Cont sij allen lieden dat jan alboems gehete(n) caudaenman b(er)thelmeus van/ gheerligs gehete(n) loppens beide va(n) ov(er)yssche daneel de coste(r) dieme(n) heet vand(er)/ morlanen joes dibbout van osseghem wone(n)de te malevie(n) en(de) lonijs vande(n)/ broeck gehete(n) cupe(re) va(n) ov(er)yssche Sijn comen (et)c(etera) en(de) hebben gekendt dat/ sij wittelic gecocht hebben jegen janne lonijs den ouden naturlic soen meest(er)/ jan wile(n) lonijs canonix en(de) costers der kerken van ludic xxiiii(½) boender/ en(de) (½) dachmael onder bosch en(de) ydel plaetse gehete(n) de holst gelege(n) ten/ broeck inde p(ro)chie va(n) ov(er)yssche Elc boender daer af om v holl(ansche) gul(den) va(n)/ goude goet en(de) gheve te weten twe oude vrancr(ijx) crone(n) voir iii der/ selver gulden gerekent of de w(er)de daer voir in ande(re)n goeden goude van bamisse/ naestkome(n)de bynne(n) vi jae(re)n deen na dande(r) daer na staphants volgende te/ betalen inder manie(re)n hier na volgende Te weten daer af xxxi(½) holl(ansche) gul(den)/ en(de) (½) q(ua)rtier va(n) i gul(den) te bamisse naestkomende It(em) xix [gul(den)] en(de) i q(ua)rt(ier) va(n) i gul(den)/ daer af te bamisse d(aer) na volgende It(em) xix gul(den) iii q(ua)rtier va(n) i gul(den) min en(de)/ ii(½) pl(acken) daer af te bamisse daer na naest volgende It(em) xxiii(½) gul(den) min/ ii(½) pl(acken) te bamisse dan daer na naest volgende Item xxi gul(den) en(de) i q(ua)rt(ier) va(n)/ ene(n) gulde(n) te bamisse dan d(aer) na naest volgende Item xiii(½) gul(den) en(de) een q(ua)rt(ier)/ va(n) ene(n) gulde(n) te bamisse dat dan daer na volgt te betalen telken t(er)mijn/ als v(er)volghde [schout] Met alsulke vorw(er)den dat sij houwen selen opt yrste jaer/ v boende(r) en(de) l roeden op dande(r) jaer xv dachmale en(de) xl roeden opt dirde/ jaer iiii boende(r) min xxv roeden opt vierde jaer iiii(½) boende(r) en(de) lxxv roede(n)/ opt vijste jaer iiii boende(r) en(de) i dachmale en(de) opt seste jaer xi dachmale/ Voert is vurw(er)de dat de voirs(creven) p(er)sone(n) opt voirs(creven) bosch alle jaer houwe(n) selen/ een laeye vande(n) laeyen voirscr(even) en(de) niet meer begynne(n)de daer sij nu begonne(n)/ hebben en(de) also all alle jaer een laeye sonder afslaen [ov(er)slaen] of in e(n)nige ande(re)/ laeye te houwen tot dat tvoirs(creven) bosch al gehouwen sal sijn En(de) sij selen altoes/ te bamisse begi(n)nen te houwen en(de) niet eer Voert is vurwarde dat de selve/ p(er)sone(n) tvoirs(creven) bosch jaerlix niet lang(er) en selen mogen houwen dan tot half/ mey en(de) gheen colen berren opt selve bosch dan op ydele plecken en(de) tot/ inganc mey en(de) niet lang(er) Oec selen sij tselve bosch alle jaer te uutganc/ meys geruympt hebben en(de) laten Behoudelic dien w(er)t sake dat hen te/ / half meye e(n)nich hout va(n) hore(n) voirs(creven) houwe opte(n) bosch ov(er)bleve dat/ sij dat bynne(n) meys miten mogen opte(n) selven houwe op ydel plaetsen/ of op wege ter minsster schaden Item en selen de voirs(creven) p(er)sone(n) opte(n)/ voirs(creven) bosche gheen hout houwen mogen noch houwen dan schaerhout/ en(de) int opgaende hout en selen sij gheen recht hebben noch behouden/ Oec en selen sij bynne(n) den voirs(creven) t(er)mine tusschen uutganc mey ende/ bamisse opte(n) voirs(creven) bosch niet vae(re)n noch mogen varen met wagene(n)/ noch anders in gheenre manie(re)n uutgescheiden dat sij thout dat/ hen te half mey ov(er)blijft en(de) dat sij gelijc voirscr(even) is gemijt selen/ hebben dat sij dat alle jae(re) tusschen bamisse en(de) onser vrouwen/ lichtmisse af selen moghen vue(re)n sonder begrijp Et tres p(ri)mi/ ponte(n) hug(ar)den iunior no(vem)[br(is)] xviii

dat in dierste paye/ wae(re)n opgeslage(n)/ vi guld(en) vanden/ hoeghen