It(em) cond sij allen lieden dat willem van scoenhoven in deen side en(de)/ vrouwe barba(r)e weduwe en(de) gesellinne wilen was h(ere)n jans van scoenhove(n)/ ridders brueder des voirs(creven) willems in dande(r) side sijn comen in jegenw(er)/ dicheyt d(er) scepen(en) van lovene en(de) hebbe(n) ov(er)draghe(n) gewillecort ghevorw(er)t/ en(de) geconsenteert [eendrechtichlic] alse vander monberyen guv(er)nancien en(de) regime(n)te/ joffr(ouwe) dorotheen [do] en(de) haerre goede dat docht(er) des voirs(creven) [wile(n)] h(ere)n jans wile(n)/ va(n) scoenhove(n) en(de) vrouwe barba(r)en [de punte(n) en(de) vorw(er)de(n) hierna bescreve(n) Inde(n) yersten] dat de voirs(creven) vrouwe barba(r)e/ der voirs(creven) joffr(ouwe) dorotheen haerr(er) dochter bi haer hebben houden en(de)/ vueden cleden en(de) scoyen sal op hae(re)n cost sonder yet daer af te/ eysschen oft te hebbe(n) van des voirs(creven) kijnts goede toter tijt toe/ dat de voirs(creven) joffr(ouwe) dorothea [tselve kijnt] tot haren [sinen] wittege(n) dage(n) come(n) sal sijn/ te weten tot xii jae(re)n out Ite(m) soe es [noch] gevorw(er)t dat de voirs(creven)/ wille(m) van scoenhoven alse momber [alle jae(re)] hebben sal van des voirs(creven) kijnts/ goede een l(i)b(ra) ouder grote [dats] te weten xx rijnsche gulden(en) daer voe(r)/ gerekent tot(er) tijt dat tvoirs(creven) kijnt tot sine(n) wittege(n) dage(n) als/ voirs(creven) es comen sal sijn Ite(m) dat de voirs(creven) willem en(de) vrouwe barba(re)/alle jae(re) ene(n) rentmeest(er) sette(n) selen eendrechtichlic de welke de [ten meest(er)] de/ goede de(n) voirs(creven) kijnde toebehoe(re)nde rege(re)n sal [ten meeste p(ro)fite va(n)de(n) kijnde] en(de) daer af wettige/ reke(n)i(n)ge doen jaerlex den voirs(creven) t(er) pr t(er)mijn durende en(de)/ voe(r) de(n) vors(creven) wille(m)me alse monboe(r) en(de) daer twee of drie va(n)/ des voirs(creven) kijnts vriende(n) in beyde(n) siden bi genome(n) sele(n) w(er)den/en(de) dat men de goede re welke rentmeest(er) de rente(n) [en(de) goede] come(n)de vande(n)/ des voirs(creven) kints altoes rege(re)n en(de) voertke(re)n sal ten meeste(n) orboe(n) en(de)/ p(ro)fijte vande(n) voirs(creven) [selve(n)] kinde va(n) welken renten en(de) goede(n) des/ voirs(creven) kints de voirs(creven) willem noch vrouwe barba(re) te mael niet/ hebben noch heffen en selen Behoudelec altoes der selv(er) vrouwe barba(r)e/ haerre duwarien Hier wae(re)n ov(er) lodewijc roelants ja(n)ne va(n)de(n)/ tymple jan gheerts en(de) pet(er) willemair scepen(en) va(n) lov(en) dit/ gheschiede en(de) was gedaen int jae(r) ons he(re)n doeme(n) screef duse(n)t/ vierhond(er)t en(de) dertien opte(n) yerste(n) dach van octobri