SAL7314, Act: R°1.1 (1 of 44)
previous | next
(only transcribed acts)
Act R°1.1  
Act
Date: 1417-01-16

Transcription

2016-11-13 by xavier delacourt
Cond sij allen lieden dat jan de rove(re) sone [vacat] wilen de rove(re) en(de) jan nouwe/
de jonghe allebeyde van nuwerode sijn come(n) in jegenwordicheyt d(er) scepen(en) van/
lovene en(de) hebbe(n) genome(n) en(de) bekendt dat si genome(n) hebbe(n) van henricke den/
rove(re) van arscot wonende te lovene [alle] de goede [wynnende lande] des selfs henrics gelege(n) te nuwe/
rode en(de) daer omtrent Te houde(n) te hebbe(n) en(de) te wynne(n) van nu voertaen [sinte gielijs dage lestlede(n)] ene(n)/
t(er)mijn van twelf jae(re)n lanc duerende deen na dand(er) [d(aer) na] sond(er) middel volgende/
elx jaers daer en bynne(n) op alle trecht en(de) alle(n) den co(m)mer die daer uut/
gaen te gewoenlike(n) tide(n) te betale(n) en(de) voert op vier en(de) een halve/
gulden crone(n) d(er) mu(n)te(n) skonnix van vrancrijc goede en(de) gheve altoes/
tsinte andries misse dapostels de(n) voirs(creven) henricke te betalen en(de) telke(n)/
t(er)mijne alse v(er)volghde schout Behoudelic dien waert dat sake dat/
bynne(n) dese(n) voirs(creven) t(er)mijn opte(n) voirs(creven) goede(n) geviele(n) ocht q(ua)me(n) enighe/
coere die men heet ghichte van dat enich ghichtdraeghe(r) vande(n) voirs(creven)/
goede storve dat de voirs(creven) henric de rove(re) de(n) last daer af drage(n) soude/
sond(er) co(m)mer vander vors(creven) wynne(n) Ite(m) es vorwerde dat de voirs(creven) wynne(n)/
de voirs(creven) lande opte leste drie jae(r) nie vande(n) voirs(creven) t(er)mine niet/
hoervrochte(n) en sele(n) noch en moge(n) Oec es vorw(er)de dat de voirs(creven)/
woner wynne(n) elx jaers de vande(n) voirs(creven) t(er)mine een dachmael/
vande(n) voirs(creven) lande wel en(de) cusbaerlec merghelen sele(n) op hoe(re)n cost/
En(de) dat de selve wynne(n) [ten eynde vande voirs(creven) t(er)mijne] de voirs(creven) lande laten sal alsoe sise [nu] vinde(n)/
te hae(re)n aencomen
ContributorsGreet Stevens
Moderated byGreet Stevens
Last update: 2016-11-20 by Greet Stevens