Item arnt de coste(re) wouter de royte(re) van indbroeck gord de bresse(re) ende/ wouter vanden bossche late des godshuys vand(er) came(re)n gelege(n) buten der stad/ van bruessel in hoe(re)n hof te pellenberch in jegewordicheide(n) der scepen(en) van/ loven(e) gestaen hebben getuyght dat sij bij en(de) aen wae(re)n als late inde(n) hof voirs(creven)/ daer m(ijn) vrouwe dabdisse vanden voirs(creven) godshuyse vand(er) came(re)n al bereet was/ o(m)me hoer behout te doene van ene(n) kore dien tselve godshuys heeft op seker/ goede hier naebescreve(n) toebehoe(re)nde janne van udekem van pellenberch ende/ janne van maerbeke en op meer [veel] ander goede ald(aer) gelegen die meer ander/ p(er)sone houden(de) sijn Te weten de voirs(creven) jan van udekem een half boend(er) beemts/ gelegen te pellenberch benede(n) den broechoven tusschen de goede lodewijx/ cobbelgiers en(de) de goede der wittevrouwen van loven(e) Ende de voirs(creven) jan van/mae maerbeke een half boender boschs gelegen oec te pellenberch onder/ den cortenberch neve(n) de goede der wittevrouwen van loven(e) voirs(creven) mids dat/ de voirs(creven) jan van udekem en(de) jan van maerbeke der voirs(creven) m(ijn) vrouwen vander/ came(re)n en(de) hoe(re)n godshuyse den voirs(creven) kore ontke(n)nen woude(n) Alsoe dat m(ijn)/ vrouwen met hoerre hulpen alsoe bereet wesen(de) tvoirs(creven) behout mette(n) rechte/ te doene de selve jan van udekem en(de) jan van maerbeke hoe(re)n raed en deliberatie/ gehadt kendden en(de) lijdden voer hen en hoer nacomelinge den voirs(creven) godshuyse/ vand(er) came(re)n sinen kore te hebben erfliken aende voirs(creven) goede te weten de/ voirg(enoemde) jan van udekem aen tvoirs(creven) half boend(er) beemts en(de) de voirs(creven) jan/ van maerbeke aen tvoirs(creven) (½) boend(er) boschs dwelc jan van udekem en(de)/ jan van maerbeke voirs(creven) baden den voirscr(even) laten dat sijt op hen souden/ dragen ende tuyghen gelijc sij gedaen hebben voer scepen(en) van loven(e)/ Biddende den selven scepen(en) van loven(e) dat sijt voert op hen dragen/ ende besegelen willen dwelc doen wouter capellema(n) en(de) henric wante/ scepen(en) van loven(e) geg(even) xxviii dage in augusto