Cont sy allen luden dat jan diederix sone dierix wilen diederix van hev(er)le sijn [is]/ come(n) in jegewoirdicheiden d(er) scepen(en) van loven(e) en(de) hebben [heeft] genome(n) en(de) bekendt dat/sij [hij] genome(n) hebben [heeft] van h(ere)n woute(re)n van hug(ar)den proefst scloesters vanden p(er)ke va(n)d(er)/ ordene(n) van p(re)monstreit [van des selfs cloest(er)s wegen] thof des selfs [voirs(creven)] cloesters gelegen tot eghenhove(n) met sij(n)re/ toebehoerten dats te weten met lande met beemden en(de) met weyden en(de) oect/ met d(er) helcht wy(n)ninghen die dierre van bruessele was alsoe v(er)re als den gods/ huyse vanden p(er)ke toebehoe(re)nde es Te houden te hebben en(de) te wy(n)nen va(n) half/ meerte neest come(n)de [dat was int jaer onss he(re)n m cccc en(de) xx] enen t(er)mijn van tweelef ja(r)en lang deen na dander daer/ nae staphans volgende elx jaers dae(re)n binne(n) o(m)me sevene(n)vijftich mudde rox goet/ en(de) payabel lovenscher maeten met wa(n)ne en(de) met veede(re)n wel bereydt alsulx/ corens alsoe op tselve goet jaerlijx wassen sal En(de) daer toe elx jaers o(m)me tsestich/ mudde ghersten alsulker al soe [al]daer wassen sal d(er) maeten voirs(creven) en(de) oech met/ wa(n)ne en(de) met veede(re)n wel bereydt te sente andries messe apostels te betalen en(de)/ te p(er)ke indt cloester opd(er) voirs(creven) wy(n)nen cost te leve(re)n alle jaer den voirs(creven) termijn/ duerende ende telken t(er)mijne als v(er)volghde schout En(de) oech alle jaer den voirs(creven)/ termijn va(n) tweelf ja(r)en duerende o(m)me twe mudde witt(er) erwiten goet en(de)/ payabel d(er) maeten voirs(creven) ende omme een voed(er) hoeys in tvoerges(eide) cloest(er) te/ leve(re)n Ende oech elx jaers o(m)me een mudde raepsaets droeghe en(de) payabel/ jaerlex te betalen en(de) te p(er)reke te leveren als vervolghde schout Voert sele(n) [sal]/ de voirs(creven) wy(n)nen hebben de beemde die int ghemeyn broeck ghelegen sijn/ metder weyden en(de) met hoe(re)n toebehoerten ghelijc dat sij den godshuyse va(n)de(n)/ p(er)reke toebehoe(re)nde sijn Item sallen de voirs(creven) wy(n)nen gheeve(n) alle ja(r)e den voirs(creven)/ termijn duerende tweelf swaergulden(en) van florensen te sinte lambrechts misse/ te betale(n) den groeten honden mijns hee(re)n van brabant en(de) drie gulden(en) oech va(n)/ floren(sen) te paesschen te betalen den cleyne(n) honden mijns hee(re)n va(n) braba(n)t Voert/ soe sallen v de voirgh(enoemde) wynne(n) ophouden myne(n) hee(re) van brabant twe welpen(en)/ overand(er) jaer Item sallen de selve wynne(n) betale(n) en(de) teliveren(e) den voirs(creven) t(er)/ mijn duerenden alle de corweyden de twoirs(creven) hof myne(n) hee(re) va(n) braba(n)t en(de) den sine(n)/ sculdich es van honden van gasterien en(de) van allen ande(re)n dynghen gheelijc/ dat men tot heer toe gheploghen heeft wel en(de) loeflec alsoe dat den selven/ cloester daer af gheen cost noch sc[h]ade en come Item salen der voirgh(enoemde) wynnen/ leveren den heere van heverle in orloghe enen wagen met den ghetouwe/ tot twe achsterten p(er)den ende oec soe sallen de selve wynne(n) helpen des/ hee(re)n van heverlen hoy inleyden vanden beemden inden bruele gheelijc dat/ men tot heer gedaen heeft Voert sallen de selve wynne(n) gheeve(n) den voirs(creven)/ hee(re) van hev(er)le alle ja(r)e bynne(n) den voirs(creven) tide enen hamel in assensi daghe Item/ sallen de voirs(creven) wynne(n) tvoirs(creven) hof met sine(n) toebehoerten laten in hoe(re)n [sine(n)] uutga/ ne ghelijc dat si vynde(n) [hijt vyndt] in haeren [sine(n)] in comen dats te weten dat hij sayen sollen [sal]/ den wynt(er) aert al met rogghe gedreve(n) op vier tideghe voren ende den som(er)
//
art salen sij [hi] storten en(de) vand(er) braken salen sij [hi] vijf boend(er) eens o(m)me doen/ Item waert dat sake dat den voirs(creven) wynne(n) eneghe schade ghesciede aen/hoe(r) [sijn] coren asb alst int velt stonde ov(er)mids ghemeyn tempeest ocht orloghe/ soe soude(n) de selve wynne(n) die schade den voirs(creven) cloester vande(n) perreke ocht/ den proefst vande(n) godshuyse va(n)den p(er)reke thoene(n) int velt en(de) dan soude me(n)/ vier goede liede kyesen met consente beyde d(er) p(ar)tyen die die scade souden g/ groetschen en(de) taxe(re)n alsoe alsmen bove(n) en(de) benede(n) pleeght te doene ende/ dan soude tcloester die schade den voers(creven) wynnen v(er)ghelden en(de) oprichten en(de)/ al dat selve sal men doen inder schueren tot sinte andriesmisse toe en(de) niet/ langhe(r) En(de) en woude de proefst [daer] niet comen oft yema(n)t and(er)s van van des/ cloesters wegen soe soude(n) de voirs(creven) wynne(n) moeghe(n) kyesen vue vier goede/ lyeden die de schade souden groetschen en(de) taxeren ghelijc dat voerscr(even) es/ op hoe(r) beste Item hebben [heeft] gheloeft de voirs(creven) wynne(n) de huyse vande(n) voirs(creven) hove/ van wande en(de) van dake wel en(de) loeflec [te] houden alsoe als sijse vynden [hise vant] in hoe(r)/[sinen] iernsten income(n)ne en(de) de grecht en(de) thuynen en(de) oech de vreeden wel ende/ loeflec te houden(e) soe datt(er) den godshuyse gheen schade af en ghesciede It(em)/ sallen de voers(creven) wynnen den voers(creven) cloester wynte(re)n twe stucken ledichs/ vees elx jaers gelijc den hoe(re)n [sinen] Voert soe sallen de selve wynnen de palen/ vande(n) voirs(creven) goeden houden en(de) hoeden nae hoe(r) [sijn] macht It(em) sallen de voirs(creven)/ wynnen mijne(n) hee(re) vande(n) p(er)reke en(de) sine(n) covente ghemeynlic eenwerf/ tsaers ene(n) maeltijt gheven teemelic in tvoirs(creven) hof ghelijc dat ghewoenlic/ es Ende alle dese voers(creven) vorwerden en(de) geloften hebben geloeft de voirs(creven) mijn/ hee(re) dabt en(de) covent in deen side [de proefst van svoirs(creven) cloest(er)s wegen in deen side] en(de) de voers(creven) wynne(n) in dandre malcande(re)n/ vaste en ghestedich te houden(e) en(de) wel en(de) wettelic te voldone ghelijc dat/ sij bove(n) bescreve(n) sijn en(de) vercleert en(de) telken t(er)mijn als vervolghde sco/ schout Hier wa(r)en over henric vand(er) calste(re)n en(de) henrick wante [scepen(en) van lov(en)] febr(uarii) iii