SAL7318, Act: V°186.5 (1413 of 3137)
Search Act
previous | next
Act V°186.5  
Act
Type: borgstelling
Date: 1424-01-03
LanguageNederlands

Transcription

2020-01-04 by 
Item vranck van wijchmale arnt kyp van wesemale arnt vanden/
dike van west(er)le gord van leemputte van west(er)le en(de) jan barbiers/
van arschot hebben [hen] gep(re)senteert voe(r) scepen(en) van loven(e) h(ier) nae/
genoempt te v(er)borghen arnde ty(m)mermans en(de) janne ty(m)m(er)mans/
sinen brued(er) ii[c] mott(oenen) te wete(n) xxviii pl(acken) voe(r) twee mott(oenen) gereekent/
te betale(n) half by(n)nen den iiii paeschdage(n) neest komen(de) en(de) dand(er)/
helcht bynne(n) den iiii kersdagen d(aer) naest volgen(de) als v(er)volghde schout/
o(m)me te voldoene alsulken zoene als gedeedingt es tusschen de/
voirs(creven) gebruede(re) in deen side en(de) de vriende van ja(n)ne van wijchmale/
he(n)nen van bladele en(de) arnde vande(n) dike die ter doet bracht hebbe(n)/
loden ty(m)m(er)mans brued(er) der voirs(creven) gebruede(re) in dande(r) en(de) voert/
en(de) te voldoen en(de) te becrigen tgebet van iii(½)[c] cloeste(re)n voe(r) de ziele/
vande(n) voirs(creven) doeden en(de) oec een tamelijc cruce te setten ter stat/
d(aer) de voirs(creven) loden van live t(er) doet bracht was in alle der manie(re)n/
gelijc sij verdeedingt was es Rike g(ra)ven ja(nuarii) iii
Contributors
Moderated bykristiaan magnus

Signer

  • Gielis de Rike
  • Raes van Graven
Last update: 2013-01-14 by Sabrina Keyaerts