Cond sij allen lieden dat joffr(ouwe) lijsbeth die wijf was gheerts wilen/ vanden passche es come(n) in jeg(enwoirdicheit) d(er) scepen(en) van loven(en) en(de) heeft geg(even)/ en(de) bekent dat sij gegeve(n) heeft willem beal lyeu woene(n)de te piet(er)bais/ hoe(r) hof gelegen te meylhem onder dbosch [ald(aer)] met den huysen hoven/ wynnende lande en(de) allen sine(n) toebehoerte(n) Te Te houden te hebben/ en(de) te wynne(n) van halfm van m(ar)gent? [half] merte lest lede(n) ene(n) t(er)mijn/ van vi jae(re)n lang deen na dand(er) sonde(r) middel volgende Elx jaers/ dae(re)nbynne(n) te weten dit yerste jaer o(m)me achthien rox [mud(de) corens gehete(n) weysinc en(de) dand(er) jaer d(aer) na volgen(de) o(m)me xxii mudde corens geheten weysinc] en(de) dan/va voertaen alle jaer o(m)me xxiiii mudde rox [wet] [corens gehete(n) weysinc] goet en(de) payabel/ der maten van thienen alle jaer [vide(licet) vi halst(er) d(i)c(t)e me(n)s(ure) p(ro) uno modio (con)sent(is)] te sente andries misse apostels/ te betalen en(de) te loven(en) leve(re)n alle jaer den voirs(creven) t(er)mijn durende/ en(de) telken t(er)mine als v(er)volghde schout Item sal noch de voirs(creven) wy(n)ne/ gheve(n) der voirs(creven) joffr(ouwe) van nu sente andries misse neest komen(de) al een/ jaer i halster raepsaets en(de) i halster erwete(n) en(de) dan [also] voertaen alle/ jaer te sente andries misse den voirs(creven) t(er)mijn due(re)nde i halster raeps(aets)/ en(de) i halst(er) erwete(n) elx goet en(de) payabel der maten voirs(creven) en(de) oec/ te loven(en) leve(re)n [en(de)] telken t(er)mine als v(er)volght schout met vorw(er)den/ dat de voirs(creven) joffr(ouwe) den voirs(creven) wy(n)ne altoes [als] hi hoer pacht brengt/ sine(n) cost gheve(n) sal en(de) sinen p(er)den hoey Item sal de voirs(creven) wy(n)ne/ leve(re)n alle jaer den voirs(creven) t(er)mijn due(re)nde iii[c] walm(er)e stroes goet [en(de) custber] o(m)me die/ op de huysinge vande(n) voirs(creven) hove te verdecken en(de) so wa(n)neer men die/ verdect so sal de wynne den werclieden den cost gheve(n) en(de) m(ijn)/ joff(rouwe) sal de b dachue(re)n betalen Item w(ar)t oec also dat aen de voirs(creven)/ huysinge bynne(n) den voirs(creven) t(er)mine yet gebrake te make(n) van plecke(n)/ van decke(n) of van ty(m)me(re)n dat sal de voirs(creven) wynne doen doen en(de)/ den werclieden en(de) oec den cost gheve(n) en(de) m(ijn) joff(rouwe) de dachue(re)n/ betalen uut ghescheide(n) van allen nuwe(n) wercke daer in en/ sal de wy(n)ne niet gehoude(n) sijn Item voert es vorw(er)de dat de / voirs(creven) wy(n)ne de voirscr(even) goede den voirs(creven) t(er)mijn due(re)nde wynne(n) en(de)/ werve(n) [sal] wel en(de) loflic op sijn getidege vore(n) gelijc sine(n) reengenoete(n)/ bove(n) en(de) benede(n) en(de) allet stroe d(aer) [op] wa op wassende allen jaer/ int voirscr(even) hof vueren en(de) dat ald(aer) slite(n) en(de) etten met sinen/ beesten en(de) te mest maken en(de) dat uut vueren opt voirs(creven) lant/ slants meeste(n) p(ro)fite It(em) sal de vors(creven) wy(n)ne alle truncboeme aen/ de vors(creven) goede staende trunke(n) te behoerlike(n) tide de goede mede/ te bevrede(n) en(de) alle v(er)droeghde boem sal de wy(n)ne hebbe(n) en(de) voe(r)/ elken iii ande(re) vande(n) selve(n) arnde wed(er) setten
//
Ite(m) heeft geloeft de vors(creven) willem d(er) vors(creven) joffr(ouwe) by(n)nen eenre/ maent neest come(n)de voe(r) de vorscr(even) vorw(er)den tond(er)pant te sette(n)/ ii mudde rox d(er) maten va(n) lov(en) aen goede seke(re) pande gelege(n)/ te dongelb(er)ge en(de) d(aer) toe so vele te doen voe(r) hof en(de) he(re) d(aer) men/ die goede af houde(n)de es dat hoe(r) vaste en(de) seke(r) sijn sal huffle/ borch(oven) aug(usti) xviii