SAL7318, Act: V°66.2-R°68.1 (561 of 3137)
Search Act
previous | next
Act V°66.2-R°68.1  
Act
Type: inbeslagname
Date: 1423-08-30
LanguageNederlands

Transcription

2019-09-25 by Kristiaan Magnus
It(em) gerart vande(n) zaffele va(n) kerchem soen henr(ix) wile(n) vande(n)/
zaffle is comen in t(egenwerdicheit) en(de) heeft genome(n) en(de) bekent dat hi/
genome(n) heeft van ja(n)ne va(n) oppe(n)dorp [wile(n)] gorts soen en(de) ja(n)ne van/
buetsele heyligheestmeeste(re)n des heilige(n) gheest der kerke(n) va(n)/
sente machiels te loven(e) van desselfs heilig(er) wege(n) weyne(n)/
va(n)de(n) veer en(de) henricke(n) va(n) ha(m)me va(n) libbeke de goede die wile(n)/
ware(n) h(ere)n god(er)t koemelinx priest(er)s de welke de selve h(er) godert/
den voirs(creven) heilige(n) gheest gelate(n) heeft houdende xiii(½) boende(re)/
en(de) xcii roede(n) of daer omtrent gelijc die geleg(en) sijn te braken/
inde p(ro)chie va(n) libbeke bid(er) capellen Te houden te hebben en(de)/
te wynne(n) va(n) half m(er)te neest voirleden ene(n) t(er)mijn va(n) ix jae(re)n/
lanc deen na dand(er) daer na staph(ants) volgende elx jairs dae(re)n by(n)ne(n)/
inder manie(re)n hier na bescr(even) dats te weten inde(n) yrsten elc boend(er)/
lants va(n) also v(er)re dat inder mate(n) strect om xiii halster corens/
libbex pachts goet en(de) payabel d(er) maten va(n) loven(e) met wanne en(de)/
met veede(re)n wael bereidt alsulcs corens alse opt voirs(creven) lant jairlix/
wassen sal te sente andries misse apostels te betalen en(de) tot loven(en)/
te leve(re)n alle jair den voirs(creven) t(er)mijn due(re)nde en(de) telken t(er)mijn als v(er)volghde/
schout Item sal de voirs(creven) wynne dit voirs(creven) lant alle jaer mesten/
Te weten den art d(aer)me(n) den rogge op sayen sal en(de) gheen ander
//
den voirs(creven) t(er)mijn due(re)nde Voert so sal de wynne voirs(creven) dit voirs(creven) lant/
wynne(n) en(de) w(er)ven gelijc syne(n) reengenoten bove(n) en(de) beneden It(em) so sal/
de wynne voirs(creven) allet coren en(de) stroe vande(n) voirs(creven) lande comende int/
voirs(creven) hof vue(re)n en(de) [dat] dmest [v(er)the(re)n met sine(n) beeste(n) en(de) te meste make] d(aer) af wed(er) opt voirs(creven) lant vue(re)n slants meeste(n)/
p(ro)fite It(em) so en sal gerart voirs(creven) gheen coren noch stroe elder vue(re)n/
dan int voirs(creven) hof It(em) so wat lande dat gherart voirs(creven) hoervruchten sal/
dat lant sal hi daer tseghen graven of mesten It(em) en mach gerart/
voirs(creven) gheen lant vande(n) voirs(creven) landen hoervruchten bynne(n) den drien/
lesten jaren vande(n) voirs(creven) ix jaren Item sal gerart voirs(creven) elx jaers/
vande(n) voirs(creven) ix jaren (½) boender lants merghelen en(de) daer af sal de/
heilige gheest tgelt betalen vande(n) voirs(creven) merghelen en(de) gheert salt/
halen en(de) opt voirs(creven) lant vue(re)n [en(de) hier toe de vors(creven) gheert binne(n) den vors(creven) t(er)mijn noch i½ boend(er) lants m(er)ghelen Behoudelic dien dat de heylege gheest den mergel bet(alen) sal gelijc vors(creven) es] It(em) so sal gheert voirs(creven) geve(n) alle jaer/
vande(n) eeusselen duyfhuze wate(re)n en(de) oefte te gade(re) xxvi holl(antsche) gul(den) ii goede/
vrancr(ijx) crone(n) swaer va(n) gewichte voir iii gul(den) holl(antsch) gerekent en(de) gherart/
sal alle de wate(re) houden en(de) veghen op sine(n) cost en(de) dat duyfhuys sal hi/
houden en(de) vueden sonder decken en(de) plecken Ite(m) so wat aen die huyse/
die d(aer) op nu t(er)tijt staen gebreect te maken d(aer) af sal gheert den wercliede(n)/
hoe(re)n cost geve(n) en(de) de heilige gheestmeest(er)s selen h(e)n die dach hue(re)n betalen/
uutgescheiden va(n) nuwen ty(m)meringen dat selen de voirs(creven) heilige gheestmeest(er)s/
op cost sheilichs gheests voirs(creven) alleen doen maken en(de) de wynne voirs(creven)/
sal alle die wande vanden rijchelen nederw(er)t altoes in goeden gereke/
houden en(de) sculdich sijn te houden Ite(m) so sal gherart voirs(creven) alle jaer/
geven en(de) leve(re)n ii [c] goeden custberre walmen de voirs(creven) huyse mede te/
decken It(em) gherart en sal opt voirs(creven) goet niet houwen dan breeme(n)/
en(de) dorne(n) i tot sijnre berringen It(em) so mach die selve gherart truncken/
alle truncboeme en(de) de voirs(creven) goede d(aer) mede bevreden en(de) so wat boem/
opte(n) goede(n) voirs(creven) bynne(n) den t(er)mijn voirs(creven) verdroeghde dien sal hi af/
houwen mogen en(de) daer voer twe poten wed(er) setten vande(n) selven/
arde Item is vurw(er)de dat de voirs(creven) gherart xiiii popele(re)n of wilgen/
poten opt voirs(creven) goet daer sij nuttelicste geset we(re)n jaerlix sal setten/
of doen setten Ite(m) sal de voirs(creven) gherart alle den cheyns en(de) pacht
//
tot den voirs(creven) hove hoe(re)nde op syne(n) cost inhalen en(de) ontfaen en(de)/
alle den cheyns en(de) evene die ute(n) voirs(creven) hove en(de) den goeden/
daer tot hore(n)de sculdich sijn te gaen sal de wy(n)ne daer weder/
af betalen en(de) we(re) hi daer nen te cort dat soude hem afslaen/
aen syne(n) pacht en(de) wast hem yet daer af sal hi goede rekeni(n)ge/
doen en(de) is vurw(er)de w(er)t also dat e(n)nige(n) schade of co(m)mer mids/
dat den voirs(creven) cheyns en(de) evene uute(n) voirs(creven) goede(n) jaerlix gaende/
niet in tijts betaelt en worden geschiede dat de voirs(creven) wynne/
de schade sal moeten oprichten en(de) betalen sonder afslach/
van sine(n) pacht voirs(creven) Item so sal de wynne alle de bossche/
tot den voirs(creven) goeden hoe(re)nde wel bewae(re)n en(de) daer toe sien/
Item sal de voirscr(even) wynne alle dlant laten ten eynde van/
sine(n) t(er)mijn gelijc dat hijt vant in sijne(n) aenkomen te weten/
den art dien hi besait vant besayt laten en(de) dlant dat/
hi om gedaen vant o(m)me gedaen laten Item sal de wynne/
de grechte thuynen en(de) ryolen vanden beemden en(de) goeden/
voirs(creven) ten eynde van syne(n) t(er)mine [late(n)] gelijc dat hise vant te syne(n)/
aenkomen Item is vurw(er)de so wa(n)neer men aen tvoirs(creven) hof/
metst plect dect of anders aen die huyse werct dat dan/
de voirs(creven) wynne daer toe halen sal leem walmen tijchelen/
en(de) savel met syne(n) waghene en(de) op synen cost It(em) is noch/
gevurw(er)t dat de voirs(creven) wy(n)ne allet pacht coren tot den/
voirs(creven) hove hoe(re)nde ontfaen sal en(de) te loven leve(re)n den heilige(n)/
gheestmeest(er)s va(n) sente machiels op des voirs(creven) wynne(n) cost/
Item of van tempeesten of gemeyne(n) orloge de voirs(creven) wynne/
bynne(n) den voirs(creven) t(er)mijn e(n)nige schade cost of co(m)mer hadde/
of lede So is vurw(er)de dat hem de voirs(creven) heiligeestmeest(er)s/
daer af rastoer doen selen gelijc ande(re) he(re)n hoe(re)n pechte(re)n/
bove(n) en(de) beneden doen selen Eest oec also dat de voirs(creven) wy(n)ne/
ten eynde va(n) sine(n) voirs(creven) t(er)mine meer lants besayt laet dan/
iii(½) [iiii] boende(re) die hi besayt vant so is vurwarde dat de voirs(creven)
//
heilige gheest [meeste(re) van des heylige gheest wege(n)] hem daer af restitutie doen sele(n) na taxatie/
van goede(n) knapen Voert is gevurw(er)t dat de voirs(creven) wynne/
den voirs(creven) hof [noch gheen goede d(aer) af] nymane voert uutgeven en sal te wynnen sonder/
consent vanden heyligeestmeesters voirs(creven) It(em) sal de voirs(creven) wy(n)ne/
int voirs(creven) hof in syne(n) lesten jaer ten afscheiden late(n) xx hope/
roggens voed(er)s en(de) x hope zom(er)voeders Hier af sijn borgen/
des voirs(creven) wynne(n) jan als principael sculde(re)n ongesund(er)t ende/
ongescheiden en(de) en(de) elc voir al jan vande(n) male va(n) kerchem/
jan kuestmen va(n) binckem [en(de)] jan swaus va(n) binckem welke burgen/
de voirs(creven) gerart geloeft heeft hier af altoes scadeloes ende/
co(m)merloes te houden en(de) tontheffen hier wae(re)n ov(er) rike ponte/
aug(usti) penulti(m)a xxx
ContributorsKristiaan Magnus , Jos Jonckheer
Moderated byMi-Je Van Gils

Signer

  • Gielis de Rike
  • Jan vander Brugghen
Last update: 2013-10-04 by Kristiaan Magnus