Item arnt [le(m)mens] van eyndoven es [en(de) g(er)truyt sijn wijf sijn] comen in jeg(enwordicheit) der scepen(en) van/ loven(en) en(de) heeft [hebben] genome(n) en(de) bekent dat hi genome(n) heeft [hebben]/ van gorde tsoers thof des selfs gords gele mette(n) huysen/en(de) hoven d(aer) toe hoe(re)nde gelege(n) inde ridd(er)strate neve(n) de/ goede peters van nethene(n) mette(n) huysen en(de) hoven daer/ toe hoe(re)nde en(de) met iii boende(re)n lants of d(aer) omtrent gelege(n)/ in twee stucken daer af dat deen stucke houden(de) [twee] boend(er)/ es gelege(n) aende quaethage tusschen de goede des godshuys/ vand(er) banck ende de goede des godshuys vande(n) p(er)ke dander/ stucke houden(de) een boend(er) es gelege(n) bide s es geheten/ den evene(n) bosch en(de) es gelege(n) neve aende scotte lynde neve(n)/ de goede des voirs(creven) godshuys vande(n) p(er)ke Te houden te/ hebben en(de) te wynne(n) van kers(misse) neestkomen(de) ene(n) t(er)mijn/ van xii jae(re)n lang deen na dand(er) sond(er) middel volgende/ elx jaers dae(re)n bynne(n) om ix(½) mudde rox goet en(de) payabel/ d(er) maten van loven(en) alle jaer te kersmisse te betalen ende
//
te loven(en) te leve(re)n alle jaer den voirs(creven) t(er)mijn due(re)nde en(de) telke(n)/ t(er)mine als vervolghde schout op op(pendorp) walt(er)i neth(enen) oct(obris) xxiiii/