)/ selen om core(n) dat sij dan ene(n) ald(aer) ene(n) maeltijt [selen] hebbe(n) alsoe/ dicke alst geviele en(de) des gelijx soe wa(n)neer dat de p(ro)cureerd(er)/ des vors(creven) godsh(uys) int vors(creven) hof come(n) sal en(de) hi ald(aer) te doen sal/ hebbe(n) dat hi en(de) sijn peert dan hoe(re)n cost d(aer) hebbe(n) selen en(de) voert/ soe wa(n)neer des vors(creven) godsh(uys) wagene en(de) knape(n) int tvors(creven) hof/ selen come(n) te v(er)nachtegen dat sij dan hoe(re)n cost ald(aer) hebben sele(n)/ tweew(er)f of driew(er)f tsjaers Ite(m) va(n) tempeeste(n) en(de) va(n) ghemeyne(n)/ orloge d(aer) af sal hem tvors(creven) cloest(er) restututie doen gelijc ande(re)/ he(re)n en(de) cloeste(re)n hoe(re)n wy(n)nen bove(n) en(de) benede(n) doen selen Item/ w(aer)t oec dat men enige goede vonde den vors(creven) hove toebehoe(re)nde/ die arnt wilen vand(er) motte(n) en(de) sijn kynde(re) te houde(n) plage(n) en(de) met/ v(er)somtheide(n) v(er)loe(re)n wee(re)n dat goede m(ijn) vrouwe en(de) tcovent/ op hoe(re)n cost [die] vervolge(n) soude(n) en(de) die soude de wy(n)ne met de(n) ande(re)n/ goede(n) behoude(n) tot sine(n) p(ro)fijte sijn jaerscae(re)n duer(ende) Item sal hebbe(n)/ de vors(creven) jan tot sine(n) p(ro)fite den bosch va(n)de(n) clappeele de(n) vors(creven) tijt duer(ende)/ en(de) dien houwe(n) en(de) trunke(n) te behoerleke(n) tide als men bosch pleeght te houwen
//
Ite(m) want m(ijn) vor vrouwe vors(creven) betaelde den co(m)mer [en(de) last] vande(n) vors(creven) goede(n)/ van halfm(er)te doen de wy(n)ne income(n) was tot s(ent) remeys misse doen/ naest come(n)de en(de) oec den tsijs va(n) meylhem die viel op de(n) selve(n)/ s(ent) remeys dach Soe es vors(creven) vorw(er)de dat de v [vors(creven)] jan van half/ m(er)te u als sine(n) t(er)mijn uutgaen sal va(n) dan voert tot s(ent) remeys/ misse d(aer) nae staph(ans) volgende oec gelde(n) en(de) betale(n) sal allen den/ co(m)mer en(de) last vande(n) vors(creven) goeden en(de) oec den tsijs va(n) meylhem/ die op s dien s(ent) remeys dach vallen sal sond(er) argelist uutghenome(n)/ dat de selve [jan] ongehoude(n) sijn sal binne(n) dien tide enege(n) gaste van/ m(ijn) ghened(egen) wege(n) te ontfaene wa(n)t hi dan inde(n) vors(creven) hove niet/ wone(n) en sal En(de) alle de vors(creven) vorw(er)den en(de) geloefte(n) Ite(m) En(de) alle dese / vors(creven) vorw(er)den en(de) geloefte(n) hebben geloeft de vors(creven) jan rasijn als p(ro)cureerd(er)/ ghemechticht va(n) scloest(er)s wege(n) in deen side en(de) de vors(creven) wy(n)ne in/ dande(r) side malcande(re)n vaste en(de) gested(ich) te houden en(de) te voldoen tallen/ tide(n) en(de) t(er)mine(n) als sij vallen en(de) v(er)schine(n) selen en(de) telke(n) t(er)mine als/ v(er)volghde schout borch(oven) tymple jul(ii) xxi