Cond sij allen liede(n) dat jan vand(er) molen van bierbeke es come(n) in/ jegenwordicheyt d(er) scepen(en) van lovene en(de) heeft gegeve(n) en(de) bekendt dat/ hi gegeve(n) heeft henricke arnts van belanden(en) ut(er) prochien van bierbeke de/ goede des selfs jans gelege(n) te burdinghe(n) inde [voirs(creven)] prochie va(n) bierbeke in huyse(n)/ hove(n) bogarden wynnende(n) lande(n) beemde(n) en(de) euselen gelijc de vors(creven)/ jan vand(er) mole(n) de voirs(creven) goede aldaer houdende es Te houden te hebbe(n)/ en(de) te wynne(n) van sinte jans misse bap(tis)[te(n)] nu naest comende ene(n) t(er)mijn/ van seven [sesse] jae(re)n daer na sond(er) middel volgende elx jaers daer en bynne(n)/ o(m)me sevenen(de)twintich en(de) een half mudde(n) rogs goet en(de) payabel alsulcs/ als op tvoirs(creven) goet jaerlex wassen sal wael bereydt m(et) wanne en(de)/ met vede(re)n lovensch(er) mate(n) also dat de voirs(creven) he arnt henric arnts/ bynne(n) den voirs(creven) seven [sesse] jae(re)n [ghelde(n) en(de)] betale(n) sal seve(n) [se sesse] volle pachte altoes tsunte/ andries misse apostels do te betale(n) en(de) tot loven te leve(re)n en(de) telke/ t(er)mijne alse v(er)volghde schout Ite(m) sal noch de voirs(creven) henric de(n)/ voirs(creven) ja(n)ne alle jae(re) dese(n) t(er)mijn du(rende) betale(n) alse vande(n) beemde(n)/ en(de) vand(er) weyde(n) des selfs jans aldaer twelf hollansche gulden/ goede en(de) [gheve] alle jae(re) ts(ente) mertens misse inde(n) wynt(er) te betale(n) en(de) telke(n) t(er)mijne/ alse v(er)voghde schout Ite(m) alle doeft inde(n) grote(n) bog(ar)t wassende/ sal de voirs(creven) henric allen [alleen] hebbe(n) sond(er) den voirs(creven) janne/ yet d(aer) af te deyle(n) mer doeft wassende in dwinnende beloc/ te(n) grote(n) wuwe(re) eest cleyn eest groet dat sele(n) de vors(creven) [jan en(de)] henr(ic)/en(de) ja(n) alle jae(re) deyle(n) en(de) hebbe(n) te gelike half en(de) half/ En(de) de voirs(creven) henr(ic) sal de(n) voirs(creven) ja(n)ne sijn deel d(aer) af tot/ loeven b(ri)nghe(n) Ite(m) sal de voirs(creven) henric de(n) voirs(creven) janne/ alle jae(re) tot loeven bringhe(n) van bierbeke of d(aer) om omtrent/ d(aer)t he(m) genuege(n) sal ja(n) [de selve jan] bewise(n) sal vier voede(re)n houts Ite(m)/ sal de voirs(creven) henric de(n) voirs(creven) janne alle jae(re) leve(re)n xxxii/ mandele(n) walme(re) de huysinge ald(aer) mede te behoude(n) en(de)/ alsme(n) die ald(aer) v(er)dect d(aer) af sal de voirs(creven) ja(n) de dachure(n)/ betale(n) en(de) henr(ic) voirs(creven) sal de werclude vuede(n) Ite(m) soe
//
waer aende voirs(creven) huysinge yet gebroke(n) worde va(n) henrics beeste(n)/vand(er) onderster benede(n) der underst(er) rikele(n) dat soude de vors(creven) henric/ doen make(n) sond(er) jans cost Ite(m) so waer aende voirs(creven) goede yet wae(re)/ te make(n) het wae(re) in ty(m)meringe(n) in plecke(n) [ocht] in decke(n) van oude(n) werk/ d(aer) af soude henric de wercliede(n) vuede(n) en(de) jan soude de dachhuere(n)/ betale(n) mer waer [dat] jan d(aer) yet dede make(n) van nuwe(n) werke daer/ af soude de voirs(creven) henric van alde(n) coste ongehoude(n) sijn Ite(m) es/ vorw(er)de dat de voirs(creven) henr(ic) de voirs(creven) goede late(n) sal ts(ente) jans misse/ te sine(n) afscheyde(n) also hise vindt te sine(n) aencome(n) dats te wete(n)/ de(n) wynt(er) aert houdende vierdalf boende(r) een half dachmael min/ besayt met wynt(er)coerne op vier getidige vo(r)en en(de) de(n) som(er)aert/ houdende vijf boende(r) en(de) een half dachmael besayt met/ zomercoerne Te wete(n) derdalf boende(r) met evene(n) en(de) derdalf/ boende(r) en(de) een half dachmael met gherste(n) de gherste op iii/ getidige vo(r)en en(de) devene op ii voren En(de) de(n) derden aert houde(n)de/ seve(n)thien dachmael sal hi brake late(n) op ii voren En(de) alle de/ voirs(creven) lande sal de voirs(creven) henr(ic) wel en(de) loflic wynne(n) en(de) w(er)ve(n)/ gelijc sine(n) reengenote(n) ja En(de) alle tstroe dat boven de voirs(creven)/ xxxii mandele(n) walme(re) jaerlex ov(er)come(n) sal vande(n) voirs(creven) goede/ dat sal hi te meste make(n) en(de) wed(er) op dlant vuere(n) ten/ meeste(n) p(ro)fijte vande(n) lande Ite(m) sal de voirs(creven) henric de voirs(creven)/ goede wel en(de) loflic houde(n) bevrede(n) rume(n) en(de) grechte(n) en(de) de/ stof d(aer) toe neme(n) op de voirs(creven) goede ter minster schade(n) Oec/ sal de voirs(creven) henric sine berni(n)ghe neme(n) aen haghe en(de) aen/ trunceyke(n) t(er) minst(er) scade(n) En(de) so waer enighe willige v(er)droegh/ de die soude de voirs(creven) henric hebbe(n) en(de) voe(r) elke verdroeghde/ wilghe ii pote(n) weder sette(n) Ite(m) so waer de voirs(creven) henric scade/ lede aende voirs(creven) goede va(n) gemeyne(n) orloge ocht va(n) te(m)peeste/ d(aer) af sal he(m) de voirs(creven) ja(n) rastoer en(de) verguetsche(n) doen gelijc/ ande(re)n goede(n) lude(n) bove(n) en(de) beneden Ite(m) es vorw(er)de dat de/ voirs(creven) henric va(n) sunte jans misse naest comende ov(er) vier [drie .? ]/ jae(r) scheyde(n) mach op dat hem genueght en(de) [va(n)] dan voert aen/ soude hi vande(n) voirs(creven) [alle] vorw(er)de(n) ongehoudt sijn
//
Ite(m) sal de voirs(creven) henric de(n) voirs(creven) janne alle jae(re) [sayen] de(n) vors(creven) (er)mijn duerende/ een molenvat lijnsaets Ite(m) sal de voirs(creven) henric hebbe(n) de va(n) s(en)nt van/ sente jans misse bap(tis)[te(n)] naest comende over ii [een] jae(r) een vierdel vand(er)/groter thiende(n) van bierbeke in alle d(er) manie(re)n en(de) op alsulke(n) [last] voeghe/ en(de) vorwerde gelijc de voirs(creven) jan die genome(n) heeft jege(n) de(n) p(ri)oer van/ bierbeke En(de) d(aer) af sal de voirs(creven) henric alle trogge(n) stroe op jans goet/ voirs(creven) bringhe(n) [en(de) slite(n)] en(de) mest [d(aer) af] make(n) en(de) op de voirs(creven) goede vuere(n) te(n) meeste(n)/ p(ro)fijte uutgescheide(n) x mandele(n) rogghenstroes daer [af mede] mach de voirs(creven)/ henric sine(n) wil doen En(de) vand(er) voirs(creven) thiende(n) sal de voirs(creven) henric/ de(n) voirs(creven) janne gheven alle jae(re) dese twee jae(re) lix? lanc duerende [alle jae(re) dit jaer naest comende]/ ene(n) sack tarwen thiens(er) maten en(de) v halst(er) pottagien welke(n)/ worw(erden) punte(n) en(de) condicie(n) alle(n) en(de) yegewelke bove(n) bescr(even) hebbe(n) [geloeft]/ de voirs(creven) ja(n) en(de) henric malcande(re)n [wel en(de) volcomelic] te houde(n) en(de) te voldoen en(de)/ in alle d(er) manie(re)n vorme(n) bove(n) voege(n) vorme(n) en(de) manie(re)n bove(n)/ bescr(even) en(de) telke(n) t(er)mijne als datse valle(n) en(de) verschine(n) sele(n) alse/ v(er)volghde schout Hier af sijn burge(n) des vors(creven) henri(cs) alse/ p(ri)n(cipae)[le] sculde(re)n ongesundert en(de) ongescheide(n) henric jan peter geldolf/gode goert en(de) art [en(de)] wouter sijn kinde(re) [soene] de voirs(creven) pete(re)n en(de)/ artde te voren uut des selfs henrics hoers vaders brode gedaen/ de welke sijn kinde(re) [sone voirghenoemt] de voirs(creven) henr(ic) heeft geloeft hier af scadeloes tontheffen/ alb(us) tymple ap(ri)lis xviii anno deci(m)o octavo