Van gorijs leeman/ Tvo(n)nisse tusschen gorijs leeman die ov(er)mids vo(n)nisse van scepen(en) brieve(n) van/ loven(e) comen ende beleidt es tot den goeden lambrechts wilen van dyest/ in deen side ende raese taelman in dande(re) vande(n) goede(n) hier nae bescreven/ te weten inde yersten van ene(n) stucke lants gelege(n) te ned(er)lynte(r) aen de/ plaetse dat gehete(n) es dboend(er) tusschen de goede der kijnde(re) lambrechts/ wilen cleynjans in beide(n) side(n) Item van ene bog(ar)de houden(de) een boender/ gelegen ald(aer) tusschen de goede hubrechts palster en(de) de goede willems/ gaeyman Item van ene(n) halven boender beemts luttel myn oft meer/ gelege(n) ald(aer) tusschen jan nouwens goede ende de goede der joffr(ouwe) sgroete(n)/ die wijf es jans sgroete(n) Was uutgedragen met desen worde(n) datmen/ den voirs(creven) gorijs vand(er) helcht vanden voirs(creven) goeden in sine(n) beleide houden/ soude also v(er)re als hi in gebreke wa(r)e p(rese)ntib(us) joh(ann)e de nethene(n) waltero/ ca(pelle)[ma(n)] arnoldo vynck et henrico wante oct(obris) xii anno xiiii[c] xxiiii[o]