Item jan van amelghen [van zaventhen] heeft genomen en(de) bekent dat hi genomen heeft/ van h(ere)n woute(re)n van hugarde(n) proefst scloest(er)s van p(er)ke van svoirs(creven) cloest(er)s wegen/ de molen des selfs cloest(er)s gheleg(en) te voshem met den beemde daer toe hoe(re)nde te/ houden en(de) te hebben van op den dach van merghen [s(ente) jans misse bap(tis)[te(n)] lestlede(n)] ene(n) t(er)mijn van vi jae(re)n lang/ deen nae dand(er) sond(er) middel volgen(de) te weten alle weken hie(re)nby(n)ne(n) o(m)me ii halst(er)/ rogs goet en(de) payabel der maten van lov(en) te betalen en(de) int voirs(creven) cloest(er) te leve(re)n/ den voirs(creven) t(er)mijn due(re)nde en(de) telken t(er)mine als vervolghde schout Behoudelic dien/ dat tvoirs(creven) cloest(er) de voirs(creven) molen van allen werke houde(n) sal uutgesch(eiden) van smeere/ en(de) van smouts Voert es vorwerde waert dat de voirs(creven) molen stille moeste/ blive(n) staende mids ocsuyne des voirs(creven) cloest(er)s datmen dat den voirs(creven) molne(r) afslaen/ sal vande(n) voirs(creven) pachte nae gelangde vande(n) tide daer ghedreeght ende waert/ dat de voirs(creven) molne(r) inde voirs(creven) molen enigen steen brake of mesmoele dat hi dat/ den voirs(creven) cloeste(r) oprichten soude ten prise van goede(n) knapen hier af is borghe/ des voirs(creven) jans als p(ri)ncipael sculde(r) en(de) voer al art seghers van zaventhe(n) [molde(r)] et p(ri)m[(us)]/ rike lye(ming)[en] junii xxviii