Cont sij allen lieden dat va(n) alsulke(n) stoete en(de) deedinge(n) als/ geweest hebben tusschen ja(n)ne noppe(n) in deen side en(de) ja(n)ne fien/ in dande(r) side van hoe(r) beyd(er) huyse(n) en(de) hove(n) belege(n) neve(n) een/ inde wijngartst(ra)te de vors(creven) p(ar)tien come(n) sijn voe(r) scepen(en) va(n)/ lov(en) en(de) hebbe(n) bekendt en(de) v(er)lijt dat sij d(aer) af met malcande(re)n/ v(er)yffent en(de) geslete(n) sijn bi t(er)minatien d(er) stat geswor(en) meest(er)s/ ind(er) voege(n) en(de) manie(re)n h(ier) nae volge(n)de te wete(n) inde(n) yerste(n)/ dat hoe(r) beyd(er) huyse erflec gescheide(n) en(de) ond(er)slage(n) sele(n) sijn/ en(de) blive(n) met den moere en(de) metter want tusschen hoe(r) beyd(er)/ huse staende welke(n) moer en(de) want hoe(r) beyd(er) gemeyn sijn/ sal en(de) op hoe(r) beyd(er) cost half en(de) half voertaen te houde(n)/ van ond(er) tot bove(n) en(de) dat hoe(r) beyd(er) hove acht(er) hoe(r) vors(creven)/ huyse ligge(n)de ond(er)scheide(n) selen sijn tot op een teke(n) staende/ inden moer tusschen hoe(r) beyd(er) porten ten eynde vande(n) selve(n)/ hoven uutgescheide(n) den bornputte staende op jan fyens/ erve dat dien half en(de) half sijn sal jan fyens en(de) jan nops/ den welke(n) sij op hoe(r) beyd(er) gemeynd(er) cost houden sele(n) half/ en(de) half met ene(n) hake inden hof jan fyens ter helft va(n)de(n)/ bornputte en(de) vande(n) steene vande(n) putte iiii voete te jan fyens/ hove w(er)t in alsoe dat daer beteke(n)t en(de) bepaelt es den vors(creven)/ ja(n)ne noppe tot dien putte te come(n) te gaen en(de) te ke(re)n en(de) dat jan/ fyen sinen wat(er)steen dien hi ligge(n)de heeft neve(n) den vors(creven) born/ putte ewich doen sal en(de) neghene(n) waterloep noch wat(er)steen/ meer d(aer) houden en sal mogen dan ter erden alsoe dat hi den/ vors(creven) bornputte lette(n) noch scade(n) en sal en(de) [dat] dwat(er) dat [hi] daer/ sal uutghiete(n) of uutlaete(n) niet vord(er) ganc hebbe(n) en sal dan/ op sijns selfs erve En(de) voert dat jan fyen acht(er) bute(n) sijnre/ poerte va(n) sine(n) moere hebbe(n) sal ond(er)halve(n) raemb(er)ch te gade(r)/ met ene(n) stucske(n) hoefs dat den vors(creven) janne fyen ald(aer) bepaelt/ es uut den halve(n) raemb(er)ge lijsbette(n) van bo(n)ne en(de) arnt keye(noegh)[e]/ en(de) ja(n) noppe sal hebbe(n) een cleyn stucsken hoefs liggende tusschen/ jan fyen raemb(er)ch en(de) jan nops porte alsoe dat d(aer) bepaelt es met
//
met ene(n) paele en(de) buten dien pale en sal jan noppe gheen/ recht hebben ov(er) derve jan fyens ten goede(n) w(er)t lijsbette(n)/ van bo(n)ne en(de) arnt keye(noegh)[e] en(de) noch oec ov(er) de goede d(er)/ selv(er) lijsbette(n) en(de) arnts van weege noch and(er)s in gheenre/ manie(re)n en(de) oec alsoe dat jan fyen noch jan noppe op hoe(r)/ goede ald(aer) in desside des moers noch d(aer) bute(n) gheen/ boeme noch and(er) dinc houden noch sette(n) en sele(n) dat/ des and(er)s goede lette(n) mach in enig(er) manie(re)n welke/ yffeni(n)ge de vors(creven) p(ar)tien (et)c(etera)