Van janne vander cammen/ Het sijn comen in rechte voir meyer en(de) scepen(en) van loven(e) jan vander ca(m)me(n)/ in deen side en(de) janne bone van mechlen volde(r) die margrieten sijnre docht(er)/ heeft in dande(re) Daer de selve jan bone een aensprake dede ten voirs(creven)/ janne vander ca(m)men wert sinen sweder seggen(de) dat op tyden voirleden/ de selve sijn sweer geloefde sinen tween kynde(re)n daer af dat sijn wijf deene/ es c cronen dat was margrieten sine(n) wive l cronen dwelc hi/ boet te thoenen en(de) metten mynsten daer hi mede lyden mochte inde(n)/ rechte en(de) dat hi daer af in gebreke wa(r)e en(de) seyde soe waer hi dat ge/ thoenen conste dat hi hem van dyen l cronen gulde doen soude en(de)/ woude jan vander cammen hem ontkynnen hi en hadde sijnre dochter/ getr(u)wt soe boet hi dat oec te thoenen Op dwelke de voirs(creven) jan vander/ cammen hem verantwerde en(de) seyde dat hij sijnre voirs(creven) docht(er) gheen/ gheen gelt geloeft en hadde maer het was waer dat geviel op/ eenre tijt dat hi ter reysen w(er)t over maye getoghen soude hebben/ en(de) dat hi doen sine(n) tween cleyne(n) kynde(re)n bekende ene(n) brief van/ l cronen nae sijn doet te betalen en(de) dien brief hadde hi gheleet/ ter vriende huys op alsoe hadde hi aflivich geworden datme(n)ne sine(n)/ kynde(re)n dien br(ief) gegeven soude hebben en(de) alsoe hi niet en toegh/ haelde hi sine(n) brief weder ter vrynde huys daer hine geleeght/ hadde En(de) daer af hadde de voirs(creven) jan bone hem tande(re)n tiden een/ aensprake gedaen voer meye(r) en(de) scepen(en) van loven(e) daer af dat/ hij doen ter tijt quijt gewijst waert gelijc noch wael kenlic/ wa(r)e hoepte en(de) meynde nae de goede vo(n)nisse die daer op/ gewijst wa(r)en dat hi ongehoude(n) sijn soude vand(er) aenspraken die/ de voirs(creven) jan bone te hemw(er)t gedaen hadde Alsoe dat de meye(r)/ daer op maende de scepen(en) van loven(e) die wijsden voir een vo(n)nisse/ dat alsulken aensprake als de voirs(creven) jan bone ten voirs(creven) janne va(n)d(er)/ camen sine(n) sweer w(er)t gedaen hadde den selve(n) janne vand(er) ca(m)men/ gheen onstade doen en soude borch(oven) opp(endorp) nethen(en) cap(elle)[ma(n)] vynck wante/ sabbato post quasimodo