Van jaq(ue)mijn rosseal/ Tvo(n)nisse tusschen jaq(ue)min rosseal die beleidt is tot den haefleken goede(n)/ marien dochter jans wilen le chanteur van namen in deen side en(de) andriese/ de viex m(er)chiet in dande(re) was ghewijst en(de) uutgedragen met desen woirde(n)/ nae aensprake nae antwerde nae thoenisse en(de) nae al dats voir hen comen was/ dat alsulken haefleken goede als ind(er) huweleker vorwerde(n) gesproken wa(r)en der/ voirs(creven) marien te volghen met alsulken vliegende erve als hae(r) moed(er) bide(n) voirs(creven)/ andriese hoe(re)n man bracht gelijc en(de) in al der manie(re)n dat de waerh(eit) van/ beyde den voirs(creven) stucken gedragen heeft dat die den voirs(creven) jaq(ue)mijn en(de) sinen/ beleyde volghen selen en(de) alse vande(n) pachte soe wes de voirs(creven) andries van pachte/ sider sijns voirs(creven) wijfs doot gevallen vande(n) goede(n) der voirs(creven) marien gehave(n) heeft/ dat hi dat den voirs(creven) jaq(ue)mijn wed(er)ke(re)n sal ende voert heeft de selve andries/ yeman(de) yet aen te spreken dat hi dat doen mach met den rechte rike py(n)noc/ iunior ponte hug(ar)den iunior oct(obris) xix