Van eppijn van valeir/ Item want eppijn maes van valeir aengesproke(n) was vande(n) meye(r) va(n)/ loeve(ne)n alse dat hi enen pael uut soude hebben geworpen die gepaelt/ stont tusschen sijn lant en(de) dlant healmets del tour en(de) jan pierkots/ dwelc de vors(creven) meyer boet te thoene(n) Daer op dat de vors(creven) beppijn/ hem v(er)antw(er)de seggende dat waer was dat hi ghegrave(n) hadde op/ sijn lant maer dat hi noeyt pael uut en groef en(de) dat dien pael/ dien hi uutgegrave(n) soude hebben stont en(de) staende bleef iiii of v/ maent nae dat hi d(aer) lest w(er)f op groef en(de) des v(er)mat hi hem tot d(er)/ conden die d(aer) af te spreke(n) wisten oec dede hi segge(n) dat wel mocht/ gevallen sijn dat den vors(creven) pael uutghevloten mocht sijn mette(n) grote(n)/ wate(r) dat dit jaer geweest heeft maer dat en wae(re) bi sinen schouden/ niet geschiet Hier op worden de scepen(en) gemaent die wijsde(n) den meye(r)/ en(de) eppijn tot hoe(re)n thoenisse de meye(r) thoende op dach va(n) rechte/ met goede(n) knapen die saghen dat den vors(creven) pael uutlach vand(er) stat/ d(aer) hi plach te staene Eppijn thoende op dach va(n) rechte met tween/ goede(n) knapen ten heilgen v(er)hoert dat hen wael kondich was dat/ den vors(creven) pael stont nae dat de vors(creven) eppijn d(aer) bi geg(ra)ven hadde/ v maent of vi Alsoe dat de scepen(en) voert gemaent vande(n) meye(r)/ va(n) loeven(en) wijsde(n) voe(r) een vo(n)nisse nae aensprake nae antw(er)de en(de) nae/ thoenisse dat alsulken aensp(ra)ke als de meye(r) gedaen hadde te eppijn w(er)t/ dat die den selve(n) eppijn gheen onstade doen en soude en(de) dat hi d(aer) af qui(t) en(de) onghehoude(n) sijn soude cor(am) d(ic)tis septe(m) scabinis