Cond si alle(n) liede(n) dat wouter ute(n) lyemi(n)gen de jonghe en(de) wout(er) bollart va(n) love(n)/ bierbeke sijn come(n) in jegenwordicheyt d(er) scepen(en) van loeven en(de) hebbe(n) genome(n) en(de)/ bekent dat si genome(n) hebbe(n) van h(ere)n goerde ute(n) lyemi(n)ghen prieste(r) p(er)soen d(er)/ kerke(n) van love(n)joul de thiende [va(n) love(n)joul] des selfs p(er)soens also v(er)re als hem die aldair/ toehoe(re)nde es Te houden en(de) te hebbe(n) van sente jans misse lest lede(n)/ ene(n) t(er)mijn van vijf jae(re)n lanc deen na dand(er) d(aer) na sond(er) myddel/ volgende elx jaers d(aer) in [en] bynne(n) om achten(en)veertich en(de) ene(n) halven/ rijnsche gul(den) goede en(de) gheve tot den voirs(creven) p(er)sone tot tsinxte(n) te/ betale(n) en(de) telke(n) t(er)mijn alse v(er)volghde schout tymple boen junii xxviii