Cont sij allen liede(n) dat jan drabbe va(n) huldenb(er)ge es come(n) in jege/ w(oir)dicheide(n) d(er) scepen(en) va(n) loven(en) en(de) gh heeft ghenome(n) en(de) bekendt dat / hi genome(n) heeft va(n) henr(icke) del bar de chamo(n)t sijn woni(n)ghe/ met den huyse(n) hove(n) wy(n)nende lande beemde(n) en(de) eusselen d(aer)toe/ hoe(re)nde gelijc dat baudart boyelet [die] te houden plach gelege(n)/ te catysart Te houde(n) te hebbe(n) ende te wy(n)nen van [ingane] meye naest lede(n) ene(n) t(er)mijn va(n) xii jae(re)n lang deen nae dand(er) d(aer)/ nae staph(ans) volgende elx jaers dae(re)n binne(n) op veertich/ mudde pachts core(n)s goet en(de) payabel met wa(n)ne en(de) met/ veede(re)n wel bereydt d(er) mate(n) va(n) lov(en) en(de) x vii mudde/ tarwe(n) oec goet en(de) custber d(er) mate(n) vors(creven) alle jae(re) te s(ent)/ andr(ies) misse apostels te betale(n) en(de) te catysart vors(creven) te leve(re)n/ den vors(creven) t(er)mijn duer(ende) en(de) telke(n) t(er)mine als v(er)volghde schout/ alsoe dat de vors(creven) wy(n)ne binne(n) de(n) vors(creven) xii jae(re)n betalen sal / xii pachte Item sal de vors(creven) wy(n)ne den vors(creven) henr(icke) jaerlex/ betalen den vors(creven) t(er)mijn duer(ende) vi molevate raepsaets en(de)/ vi mol(evate) erwete(n) Item sal de vors(creven) wy(n)ne jaerlex leve(re)n/ iiii[c] walms [goet en(de) custber] om de huyse ald(aer) mede te decke(n) en(de) als men/ d(aer) dect soe sal de vors(creven) wy(n)ne den wercliede(n) den cost geve(n)/ en(de) henr(ic) sal de dachuere(n) betale(n) Ite(m) mach de vors(creven) henr(ic)/ seinde(n) int vors(creven) hof een ledich rynt te gaene en(de) ghevuedt/ te worde(n) met den beesten des vors(creven) wy(n)ne(n) te som(er)tijde en(de)/ niet inden wynt(er) Ende w(aer)t alsoe dat de vors(creven) henr(ic) wone(n)/ woude inde vors(creven) woni(n)ge(n) soe soude hem de vors(creven) wy(n)ne houde(n)/ een coe wynt(er) en(de) zom(er) met den sinen en(de) die soude hem de/ selve henr(ic) leve(re)n en(de) d(aer) mede soude hi onghehoude(n) sijn te/ houde(n) tvors(creven) ledich rint Item sal de vors(creven) jan den vors(creven)/ henr(icke) houden alle houden jae(re) den vors(creven) t(er)mijn duer(ende) twee/ v(er)kene wynt(er) en(de) zom(er) en(de) op dat hem [hi] d(aer) woent en(de) niet/ and(er)s Ite(m) sal de vors(creven) wy(n)ne den vors(creven) henr(icke) leve(re)n jaerlex/ lant [bereyt] om een sist(er) lijnsaets op te zayen [en(de) tvlas d(aer)af sal de vors(creven) henr(ic) i(n)tijt(s)? hebben] Ite(m) sal de vors(creven) henr(ic)/ de vors(creven) wy(n)ne jaerlex gheve(n) iiii ellen wollens lakens tot/ ene(n) rocke Ite(m) sal de vors(creven) wy(n)ne jaerlex leve(re)n en(de) hale leem
//
de huyse mede te v(er)make(n) Ite(m) sal de vors(creven) jan hebbe(n) de weyde va(n)de(n)/ bossche va(n) sart om sijn coeye ald(aer) in te gaene als dbosch drie jaer/ out es en(de) voe sijn p(er)de alst hem ghenueght en(de) des gelijx oec de/ weyde vande(n) bossche de folle franke en(de) vande(n) bossche p(ro)naz? en(de) dande(r)/ weyde reene(n)de aen de vors(creven) bossche en(de) oec [de weyde van] den bosch de tries/ de wave(re) in alle d(er) manie(re)n dat vors(creven) es vande(n) bossche va(n)d(er) sart/ Ite(m) heeft de vors(creven) henr(ic) gelev(er)t den vors(creven) wy(n)ne den rogge(n)art/ besayt met wynt(er) coerne op iiii ghetidege voren en(de) in dier/ voegen sal hijt hem laeten en(de) leve(re)n besaeyt en(de) gewo(n)ne(n) in sine(n)/ uutgaene Ite(m) heeft de vors(creven) henr(ic) ghelev(er)t den vors(creven) wy(n)ne den/ zom(er)art besaeyt met zom(er)coerne wel en(de) loeflec op twee vore(n)/ en(de) in dier voege(n) sal hijt late(n) in sine(n) uutgaene Behoudelec dien/ dat hi inde(n) selve(n) [zomer] art laete(n) sal iiii boende(r) met erwete(n) en(de) vechen/ besaeyt en(de) wel gewo(n)nen en(de) gehantert tot meye toe gelijc reen/ ghenote(n) bove(n) en(de) benede(n) Item sal de vors(creven) wy(n)ne den hof ligge(n)de/ acht(er) duyfhuys ald(aer) ten eynde va(n) sine(n) vors(creven) t(er)mine laete(n) besaeyt/ met zom(er)coerne gelijc den lande vors(creven) Item [soe] vant de vors(creven) wy(n)ne/ alle de brake eens omgedaen en(de) oec den hof voe(r) de porte gelege(n)/ en(de) alsoe sal hijt laete(n) ten eynde va(n) sine(n) vors(creven) t(er)mine Ite(m) sal/ de vors(creven) wy(n)ne nae ten toeghste naest volg(ende) als den t(er)mijn te meye/ uutgheet te hem w(er)t trecke(n) de vrocht vande(n) hove a putz en(de) d(aer) voe(r)/ sal [hi] den vors(creven) henr(icke) betalen vi mudde(n) spelten [d(er) maten vors(creven)] Behoudelec dien dat/ tvoed(er) binne(n) den hove blive(n) sal Item sal noch de vors(creven) wy(n)ne te hem/ w(er)t trecken ten [vors(creven)] oeghste vors(creven) de vrocht vande(n) hove die pet(er)s was/ en(de) d(aer)voe(r) den vors(creven) henr(icke) betalen vi s(is)ter? bone(n) mer stroe sal/ bi(n)ne(n) den hove blive(n) Ite(m) sal de vors(creven) wy(n)ne hebbe(n) jaerlex i dach(mael)/ boschs voe(r) sijn b(er)ringe en(de) [mogen] struncke(n) willege(n) en(de) popele(re)n va(n) drien/ jae(re)n te drien jae(re)n en(de) voe(r) elke(n) drogen boem dien hi afhouwe(n) sal/ dwelc hi sal moge(n) doen twee ande(re)n vande(n) selve(n) arde wed(er) sette(n)/ en(de) [de] hagen [aen tvors(creven) goet mogen] afhouwe(n) om thof mede te beheyme(n) Ite(m) sal de vors(creven) wy(n)ne/ alle stroe dat vande(n) vors(creven) lande come(n) en(de) [etten sijne(n) en(de) v(er)te(re)n] met [sinen] beesten v(er)te(re)n en(de) te/ mest make(n) en(de) dat vue(re)n op tvors(creven) lant slants meeste(n) p(ro)fijte
//
Ite(m) heeft geleent de vors(creven) henr(ic) den vors(creven) wy(n)ne liiii gul(den) holl(ants)/ en(de) xxiiii mudde evene(n) loveng(oelscher)? te betalen de welke de/ vors(creven) wy(n)ne de(n) vors(creven) henr(icke) bi(n)ne(n) den vors(creven) tijde t(er)mine wed(er)/ gheve(n) sal te sine(n) scoenste(n) Ite(m) mach de vors(creven) wy(n)ne scheyde(n)/ ten eynde vande(n) vi jae(re)n op op dat hi wilt ve vervullende/ tghene des vors(creven) es In dien dat hijt den vors(creven) henr(icke) een/ jaer te vo(r)en seeght Item en(de) laet wete(n) en(de) op dat de vors(creven)/ wy(n)ne ald(us) te vi jae(re)n scheyde(n) woude(n) soe soude henr(ic) selve ene(n)/ sayer moge(n) setten Cu(m) conditio(n)e de tempestate v(e)l guerra co(mmun)i/sw(er)tveg(er) mulke ja(nuarii) Promitte(re)n [Promitten(s)] alt(er)r alt(er)i ratu(m) tene(re) p(ro)miss(i)o(n)es/ an(te)d(i)c(t)as sw(er)tveg(er) mulke ja(nuarii) xiii sw(er)tveg(er) mulke ja(nuarii) xiii