Van werne(re)n van dongelb(er)ge dieme(n)/ heedt van longchamp/ Het es comen in rechte voer meye(r) ende scepen(en) van loven(en) w(er)ne(re) van dongelb(er)ge/ diemen heedt van longchamp met eenre guedinge(n) hem gedaen vanden goede(n)/ hier nae genoempt uut macht van scepen(en) brieven van loven(en) van h(ere)nwoute(re)n/ van mosmale canonick van ludick die ov(er)mids vo(n)nisse van scepen(en) brieve(n) van/ loven(en) hem bekent van janne van lang(er)velt beleidt was tot ene(n) bloke onder/ lant ende beempt geheten der beeck bloc inde p(ro)chie van oplynte(re) gelegen/ neve(n) de strate gaende te ned(er)lynte(re) w(er)t en(de) neve(n) de elstrate en(de) den goeden/ h(ere)ndiederix wilen necker priesters jegen raese vander ryvie(re)n soen he(re)n van/ nederlynte(re) en(de) van heere daer de selve raes een aensprake dede ten voirs(creven) w(er)ne(re)n/ wert seggen(de) dat voirtiden vanden voirs(creven) beecbloke gedinge(ne) geweest hadde voe(r)/ meye(r) en(de) scepen(en) van loven(en) alse van acht boende(re)n daer in gelegen en(de) niet meer/ ende dat de voirs(creven) w(er)ne(re) met sijnre voirs(creven) goedingen meer dan viii boender te/ hemw(er)t toghe jegen recht en(de) jegen bescheit also hi meynde want hi selve/ tott(er) ov(er)baten comen wae(re) en(de) die ontfangen hadde voe(r) hof ende he(re) dwelc/ hi boet te thoene(n) hoepte en(de) meynde soe waer hi dat gethoene(n) conste dat/ hem die ov(er)bate volgen soude ende dat hem des voirs(creven) werners goedinge/ d(aer) aen gheen onstade en soude doen op dwelke de voirs(creven) w(er)ne(re) met sine(n) gelev(er)den/ voersprake hem verantwerdende dede lesen inden rechte sijn scepen(en) brieve die/ hi hadde vander voirs(creven) goedingen hoepte en(de) meynde na inhouden vande(n) selve(n)/ scepen(en) brieven dat hem de voirs(creven) goede geheelic en(de) al tusschen sijn reengenoete(n)/ souden volgen want sijn brieve niet en begrepe(n) noch vi boend(er) noch viii/ noch x noch xii boend(er) mar dbloc met sinen reengenoeten Seide voert/ dat voirtijts vanden selven goeden gedinge geweest hadde inde banc voer/ meye(r) en(de) scepen(en) van loven(en) tusschen den voirs(creven) h(ere)n woute(re)n en(de) janne platvoet die/ ov(er)mids vo(n)nisse van scepen(en) brieven van loven(en) beleidt was tot den goeden des/ voirs(creven) raes daer goede vo(n)nissen af gewijst we(re)n die geregistereert stonden/ in der scepen(en) boeke en(de) begherde datme(n) die vo(n)nissen aenhoe(re)n soude dwelc/ geschiede en(de) dat aengehoert seide de voirs(creven) w(er)ne(re) nae de voirs(creven) vo(n)nissen/ en(de) na sijn voirs(creven) scepen(en) brieve en(de) tverantwerde(n) dat hi verantw(er)t hadde/ dat hi in sijnre voirs(creven) goedingen bliven soude en(de) sculdich we(re) te bliven/ Dat gedaen de meye(r) van loven(en) maende voert de scepen(en) van loven(en)/ wes recht sijn soude Die wijsden voer een vo(n)nisse na aensprake na ant/ w(er)de na de [scepenen] brieve en(de) na al dats voer hen comen was dat sij bleven/ bij alsulken vo(n)nisse als de scepen(en) voirtijts daer op gewijst hebben P(rese)nt(ibus)/ joh(ann)e de huffle joh(ann)e de borch(oven) lud(ovico) roelants walte(r)o py(n)noc goessuino/ ouderogge et walte(r)o capelleman julii xi a(n)no xiiii[c] xxii[a]