Van augustine vanden borchoven/ Steven smacht sone stevens wilen smacht es comen inde banc voir/ meye(r) ende scepen(en) van loven(e) jegen augustine vanden borchoven die beleidt/ is tot den goeden jans vanden borchoven des jongen sijns brued(er)s ende joffr(ouwe)/ m(ar)grieten kersmakers sijns wijfs ende heeft aldaer inden rechte doen lesen/ enen scepen(en) brief van loven(e) voirtijts gemaect op de huweleke vorwerde/ tusschen gorde wilen kersmake(re) in deen side en(de) joffr(ouwe) kathelinen wilen q(ui)nq(ue)/ sinen wive in dande(re) Den voirs(creven) brief gelesen seyde de voirs(creven) steven bi/ sinen geleverden voirspreke dat seke(re)n p(er)sonen inden voirs(creven) brieve genoemt/ daer steven smacht sijn vad(er) een af was de voirs(creven) gord de kersmake(re) ond(er)/ and(er) poente inden voirs(creven) brieve begrepen geloeft hadde dat hi gheen vande(n)/ goeden de welke de selve gord ende joffr(ouwe) katheline te gade(r) vrachten v(er)sette(n)/ vercoepen verande(re)n noch beswa(r)en en soude in enig(er)wijs met wille der voirs(creven)/ joff(rouwe) katheline(n) noch jegen hae(re)n wille Ende om dat den brief mentie maect/ b(ri)nger des briefs soe sprake hi aen met den selve(n) brieve als erfgename/ van sine(n) voirs(creven) vad(er) seggende dat augustijn met sine(n) voirs(creven) beleyde te hem/ wert trecken wilt alrehande goede ind(er) voirs(creven) huweleker vorwerde(n) begrepe(n)/ tonrechte alsoe hi meynde want den brief begrepe dat hise vercoepen/ verande(re)n versetten noch beswa(r)en en soude Ende sij met den voirs(creven) voirs(creven) beley(de)?/ verandert wa(r)en en(de) wel gescapen of augustijn aflivich worde met allen/ vande(n) erfgenamen ontvreemt te werde(n) des hi hoepte dat nu(m)m(er)meer/ sijn en sal nae der geloften voirs(creven) ende des genueghde hem wel tvo(n)nisse/ Op dwelke de voirs(creven) augustijn hem verantwerdde en(de) seyde dat hi den/ brief liet gaen daer hi sculdich wa(r)e te gaen mar hoepte dat daer jegen/ niet gedaen en wa(r)e en(de) dat hi hem aen sine(n) beleyde gheen onstade doen/ en soude bi redene(n) want claes de kersmake(re) en(de) joff(rouwe) m(ar)griete kersmakers/ sijn sust(er) des voirs(creven) jans wijf vande(n) borchove(n) een deylinghe en(de) scheydinge/ gemaect hebben vande(n) goede(n) voirscr(even) met wille en(de) consente vande(n) voirs(creven)/ gorde en(de) joff(rouwe) katheline(n) hoerer beyd(er) vad(er) en(de) moed(er) Soe en sijn die goede/ niet verandert noch vercocht en(de) het is dicwile gesien al eest alsoe/ dat goede liede huweleke vorwerde(n) hebben dat sij nochtan scepen(en) brieve/ bekenne(n) en(de) doen beleyde(n) om van hoe(re)n goede(n) verwaert te sijn en(de) die te/ bescudde(n) of sijs te doen hadde(n) Oec seyde de voirs(creven) augustijn dat den voirs(creven)/ brief die de voirs(creven) steve(n) hadde doen lesen hem alsoe wael toebehoirde/ als yemande and(er)s en(de) versochte dat hi comen mochte in behoudender hant
//
gelijc so(m)mighe ande(re) gheleeght wa(r)en Dat gedaen de meye(r) van/ loven(e) maende de scepen(en) van loven(e) wes recht sijn soude die wijsden/ voir een vo(n)nisse dat alsulken aensprake als de voirs(creven) steven met den/ voirscr(even) brieve(n) gedaen heeft ten voirs(creven) augustine wert den selven/ augustine noch sine(n) beleyde gheen onstade doen en sal P(rese)nt(ibus) joh(ann)e/ de borch(oven) joh(ann)e de oppend(orp) joh(ann)e de nethen(en) henr(ico) calstr(is) walt(ero) ca(pelle)[man]/ ar(noldo) vynck (et) henrico wante junii xvi a(n)no xiiii[c] xxv