SAL7312-7313, Act: R°177.1-V°177.1 (50 of 66)
Search Act
previous | next
Act R°177.1-V°177.1  
Act
Date: 1416-04-25

Transcription

2020-03-10 by xavier delacourt
Item claes uuten lyemi(n)gen es come(n) in jeg(enwoirdicheit) d(er) scepen(en) van lov(en) en(de) heeft/
geg(even) en(de) bekendt dat hi geg(even) (heeft) henr(icke) de(n) smet va(n) meensele de vor goede/
des vors(creven) claes gelegen bi(n)ne(n) d(er) p(ro)chien va(n) aetrode en(de) d(aer) omtrent Te/
wete(n) es thof met sine(n) toehoerte(n) uutgescheide(n) dnuwe huys dat/
de vors(creven) claes behoude(n) sal Te gade(r) met [den] wy(n)nende(n) b lande beemde(n)/
en(de) eusselen gelijc die vors(creven) g henr(ic) die goede gehoude(n) heeft en(de) sij/
hem bewijst sijn Te houden te hebbe(n) en(de) te wy(n)nen va(n) halfm(er)te naest/
leden ene(n) t(er)mijn va(n) v jae(re)n lang deen nae dand(er) d(aer) nae staph(ans)/
volg(ende) elx jaers j dae(re)n bi(n)ne(n) de vors(creven) wy(n)ne(n)de lande elc boend(er) d(aer)/
af alsoe v(er)re als de mate gedraeght om derd derthiendalf/
halst(er) corens pacht va(n) aetrode goet en(de) payabel d(er) mate(n) va(n) thiene(n)/
te wete(n) vi halst(er) d(er) selv(er) maten voe(r) een mudde gherekent met/
wa(n)ne en(de) met vlegele wael bereyt te s(ente) andr(ies) misse apost(els) te bet(alen)/
E en(de) te thiene(n) te dyest of te willeb(ri)ngen daert den vors(creven) claese best/
ghenuege(n) sal te leve(re)n den vors(creven) t(er)mijn duer(ende) en(de) telke(n) t(er)mine als v(er)volghde/
schout En(de) als men den vo de vors(creven) claes sal den ghene(n) die hem/
jaerlex sine(n) vracht b(ri)ngen hoe(re)n cost doen En(de) de vors(creven) beemde en(de) eusele/
[jaerlex] om xix gul(den) holl(ansche) of de w(er)de d(aer) af te s(ente) m(er)tens misse inde(n) wint(er) te/
bet(alen) [alle jaere(n)] den vors(creven) t(er)mijn duer(ende) en(de) telke(n) t(er)mine als v(er)volghde schout Item/
sal de vors(creven) wy(n)ne den vors(creven) claese jaerlex een rint some(re)n dwelc/
de vors(creven) claes v(er)ande(re)n a mach alst hem ghenueght Ite(m) sal de vors(creven)/
wy(n)ne den vors(creven) claese jaerlex gheve(n) twee halst(er) witter erweten en(de)/
een halst(er) bonen Item sal de vors(creven) wy(n)ne den vors(creven) claese jaerlex/
wy(n)nen en(de) sayen wel en(de) loeflec een halst(er) lijnzaets maer claes/
sal den zaet leve(re)n en(de) alst tvlas d(aer) af gesplete(n) es so saelt henr(ic)/
claese vuere(n) tot sinen huys d(aer) d hi wonechtich es sijn sal Ite(m) doeft/
inde(n) bogart ald(aer) wassende selen claes en(de) henr(ic) hebbe(n) en(de) [doen lesen] half en(de)/
haf half en(de) op hoe(r) beyd(er) cost doen lesen en(de) henr(ic) sal claese sine(n)/
helcht leve(re)n tot sine(n) huys d(aer) hi wonechtich es sal sijn Ite(m) sal de vors(creven) henr(ic)/
jaerlex leve(re)n iii[c] walme(re) om de huysinge(n) die hi hebbe(n) sal mede te/
decken en(de) als men die ald(aer) v(er)dect soe sal hi den wercliede(n) den/
cost gheven en(de) claes de dachuere(n) betale(n) En(de) alwaert dat de/
vors(creven) claes op de vors(creven) huysinge(n) meer walme(re) woude doen v(er)decke(n)/
nochtan soude de wy(n)ne den wercliede(n) de(n) cost geve(n) en(de) claes de/
dachuere(n) gelde(n) Mer met [van] de(n) nuwe(n) huyse dat claes behelt d(aer)/
mede
en sal henr(ic) ghene(n) cost hebbe(n)
//
Item waert alsoe dat [de] wande bi(n)ne vande(n) huysinge(n) bi(n)ne(n) den vors(creven)/
hove gebroke(n) worde(n) vand(er) ond(er)ster rykelen ned(er)w(er)t van des/
vors(creven) wy(n)nen beesten of dier gelike dat sal de wy(n)ne wed(er) doen/
make(n) en(de) plecke(n) op sine(n) cost Ite(m) sal de vors(creven) wy(n)ne hebbe(n) de/
weyde van des vors(creven) claes bossche(re) en(de) d(aer) voe(r) sal hi jaerlex/
de boschtiende bet(alen) maer henr(ic) en sal gheen coeye mogen/
doen in enigen bosch den hou en sij drie jaer oudt Item sal/
de vors(creven) wy(n)ne alle stroe en(de) voesteringe die op tvors(creven) goet wasse(n)/
sal sele(n) b(ri)ngen bi(n)nen den vors(creven) hove en(de) dat ald(aer) v(er)te(re)n met sine(n) beeste(n)/
en(de) te meste make(n) en(de) dat wed(er) vueren op tvors(creven) lant slants/
meesten p(ro)fite Item sal de vors(creven) wy(n)ne alle de vors(creven) lande den/
vors(creven) tijt duer(ende) wel en(de) loeflec wy(n)nen en(de) meste(n) gelijc sine(n)/
reenghenote(n) en(de) ande(re) winne(n) bove(n) en(de) benede(n) doen selen en(de) ten/
eynde van sine(n) t(er)mine die ghemest late(n) gelijc als hijse vant en(de)/
de brake en(de) storte eens omgedaen Item selen de vors(creven) claes/
en(de) henr(ic) jaerlex coepe(n) en(de) tegelike bet(alen) c hoepe stroes en(de) die/
sal de wy(n)ne halen en(de) te mesten beke(re)n [en(de) op tgoet vueren] sgoets meeste(n) p(ro)fijte/
[beyde uutgescheide(n) inden lesten jae(r) soe selen sij [oec] d(aer) af onghehoude(n) sijn]/
Ite(m) es vorw(er)de dat de vors(creven) henr(ic) ten lesten jae(r) alle stroe en(de)/
mest dat hem ov(er)blijft laete(n) sal binne(n) den vors(creven) hove behoudelec/
dien dat [hi] de tvors(creven) stroe besegen mach tot sine(n) p(ro)fite sond(er) uut te/
vue(re)n of [te] v(er)coepen Item sal de vors(creven) wy(n)ne de vors(creven) goede de(n) t(er)mijn/
duer(ende) d wel en(de) loeflec vrede(n) en(de) die alsoe ten eynde va(n) sine(n)/
t(er)mine bevreedt laete(n) en(de) de thout den vrede te make(n) sal hi/
neme(n) op de vors(creven) goede t(er) mynst(er) schade(n) Item sal de vors(creven) wy(n)ne/
alle struncboeme va(n) willege(n) of popele(re)n moge(n) strunke(n) d(aer) te be/
hoerleke(n) tide w(er)t oec dat d(aer) enige boeme v(er)droeghde(n) of uut/
vielen die soude de wy(n)ne hebben en(de) voe(r) elke(n) twee vande(n) selve(n)/
arde wed(er) setten Ite(m) mach de vors(creven) wy(n)ne jaerlex een half/
boend(er) lants hoervrochte(n) [inde brake] en(de) niet meer En(de) alle dese vors(creven)/
vorw(er)de [en(de) gel(often) hebben geloeft de vors(creven) claes in deen side (et)c(etera)] H(ier) af sijn borgen jan en(de) gheert vande(n) bog(ar)de va(n)/
meensele gebruede(r) jan vande(n) bog(ar)de de jonge sone des/
vors(creven) jans symon de smet de jonghe en(de) henr(ic) portman va(n)/
meensele P(ri)m[(us)] neth(enen) pauwels sab(ba)[to] die p(os)t festu(m) pasche/
des vors(creven) wy(n)nen als p(ri)ncip(ael) sculde(re)n
ContributorsGreet Stevens , Jos Jonckheer
Moderated byMi-Je Van Gils
Last update: 2016-03-23 by Xavier Delacourt