Cont sij allen liede(n) dat h(er) daneel rogghe monc en(de) monc/ proefst scloest(er)s va(n) vlied(er)beke es come(n) (et)c(etera) en(de) heeft/ gegeve(n) en(de) bekendt dat hi geg(even) heeft [inden name en(de) sijn? svors(creven) cloest(er)s wegen] henr(icke) de g va(n)/ tsoers va(n) beetse thof des vors(creven) cloest(er)s ghehete(n) den [ten vliete] met de(n) wy(n)nende lande beemde(n) eussele(n) bossche erfpachte/ tiende(n) groete en(de) cleyne eve(n)ne en(de) g(er)ste tsijs en(de) capuyne/ en(de) alle ande(re) erfrente(n) met de(n) hees heerscape en(de)/ rechte gelijc alst wille(m) croest gehoude(n) heeft gelege(n)/ te leewe en(de) [ten] bossche g alsoet de(n) selve(n) he(re)n [cloeste(r)] ald(aer) toebe/ hoe(re)nde es [uutgenome(n) de molen va(n) ro(m)male] Te houde(n) te w v hebbe(n) en(de) te wy(n)ne(n) va(n) half/ m(er)te naest come(n)de ene(n) t(er)mijn va(n) xii jae(re)n lang deen/ nae dand(er) d(aer) nae staph(ans) volgende alle jae(re) dae(re)n bi(n)ne(n)/ o(m)me lxxxv mudde harts core(n)s goet en(de) payabel alsoe/ alsulix als op tvors(creven) lant en(de) d(aer) omtrent wasse(n)de es/ d(er) mate(n) va(n) lo leewe en(de) [oec] alle jae(re) [een mudde raepsaets en(de)] o(m)me xii mudde/ g(er)sten d(er) selv(er) mate(n) [met wa(n)ne en(de) veede(re)n wel bereyt en(de) de crynsen uutgedaen] te ons(er) w vrouwe(n) dage lichtmisse/ te betalen en(de) bi(n)ne(n) lewee te bet leve(re)n daert m(ijn) he(re)/ de(n) abdt gelieve(n) sal en(de) oec alle jae(re) om c tsijs rins/ gulden(en) te wete(n) xxxviii(½) pl(acken) [brabantsche] voe(r) ene(n) rinsch gul(den)/ gherekendt dats te wete(n) of iii oude scilde va(n) goude/ goet en(de) gheve of de w(er)de d(aer) af voe(r) iiii [d(er)] gulden(en) vors(creven)/ en(de) hief hier af sal de wy(n)ne kyese(n) moge(n) welc hi/ wilt Behoudelec dien dat hi dien cose doen sal/ als dyerste payme(n)t valt en(de) alsoe hi dan kiest soe/ sal [hi betalen] alle dande(re) paiem payme(n)te betale(n) te betalen xl/ gulden(en) d(aer) af te s(ente) m(er)tens [jans] misse xx [xl] gulden(en) d(aer) af/tons(er) vrouwe(n) dage liechtmisse en(de) xl [te s(ente) m(er)tens misse] [en(de) xx] gul(den) d(aer) af viii/

dage in julio [tons(er) vrouwen lichtmisse] en(de) ind(er) stat wissel te lov(en) te leve(re)n alle/ jae(re) den vors(creven) t(er)mijn duer(ende) en(de) telke(n) t(er)mine als v(er)volghde/ schout
//
Ite(m) sal de vors(creven) wy(n)ne alle jae(re) de bet(alen) der he(re)n tsijs vande(n) gronde/ uut de(n) vors(creven) goede(n) gaende sond(er) afslach vand(er) vors(creven) p(ri)ncipaeld(er)/ schout en(de) sond(er) cost en(de) scade selv(er)s [tcloest(er)s] vors(creven) It(em) sal de selve wy(n)ne/ in sine(n) leste(n) jae(re) lant alle dwynter core(n) toebehoe(re)nde den/ vors(creven) hove laete(n) gewo(n)ne gemest en(de) besaeyt gelijc ande(re)n/ wy(n)ne(n) ald(aer) bove(n) en(de) benede(n) It(em) en sal de vors(creven) wy(n)ne in sine(n)/ leste(n) jae(re) [niet niet] mogen hoervrochte(n) It(em) sal de vors(creven) wy(n)ne alle/ dmest en(de) stroe dat vande(n) vors(creven) goede(n) come(n) sal in sine(n)/ leste(n) jae(r) int vors(creven) hof laete(n) en(de) gheen uutvuere(n) en(de) hi/ en sal oec inde(n) selve(n) leste(n) jae(r) gheen core(n) den vors(creven)/ hove toebehove toebehoe(re)nde te velde moge(n) v(er)cope(n) It(em)/ sal de vors(creven) m(ijn) he(re) dabdt hebbe(n) en(de) behoude(n) int vors(creven)/ hof te sine(n) orbe(re) en(de) p(ro)fijte de zale d(aer) af dat dwed(er) gedeelte/ afgebroke(n) es en(de) den stal staende aen deynde vand(er) schuere(n)/ te lewe w(er)t en(de) als m(ijn) he(re) dabdt d(aer) niet en es soe sal de wy(n)ne/ de slotel d(aer) af behoude(n) tot sine(n) p(ro)fijte It(em) sal de vors(creven) wy(n)ne/ m(ijn) he(re) den abdt met sijnre familie(n) alle jae(re) tweew(er)f sculd(ich)/ sijn tontfaene inde(n) vors(creven) hove als op m(ijn) he(re) hem dat ene(n) dach/ te vo(r)en [sal] laete(n) wete(n) en(de) hem en(de) sijn familie(n) va(n) allen coste uut/ doen behalve(n) wijn en(de) wasse(n) keerse(n) en(de) sijn p(er)de voede(re)n ene(n)/ dach en(de) ene(n) nacht telke(n) male en(de) h(ier) mede sal de vors(creven) wy(n)ne/ v(er)laete(n) sijn va(n) allen ande(re)n costen die hem toevallen mochte(n)/ va(n) m(ijn) he(re)n sabds wege(n) vors(creven) behoude(n) dien dat de wy(n)ne sculd(ich)/ sal sijn de he(re)n de moncke van vlied(er)beke in sine(n) [inden] hove tontfaene/ als sij d(aer) come(n) met m(ijn) he(re)n orlove en(de) des gelijx sal de wy(n)ne/[met sijnre familien] te vlied(er)beke ontfaen worde(n) als sij d(aer) come(n) It(em) sal de vors(creven)/ wy(n)ne(n) de huysinge vande(n) [den] vors(creven) hove toebehoe(ren)de redelec houde(n)/ den vors(creven) t(er)mijn duer(ende) vin va(n) wande en(de) va(n) dake op sine(n) cost
//
Ite(m) En(de) als men d(aer) dect plect of ty(m)mert va(n) wercl/ oude(n) w(er)ke d(aer) af sal m(ijn) he(re) dabdt [tcloest(er)] den wercliede(n) de/ dachuere(n) betalen en(de) de wy(n)ne sal hen hoe(re)n cost gheve(n)/ en(de) den wy(n)ne sal [d(aer) toe] halen het sij leem of and(er)s d(aer)toe/ diene(n)de En(de) w(er)t dat m(ijn) he(re) [tgodshuys] van nuwes [ald(aer)] yet ty(m)me(re)n/ dade dat sal hi [tgodshuys] doen op sine(n) [sine(n) he(re)n] cost mer dat hi [de wy(n)ne] en sal/ va(n) nuwes niet moge(n) ty(m)me(re)n sond(er) consent va(n)de(n) m(ijn) he(re) [vors(creven) cloeste(r)]/ Ite(m) sal de wynne vors(creven) alle tuyne va(n) ene(n) jae(r) en(de) of/ twee jae(re)n oudt ten uutgange van sine(n) t(er)mine laete(n)/ staen en(de) de grachte opghehoude(n) Ite(m) sal de vors(creven) wy(n)ne/ tscaerbosch tallen sesse jae(re)n moge(n) houwe(n) in alsulk(er)/ vuege(n) dat hijt in sine(n) afgaene bloet en(de) gehouwe(n) sal/ laete(n) gelijc als hijt vant in sine(n) income(n) Ite(m) sal/ de vors(creven) wy(n)ne alle jae(re) op de vors(creven) goede l poten/ sette(n) Ite(m) sal de vors(creven) wy(n)ne alle v(er)droeghde boeme/ uutgewaeyde en(de) gebroke(n) boeme hebbe(n) tot sine(n) orbe(re)/ en(de) p(ro)fijte en(de) voe(r) elke(n) twee [poten] vande(n) selve(n) [dien] arde wed(er)/ sette(n) Ite(m) w(er)t dat de vors(creven) wy(n)ne schade hadde of/ lede inde vors(creven) goede bi ocsuyne ons gened(ichs) he(re)n va(n) brab(ant)/of des busscope(n) [va(n) ludeke] of va(n) hoe(re)n liede(n) of enige(n) ande(re)n lants/ he(re) of ov(er)mids orloge die schade soude hem m(ijn) he(re) dabdt [tvors(creven) cloest(er)]/ oprichte(n) en(de) afcorte(n) te wetteg(er) reekeni(n)gen en(de) alsulke(n)/ scade als hi hadde en(de) lede va(n) tempeeste(n) sal hem m(ijn) tcloest(er)/he(re) oprichte(n) als ande(re)n he(re)n hoe(re)n pechtene(re)n doen selen/ It(em) w(er)t dat sake dat god v(er)huede(n) wille dat brant/ geviele inde(n) vors(creven) hove die toebehe toeq(ua)me m(ijn) he(re)n sabds [va(n) tgodshuys]/ wege(n) of vande(n) sine(n) [heren] die schade soude hem m(ijn) [tcloest(er)]/he(re) dabdt oprichte(n) en(de) v(er)gelde(n) w(er)t oec dat [die] brant/ toeq(ua)me va(n) swy(n)ne(n) wege(n) of sijnre familie(n) die schade soude
//
de wy(n)ne m(ijn) he(re) den abdt [den cloeste(r)] oprichte(n) en(de) v(er)gelde(n) w(er)t oec dat sake/ dat d(aer) brant gheviele en(de) men niet gewete(n) en conste waer af/ dat die brant gheschiede d(aer) af soude elc p(ar)tie sijn schade/va(n) dien brande drage(n) en(de) gelde(n) Ite(m) sal de vors(creven) wy(n)ne alle/ truncboeme te behoerleke(n) t(er)m tijde moge(n) truncke(n) de vors(creven)/ goede mede te bevrede(n) en(de) opgaende [hout] sleene(n) en(de) wanscapen/ hout houwen sond(er) de(n) houte schade te doene En(de) wa(n)t m(ijn)/

he(re) dabdt den vors(creven) wy(n)ne gemaect s heeft sine(n) meye(r) ald(aer)/[vors(creven) wy(n)ne ge svors(creven) cloesters meye(r) ald(aer) gemaect es]/ om sijn hofrecht te doene en(de) te verwae(re)n Soe sal de wy(n)ne/ d(aer) voe(r) hebbe(n) den tol en(de) den ghemeyne(n) tsijs die m(ijn) he(re)/dabdt en(de) cove(n)t hebbe(n) [tvors(creven) godshuys heeft] te hebbe Oec sal m(ijn) he(re) [tselve godshuys] hem geve(n)/ ene(n) roc gelijc sine(n) [ande(re)n] meye(re)n als m(ijn) he(re) [dabdt] clede(n) gheeft Ite(m)/ sal de vors(creven) wy(n)ne een sille lants gelege(n) inden hof gehete(n)/ dbloc mogen bloet [laete(n)] te s(ente) jans misse in sine(n) afgaene/ En(de) alle dese vors(creven) vorw(er)den en(de) geloefte(n) (et)c(etera) Hier af sijn/ borge(n) des vors(creven) henr(ix) va(n) tsoers als p(ri)ncip(ale) sculd(eren) ongesund(er)t/ en(de) onghescheide(n) en(de) elc voe(r) al jan va(n) tsoers gheert en(de)/ arnt va(n) tsoers sijn bruede(re) jan va(n) ophem wone(n)de te beetse/

jan arnt sone jan arnts va(n) beetse jan strijtbos/ va(n) beetse woute(r) bielien van cortenake en(de) arnt vand(er)/ elsmee(re) et p(ri)[(mus)] en(de) arnt outjans va(n) beetse (et) p(ri)m[(us)] borch(oven) rike/ welke borge(n) de vors(creven) henr(ic) va(n) tsoers hier af geloeft heeft co(m)m(er)loes/ en(de) scadeloes te houde(n) en(de) tontheffen borch(oven) rike sept(embris) iii